સ્મૃતિ મંધાનાએ પિતાની સામે કરી મોટી ભૂલ, ત્રીજી વખત હાલત થઈ ખરાબ, જુઓ વીડિયો
WPL 2025ની નવમી મેચમાં સ્મૃતિ મંધાનાનું બેટ ન ચાલ્યું. RCBની કેપ્ટન યુપી વોરિયર્સની કેપ્ટન દીપ્તિ શર્માનો શિકાર બની. મોટી વાત એ છે કે સ્મૃતિ મંધાનાએ સતત ત્રીજી વખત દીપ્તિ શર્મા સામે શરણાગતિ સ્વીકારી હતી. સ્મૃતિ મંધાનાનો દીપ્તિ શર્મા સામેનો સંઘર્ષ તેના પિતા અને ભાઈએ પણ સ્ટેડિયમમાં બેસીને જોયો હતો.
સ્મૃતિ મંધાના વર્તમાન યુગની શ્રેષ્ઠ મહિલા ક્રિકેટરોમાંની એક છે. પરંતુ યુપી વોરિયર્સની કેપ્ટન દીપ્તિ શર્મા સામે તે સતત ફ્લોપ સાબિત થઈ રહી છે. WPL 2025ની નવમી મેચમાં પણ આ જોવા મળ્યું હતું. RCBની કેપ્ટન સ્મૃતિ મંધાનાને દીપ્તિ શર્માએ ક્લીન બોલ્ડ કરી હતી. બોલ એટલો ખાસ નહોતો પણ સ્મૃતિ મંધાનાએ સામાન્ય ભૂલ કરી અને પોતાની વિકેટ ગુમાવી દીધી હતી. મોટી વાત એ હતી કે તેના પિતા અને ભાઈ પણ સ્ટેડિયમમાં આ બધું જોઈ રહ્યા હતા. ચાલો તમને જણાવીએ કે દીપ્તિ શર્માએ સ્મૃતિ મંધાનાને કેવી રીતે પરેશાન કરી છે.
સ્મૃતિ મંધાનાએ દીપ્તિ શર્મા સમક્ષ શરણાગતિ સ્વીકારી
WPL 2025ની આ સિઝન ક્રિકેટ પ્રેમીઓ માટે ઘણી રોમાંચક ક્ષણો લઈને આવી છે. જેમાં દીપ્તિ શર્માનું સ્મૃતિ મંધાના સામેનું શાનદાર પ્રદર્શન હાઈલાઈટ બન્યું છે. આ સિઝનમાં જ્યારે પણ RCB કેપ્ટન સ્મૃતિ મંધાનાએ દીપ્તિ શર્માનો સામનો કર્યો છે, ત્યારે દીપ્તિ સ્મૃતિને આઉટ કરવામાં સફળ રહી છે. ત્રણ વખત સ્મૃતિ મંધાનાને આઉટ કરીને દીપ્તિ શર્માએ સાબિત કર્યું છે કે તેણીમાં કોઈપણ મોટા બેટ્સમેનને આઉટ કરવાની ક્ષમતા છે.
Special support!
Shreyanka Patil and Smriti Mandhana’s family are in the stands, cheering on RCB!#CricketTwitter #WPL2025 pic.twitter.com/ISWF4zNmXd
— ᴠɪʀᴀᴛ ᴋᴏʜʟɪ ꜰᴄ (@viratkohli_live) February 24, 2025
Castled!
Deepti Sharma wins the captain battle against Smriti Mandhana!
Updates ▶️ https://t.co/6637diSP2I#TATAWPL | #RCBvUPW pic.twitter.com/sIGPKhsVnx
— Women’s Premier League (WPL) (@wplt20) February 24, 2025
સ્મૃતિ મંધાના ઓફ સ્પિનરો સામે નિષ્ફળ
સ્મૃતિ મંધાનાને ઓફ સ્પિનરો સામે વધુ સમસ્યાઓનો સામનો કરવો પડે છે. જો આપણે મહિલા પ્રીમિયર લીગના આંકડા જોઈએ તો આ હકીકત સાબિત થાય છે. આ ટુર્નામેન્ટમાં ઓફ સ્પિનરો સામે સ્મૃતિ મંધાના 11 વખત આઉટ થઈ છે. ઓફ સ્પિનરો સામે તેની એવરેજ માત્ર 11.45 છે. એ સ્પષ્ટ છે કે જો સ્મૃતિ મંધાના આ નબળાઈમાં સુધારો નહીં કરે, તો ભવિષ્યમાં તેને વધુ મુશ્કેલીઓનો સામનો કરવો પડશે. જોકે, યુપી વોરિયર્સ સામેની મેચમાં મંધાનાના આઉટ થવાથી RCBને બહુ નુકસાન થયું ન હતું, કારણ સ્મૃતિ મંધાનાની સાથી ખેલાડીઓ ડેની વ્યાટ અને એલિસ પેરીએ શાનદાર અડધી સદી ફટકારીને RCBને મોટા સ્કોર સુધી પહોંચાડી હતી.
આ પણ વાંચો: ટીમ ઈન્ડિયાનો સ્ટાર વિરાટ કોહલી કઈ કંપનીના સનગ્લાસ પહેરે છે અને તેની કિંમત કેટલી છે?
