IND vs WI: યુઝવેન્દ્ર ચહલ વધુ 5 વિકેટ ઝડપતા જ રચી દેશે ઈતિહાસ, આમ કરનારો પ્રથમ ભારતીય ખેલાડી બનશે!

T20 શ્રેણીમાં ભારતીય ટીમે શરુઆતની બંને મેચમાં હારનો સામનો કર્યો હતો, અંતિમ બંને મેચમાં જીત સિરીઝની ટ્રોફી હાથમાં ઉપાડવાનો મોકો આપી શકે છે. 5 મેચની સિરીઝમાં વેસ્ટ ઈન્ડિઝ 2-1 થી આગળ છે. આ દરમિયાન યુઝવેન્દ્ર ચહલનુ પ્રદર્શન શાનદાર રહ્યુ છે.

આમ કરનારો પ્રથમ ભારતીય ખેલાડી બનશે!

TV9 Gujarati | Edited By: Avnish Goswami | Updated on: Aug 12, 2023 | 4:45 PM

ભારતીય ટીમનો વેસ્ટ ઈન્ડિઝ પ્રવાસ હવે અંતિમ તબક્કામાં છે. રવિવારે રમાનારી T20 સિરીઝની અંતિમ અને પાંચમી મેચ સાથે ભારતીય ટીમનો કેરેબિયન પ્રવાસ પૂર્ણ થઈ જશે. જોકે ભારતીય ટીમે અંતિમ બંને મેચમાં પૂરો દમ દેખાડવો જરુરી છે. T20 શ્રેણીમાં ભારતીય ટીમે શરુઆતની બંને મેચમાં હારનો સામનો કર્યો હતો, અંતિમ બંને મેચમાં જીત સિરીઝની ટ્રોફી હાથમાં ઉપાડવાનો મોકો આપી શકે છે. 5 મેચની સિરીઝમાં વેસ્ટ ઈન્ડિઝ 2-1 થી આગળ છે. આ દરમિયાન યુઝવેન્દ્ર ચહલનુ પ્રદર્શન શાનદાર રહ્યુ છે.

યુઝવેન્દ્ર ચહલ વધુ 5 વિકેટ ઝડપવા સાથે જ તે ભારતીય ક્રિકેટરોમાં પ્રથમ ખેલાડી નોંધાશે જે T20 ફોર્મેટમાં 100 વિકેટ ઝડપી ચૂક્યો હશે. અંતિમ બંને મેચ ફ્લોરિડામાં રમાનારી છે અને બંને મેચમાં ભારતીય ટીમ જીત મેળવવા માટે પૂરો દમ લગાવશે. જમાં યુઝવેન્દ્ર ચહલના ખભા પર પણ મોટી જવાબદારી રહેશે.

100 વિકેટ ઝડપનારો પ્રથમ ભારતીય

ચહલ શનિવારે આ કમાલ કરવામાં સફળ રહેશે, તો તે આમ કરનારો પ્રથમ ભારતીય બોલર બનશે. વિશ્વમાં 100 વિકેટ ક્રિકેટના સૌથી ટૂંકા ફોર્મેટમાં ઝડપનારો તે 8મો બોલર બનશે. યુઝવેન્દ્ર ચહલ અત્યાર સુધીમાં ટી20 ફોર્મેટમાં 95 શિકાર ઝડપ્યા છે. આ વિકેટ ચહલે 78 મેચમાં જ ઝડપી છે. આ દરમિયાન ચહલની ઈકોનોમી 8.12 ની રહી છે, જ્યારે સ્ટ્રાઈક રેટ 18.06 રહ્યો છે. બેસ્ટ બોલિંગ પ્રદર્શન 25 રન આપીને 6 વિકેટનુ રહ્યુ છે.

સૌથી વધારે વિકેટ ઝડપવામાં શાકીબ અલ હસનનુ નામ સૌથી આગળ છે. શાકીબ બાંગ્લાદેશનો ઓલરાઉન્ડર ખેલાડી છે અને તેણે આંતરરાષ્ટ્રીય ક્રિકેટમાં 140 વિકેટ પોતાના નામે કરી છે. શાકીબ બાદ ન્યુઝીલેન્ડના બે ખેલાડી ટિમ સાઉથી અને ઈશ શોઢીનુ નામે છે. જયારે અફઘાન સ્ટાર ખેલાડી રાશીદ ખાન પણ 100 શિકાર ઝડપી ચૂક્યો છે. લસિથ મલિંગા અને પાકિસ્તાનના શાદાબ ખાન, બાંગ્લાદેશનો મુસ્તાફિઝુર પણ 100 વિકેટ ઝડપનારા ખેલાડીઓની યાદીમાં સામેલ છે.