Prithvi Shaw-Sapna Gill : પૃથ્વી શૉ-સપના ગિલ વચ્ચે તે દિવસે શું થયું, Video આવ્યો સામે
ભારતીય ક્રિકેટર પૃથ્વી શૉ અને સપના ગિલ વચ્ચે ફેબ્રુઆરીમાં મુંબઈની એક હોટલની બહાર ઝઘડો થયો હતો. સપનાએ તેના પર બેઝબોલથી હુમલો કર્યાનો વીડિયો પણ વાયરલ થયો હતો.
ભારતીય ક્રિકેટર પૃથ્વી શૉ અને સપના ગિલ વચ્ચે ફેબ્રુઆરીમાં મુંબઈની એક હોટલમાં જે કંઈ થયું તેનો વીડિયો સામે આવ્યા છે. હોટલના CCTV ફૂટેજ સામે આવ્યા બાદ આ મામલે ઘણું બધું સ્પષ્ટ થઈ ગયું છે. હકીકતમાં, 15 ફેબ્રુઆરીએ મુંબઈની એક હોટલમાં સપના અને તેના મિત્ર શોભિત ઠાકુર સાથે પૃથ્વી શૉની લડાઈ થઈ હતી. મામલો એટલો વધી ગયો હતો કે હોટલની બહાર પૃથ્વી શૉ પર બેઝબોલથી હુમલો પણ કરવામાં આવ્યો હતો. તેની કારનો પીછો પણ કરવામાં આવ્યો હતો. પૃથ્વી શૉના મિત્રએ સપના ગિલ વિરુદ્ધ પોલીસ કેસ નોંધાવ્યો હતો.
સપનાએ પૃથ્વી શૉ પર લગાવ્યો આરોપ
આ પછી સપનાએ પૃથ્વી શૉ અને તેના મિત્રો પર ઘણા ગંભીર આરોપો પણ લગાવ્યા હતા. હવે આને લગતો વીડિયો સામે આવ્યો છે, જ્યાંથી આ આખો મામલો શરૂ થયો હતો. સપનાનો આરોપ છે કે પૃથ્વી શો અને તેના મિત્રોએ હોટલમાં તેની સાથે ગેરવર્તણૂક કરી હતી. વીડિયોમાં સ્પષ્ટપણે જોઈ શકાય છે કે પૃથ્વી શો પબમાં તેના મિત્રો સાથે હતો. તે જ સમયે એક વ્યક્તિ તેની સાથે સેલ્ફી લેવાનો પ્રયાસ કરતો દેખાય છે જે બાદ મામલો વધુ બગડે છે.
Fan asking for a selfie from @PrithviShaw turning into heat? Abuse? Threat? Mobbed? Is this how someone should be treated by a cricketer? The inside video of the club where the whole issue erupted, truth can be seen from open eyes. On other hand Sapna Gill requesting for peace. pic.twitter.com/E7YUUFaSqI
— Ali Kaashif Khan Deshmukh (@AliKaashifKhan) June 28, 2023
હોટલના CCTV ફૂટેજ સામે આવ્યા
આ તે સમય હતો જ્યાંથી સમગ્ર હંગામો શરૂ થયો હતો. પૃથ્વી શૉએ સેલ્ફી લેનારને દૂર કર્યો. આ પછી બંને વચ્ચે ઉગ્ર બોલાચાલી થઈ અને પછી પૃથ્વી શૉના મિત્રએ તેમને અલગ કરવાનો પ્રયાસ કર્યો. વિડિયોમાં સ્પષ્ટપણે જોઈ શકાય છે કે અલગ થવા છતાં બંનેને શાંત કરવા કેટલું મુશ્કેલ હતું. થોડી જ વારમાં વાતાવરણ ખૂબ જ ખરાબ થઈ ગયું. અગાઉ સપના ગિલે આરોપ લગાવ્યો હતો કે શૉએ પબમાં તેની સાથે મારપીટ કરી હતી.
આ પણ વાંચોઃ સ્ટીવ સ્મિથની ટેસ્ટમાં 32મી સદી, પૂર્વ ઓસ્ટ્રેલિયન કપ્તાનના રેકોર્ડની કરી બરાબરી
વીડિયો ફૂટેજ બતાવવાની પરવાનગી મળી
પોલીસે મેજિસ્ટ્રેટ કોર્ટમાં ભારતીય ક્રિકેટર વિરુદ્ધ સપના ગિલના તમામ આરોપોને ખોટા ગણાવ્યા હતા. આ મામલાની તપાસ કરી રહેલા અધિકારીએ પોતાનો રિપોર્ટ પણ કોર્ટમાં રજૂ કર્યો હતો. રિપોર્ટ સબમિટ થયા બાદ ગિલના વકીલે કોર્ટ પાસે લડાઈના વીડિયો ફૂટેજ બતાવવાની પરવાનગી માંગી હતી. જેને સપના ગિલના મિત્રએ તેના ફોનમાં રેકોર્ડ કર્યો હતો.
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
