Tushar Deshpande in IPL: તુષાર દેશપાંડેના નામે શરમજનક રેકોર્ડ, એક સિઝનમાં સૌથી વધુ રન આપનાર બોલર બન્યો

IPLની 16મી સિઝનની ફાઇનલ મેચ અમદાવાદના નરેન્દ્ર મોદી સ્ટેડિયમમાં ચેન્નાઇ સુપર કિંગ્સ (CSK) અને ગુજરાત ટાઇટન્સ (GT) વચ્ચે રમાઇ હતી. આ મેચમાં ગુજરાતની ટીમે પ્રથમ બેટિંગ કરતા 20 ઓવરમાં 4 વિકેટ ગુમાવીને 214 રન બનાવ્યા હતા. આ દરમિયાન ચેન્નાઈ ટીમ તરફથી રમતા ફાસ્ટ બોલર તુષાર દેશપાંડેના નામે એક શરમજનક રેકોર્ડ નોંધાયો હતો. તુષારે ગુજરાત સામેની ફાઈનલ મેચમાં પોતાની 4 ઓવરમાં 56 રન આપ્યા હતા.

તુષાર દેશપાંડે હવે IPL સિઝનમાં સૌથી વધુ રન આપનાર બોલર બની ગયો છે. આ પહેલા આ રેકોર્ડ પ્રસિદ્ધ કૃષ્ણાના નામે હતો. કૃષ્ણાએ વર્ષ 2022ની સિઝનમાં પોતાની બોલિંગમાં કુલ 551 ​​રન આપ્યા હતા.આ યાદીમાં ત્રીજું સ્થાન કાગીસો રબાડાનું છે, જેણે 2020ની સિઝનમાં 548 રન આપ્યા હતા.

Most runs for CSK in ipl 2023

Ruturaj Gaikwad – 564 Tushar Deshpande – 564 pic.twitter.com/UTGRf362u1

— தல ViNo MSD 4.0 (@KillerViNoo7) May 29, 2023

જો આ સિઝનનો રેકોર્ડ જોવામાં આવે તો ચેન્નાઈ ટીમનો ભાગ બનેલા તુષાર દેશપાંડેએ 16 મેચમાં 28.86ની એવરેજથી 21 વિકેટ ઝડપી છે. જો કે તે ચોક્કસપણે પોતાની ટીમ માટે ઘણો મોંઘો બોલર સાબિત થયો છે.

50 runs in IPL final is no small deal. Congratulations Tushar Deshpande on an incredible season Lord Dinda and Death over specialist Full Toss king Harshal Patel proud of you pic.twitter.com/KX6TZdbyj6

— Dinda Academy (@academy_dinda) May 29, 2023

ગુજરાતે બનાવ્યો આઈપીએલ ફાઈનલ ઈતિહાસનો સૌથી મોટો સ્કોર

ગુજરાત ટાઈટન્સે ચેન્નાઈ સુપર કિંગ્સ વિરુદ્ધ પ્રથમ બેટિંગ કરતા આઈપીએલ ઈતિહાસમાં ફાઈનલમાં સૌથી મોટો સ્કોર બનાવ્યો છે. આ પહેલા આઈપીએલ ફાઈનલમાં વધુ રન બનાવવાનો રેકોર્ડ સનરાઈઝ હૈદરાબાદના નામે હતો. તેમણે 2016ની સીઝનમાં ફાઈનલમાં આરસીબી વિરુદ્ધ 207 રન બનાવ્યા હતા. ગુજરાત તરફથી આ મેચમાં રિદ્ધિમાન સાહાએ 54જ્યારે 21 વર્ષના ખેલાડી સાંઈ સુદર્શને 96 રનની ઈનિગ્સ રમી હતી.

IPL 2023 ની સિઝનને ધોનીએ જીતી લીધી છે. ધોનીએ ચેન્નાઈ સુપર કિંગ્સને પાંચમી વાર ચેમ્પિયન બનાવ્યુ છે. ધોનીની આગેવાનીમાં ચેન્નાઈએ હવે મુંબઈ ઈન્ડિયન્સની બરાબરી કરી લીધી છે. એટલે કે ટૂર્નામેન્ટની સૌથી શ્રેષ્ઠ ટીમ તરીકે બરાબરી કરી લીધી છે. ધોની માટે જે પ્રેમ IPL 2023 માં મળ્યો છે એ અપાર છે.

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો