Pakistan Cricket: 3 દિવસમાં પાકિસ્તાનને બીજો ફટકો, ન્યૂઝીલેન્ડ બાદ ઈંગ્લેન્ડે પણ પ્રવાસ રદ કર્યો

Pakistan cricket: પાકિસ્તાન ક્રિકેટને સતત બીજો આંચકો લાગ્યો છે. ઈંગ્લેન્ડ ક્રિકેટ બોર્ડે (England Cricket Board) પાકિસ્તાન પ્રવાસ કરવાની ના પાડી દીધી છે. આ નિર્ણય એવા સમયે આવ્યો છે, જ્યારે ન્યુઝીલેન્ડે ત્રણ દિવસ પહેલા સુરક્ષાના કારણો દર્શાવીને પાકિસ્તાનનો પ્રવાસ અધૂરો છોડી દીધો હતો. કિવિ ટીમે સીરિઝની શરૂઆતના દિવસે એટલે કે 17 સપ્ટેમ્બરે જ ખસી જવાનો નિર્ણય કર્યો હતો.

ઈંગ્લેન્ડ ક્રિકેટ ટીમ (England Cricket Team) ઓક્ટોબરમાં બે ટી 20 મેચ માટે પાકિસ્તાન (Pakistan) જવાની હતી. 13 અને 14 ઓક્ટોબરે મેચ રમાવાની હતી. આ સાથે તેની મહિલા ટીમને પણ પ્રવાસ પર જવું પડ્યું. તેને બે ટી 20 અને ત્રણ વનડે રમવાની હતી.

Web Stories View more

ગરમીમાં નસકોરી ફુટે તો ઘબરાશો નહીં, આ ઘરેલુ ઉપચારથી મળશે તરત રાહત

એપ્રિલમાં 77 ટકા... 4 વર્ષમાં 400%, ટાટાનો આ શેર બન્યો રોકેટ

ફૂટબોલ ગ્રાઉન્ડ કરતાં પણ મોટું છે જાહન્વી કપૂરનું ઘર, હવે આપશે ભાડે

ઉનાળામાં મોઢાં પર બરફ ઘસવાના ફાયદા છે ચોંકાવનારા, જાણી લો

પરશુરામના એ ત્રણ શિષ્યો જેમણે લડ્યુ હતુ મહાભારતનું યુદ્ધ, જાણો કોણ હતા એ!

શું મધ ક્યારેય એક્સપાયર થાય છે ? કેવી રીતે નક્કી કરશો મધ અસલી છે કે નકલી ?

પરંતુ હવે ઈંગ્લેન્ડે પાકિસ્તાન જવાની ના પાડી દીધી. ઈંગ્લેન્ડ અને વેલ્સ ક્રિકેટ બોર્ડ દ્વારા એક નિવેદન જાહેર કરવામાં આવ્યું હતું કે બોર્ડે ગયા સપ્તાહના અંતમાં પાકિસ્તાન પ્રવાસ (Pakistan tour) અંગે ચર્ચા કરી હતી. જેમાં પુરુષ અને મહિલા બંને ટીમોનો પ્રવાસ રદ કરવાનો નિર્ણય લેવામાં આવ્યો હતો.

“We can confirm that the Board has reluctantly decided to withdraw both teams from the October trip.”

🇵🇰 #PAKvENG 🏴󠁧󠁢󠁥󠁮󠁧󠁿

— England Cricket (@englandcricket) September 20, 2021

ઈંગ્લેન્ડ બોર્ડે જાહેર કરેલા નિવેદનમાં કહેવામાં આવ્યું છે કે ‘અમારા ખેલાડીઓ અને સપોર્ટ સ્ટાફનું માનસિક અને શારીરિક સ્વાસ્થ્ય (Health) અમારી સર્વોચ્ચ પ્રાથમિકતા છે અને વર્તમાન સંજોગોમાં તે વધુ મહત્વનું બની જાય છે. અમે જાણીએ છીએ કે આ વિસ્તારમાં મુસાફરી કરવાની ચિંતા વધી રહી છે અને અમારું માનવું છે કે ત્યાં જવાથી ખેલાડીઓ પર દબાણ વધશે.

ખેલાડીઓ પહેલેથી જ કોરોના નિયમોને કારણે લડી રહ્યા છે. અમારી પુરુષ ટી 20 ટીમ (T20 team)માં બીજી સમસ્યા છે. અમને લાગે છે કે આ પરિસ્થિતિઓમાં પ્રવાસ આઈસીસી ટી 20 વર્લ્ડ કપ માટે આદર્શ તૈયારી નહીં હોય જે 2021માં અમારા માટે પ્રાથમિકતા છે.

ઈંગ્લેન્ડે દુખ વ્યક્ત કર્યું

ઈંગ્લેન્ડે તેના નિર્ણય માટે દુખ વ્યક્ત કર્યું છે અને આવતા વર્ષે પ્રવાસ કરવાની વાત કરી છે. નિવેદનમાં કહેવામાં આવ્યું છે કે અમે સમજીએ છીએ કે આ નિર્ણય પાકિસ્તાન ક્રિકેટ બોર્ડ (Pakistan Cricket Board) માટે ભારે નિરાશા લાવશે.

તે પોતાના દેશમાં આંતરરાષ્ટ્રીય ક્રિકેટ (International cricket)ની વાપસી માટે સતત કામ કરી રહ્યો છે. છેલ્લા બે વખત તેણે ઈંગ્લેન્ડ અને વેલ્સ ક્રિકેટ (Wales Cricket)ને ઘણો ટેકો આપ્યો અને મિત્રતા બતાવી. અમે આ નિર્ણયની અસરથી દુ:ખી છીએ અને 2022માં પ્રવાસ કરવાના અમારા વચનને પુનરાવર્તિત કરીએ છીએ.

આ પણ વાંચો : IPL 2021: RCBની બ્લુ જર્સીની હરાજી કેમ થશે, ફ્રેન્ચાઈઝી તેમાંથી મળેલા પૈસાનું શું કરશે, જાણો