ms dhoni : ધોનીના ફેન્સ માટે ખુશખબર, ચેન્નાઈ સુપર કિંગ્સ Dhoniને રિટેન કરશે, આઈપીએલ 2022માં રમવાનું નક્કી
ચેન્નાઈ સુપર કિંગ્સનું મેનેજમેન્ટ ધોનીને જાળવી રાખવા સંમત થયું છે. તેણે કહ્યું છે કે, આઈપીએલ 2022 ની હરાજીમાં, તે મહેન્દ્ર સિંહ ધોની માટે જ તેના પ્રથમ રીટેન્શન કાર્ડનો ઉપયોગ કરશે.
ms dhoni : બીજો પુરાવો મળ્યો છે કે, મહેન્દ્ર સિંહ ધોની IPL 2022માં રમશે અને પીળી જર્સી પહેરીને રમશે. ચેન્નાઈ સુપર કિંગ્સનું મેનેજમેન્ટ ધોનીને જાળવી રાખવા સંમત થયું છે.
તેણે કહ્યું છે કે, આઈપીએલ 2022 ની હરાજીમાં, તે મહેન્દ્ર સિંહ ધોની (Mahendra Singh Dhoni)માટે જ તેના પ્રથમ રીટેન્શન કાર્ડનો ઉપયોગ કરશે. આ પહેલા ધોનીએ આઈપીએલ 2021 નો ખિતાબ જીત્યા બાદ હર્ષ ભોગલે સાથેની વાતચીતમાં આઈપીએલ 2022 (IPL 2022)માં તેના રમવાના સંકેત પણ આપ્યા હતા. હર્ષના સવાલ પર ધોનીએ કહ્યું હતું કે, તે અત્યારે આવું કંઈ કરવા જઈ રહ્યો નથી.
હવે CSK ટીમ મેનેજમેન્ટે પણ ધોનીના આ હાવભાવ પર મહોર લગાવી દીધી છે. એક સમચાર એજન્સી સાથેની વાતચીતમાં, સીએસકેના અધિકારીએ જણાવ્યું હતું કે, “સાચું છે કે રીટેન્શન રહેશે. પરંતુ કેટલી રીટેન્શન કરવામાં આવશે, તે હાલ નક્કી નથી. પરંતુ સાચું કહું તો, એમએસ ધોનીને જાળવી રાખવાની પ્રક્રિયાથી કોઈ ફરક પડતો નથી. તેમના કિસ્સામાં, તે ગૌણ બાબત હશે. અમે તેમના માટે અમારા પ્રથમ રીટેન્શન કાર્ડ (Retention card)નો ઉપયોગ કરીશું. CSK ને તેમના કેપ્ટનની જરૂર છે અને આ પણ પુરાવો છે કે, તેઓ આવતા વર્ષે રમશે.
એમએસ ધોનીના નેતૃત્વમાં ચેન્નઈ સુપર કિંગ્સે 4 આઈપીએલ ખિતાબ જીત્યા છે. IPL 2021 નું ટાઇટલ પણ CSK ના નામે હતું, જેની ફાઇનલમાં પીળી જર્સીવાળી ટીમે કોલકાતા નાઇટ રાઇડર્સ (Kolkata Knight Riders)ને 27 રનથી હરાવીને ટાઇટલ પર કબજો કર્યો હતો. CSK ના બેટ્સમેન ફાફ ડુ પ્લેસિસ IPL 2021 ની ફાઇનલમાં મેન ઓફ ધ મેચ બન્યા હતા. તે જ સમયે, ટુર્નામેન્ટમાં સૌથી વધુ રન બનાવનાર ચેન્નઈ સુપર કિંગ્સના યુવા ઓપનર ઋતુરાજ ગાયકવાડ (Rituraj Gaekwad)પણ હતા, જેમણે 635 રન સાથે ઓરેન્જ કેપ જીતી હતી.
ધોની ટી 20 વર્લ્ડ કપમાં ટીમ ઈન્ડિયાનો માર્ગદર્શક છે
CSK ને ચોથી વખત IPL ચેમ્પિયન બનાવ્યા બાદ ધોની હવે ટી 20 વર્લ્ડ કપ અભિયાનમાં ટીમ ઇન્ડિયા સાથે જોડાયો છે. અહીં તેની ભૂમિકા કોઈ ખેલાડીની નથી પણ તેના કરતા વધારે છે. મહેન્દ્ર સિંહ ધોનીને ટીમ ઈન્ડિયા (Team India)ના માર્ગદર્શક બનાવવામાં આવ્યા છે. કેપ્ટન વિરાટ કોહલીએ કહ્યું છે કે, ધોનીની હાજરી ટીમનો આત્મવિશ્વાસ જાળવવા માટે કામ કરશે. ધોની પાસે આઇસીસીના તમામ મોટા ખિતાબ જીતવાનો અનુભવ છે. અને, આ ટીમ ઇન્ડિયા માટે ઉપયોગી સાબિત થઈ શકે છે.
આ પણ વાંચો : T20 World Cup 2021: પાકિસ્તાન 4 બોલરો સાથે ભારત સામે મેદાનમાં ઉતરશે! બાબર આઝમે નામોની જાહેરાત કરી
Latest News Updates
