Pakistan: એશિયા કપ-વર્લ્ડ કપ પહેલા પાકિસ્તાન ક્રિકેટ બોર્ડે ટીમમાં કર્યા મોટા ફેરફાર
પાકિસ્તાન ક્રિકેટ બોર્ડમાં તાજેતરના સમયમાં ફેરફારો થયા હતા ત્યારે એવા અહેવાલો આવ્યા હતા કે કોચિંગ સ્ટાફમાં પણ ફેરફાર થઈ શકે છે અને હવે એશિયા કપ અને ODI વર્લ્ડ કપને ધ્યાનમાં રાખીને PCBએ એક મોટો નિર્ણય લીધો છે, જેની અસર ટીમના પ્રદર્શન પર પણ જોવા મળશે.
![Pakistan: એશિયા કપ-વર્લ્ડ કપ પહેલા પાકિસ્તાન ક્રિકેટ બોર્ડે ટીમમાં કર્યા મોટા ફેરફાર](https://images.tv9gujarati.com/wp-content/uploads/2023/08/paks.jpg?w=1280)
એશિયા કપ (Asia Cup 2023)ની શરૂઆત આડે વધુ સમય બાકી નથી. આ ટુર્નામેન્ટ 30 ઓગસ્ટથી શરૂ થશે. આ ટૂર્નામેન્ટ પહેલા પાકિસ્તાન (Pakistan) ક્રિકેટ બોર્ડે મોટો નિર્ણય લીધો છે. બોર્ડે ટીમના કોચિંગ સ્ટાફને લઈને આ નિર્ણય લીધો છે. બોર્ડે ટીમના કોચિંગ સ્ટાફ અને મેનેજમેન્ટ સ્ટાફને જાળવી રાખ્યો છે અને તેમાં કોઈ ફેરફાર કર્યો નથી. એવા અહેવાલો હતા કે કોચિંગ સ્ટાફમાં ફેરફાર થઈ શકે છે પરંતુ PCBએ સ્પષ્ટ કર્યું છે કે એશિયા કપ અને વર્લ્ડ કપને ધ્યાનમાં રાખીને આવું કોઈ પગલું લેવામાં આવશે નહીં.
PCBએ કોચિંગ સ્ટાફને લઈને મોટો નિર્ણય લીધો
મતલબ કે ટીમ ડાયરેક્ટર મિકી આર્થર તેમના પદ પર ચાલુ રહેશે. તેની સાથે ટીમના કોચ ગ્રાન્ટ બ્રેડબર્ન અને ટીમ મેનેજર રેહાન ઉલ હક પણ પોતપોતાના પદ પર ચાલુ રહેશે. ટીમના બોલિંગ કોચ મોર્ને મોર્કેલ, બેટિંગ કોચ એન્ડ્રુ પુટેક અને ફિલ્ડિંગ કોચ આફતાબ ખાનને પણ યથાવત રાખવામાં આવ્યા છે.
The decision implies that Pakistan 🇵🇰 team director Mickey Arthur, head coach Grant Bradburn and team manager Rehan Ul Haq will continue in their respective roles.https://t.co/kgC1yKJbwh
— Firstpost Sports (@FirstpostSports) August 11, 2023
કોચિંગ સ્ટાફમાં ફેરફારની હતી અફવા
ખરેખર, એવા અહેવાલો હતા કે PCBમાં ફેરફારને કારણે આ લોકોને રજા આપવામાં આવી શકે છે. તાજેતરમાં ઝકા અશરફે PCBના અધ્યક્ષનું પદ સંભાળ્યું છે, જ્યારે કોચિંગ સ્ટાફની નિમણૂક નજમ સેઠી દ્વારા કરવામાં આવી હતી, જેઓ અશરફ પહેલા બોર્ડના અધ્યક્ષ હતા. એટલા માટે એવા અહેવાલો હતા કે કોચિંગ સ્ટાફમાં ફેરફાર થઈ શકે છે. સામાન્ય રીતે PCBમાં એવું જોવામાં આવે છે કે જે પણ નવો ચેરમેન આવે છે, તે પોતાની રીતે ફેરફાર કરે છે. ઝકા અશરફના આવ્યા પછી પણ આ વાત સમજાઈ રહી હતી.
ઈન્ઝમામ-ઉલ-હક મુખ્ય પસંદગીકાર
તેણે ફેરફારો પણ કર્યા અને ફરી એકવાર ઈન્ઝમામ-ઉલ-હકને મુખ્ય પસંદગીકારની જવાબદારી સોંપવામાં આવી છે. સમાચાર એજન્સી PTI અનુસાર, અશરફને સલાહ આપવામાં આવી હતી કે આગળ બે મોટી ટૂર્નામેન્ટ છે અને આવી સ્થિતિમાં ફેરફાર કરવો જોખમી હોઈ શકે છે. એટલા માટે કોચિંગ સ્ટાફને વર્લ્ડ કપ સુધી જાળવી રાખવો જોઈએ.
Mark Coles, the head coach of Pakistan’s women’s team, has resigned for personal reasons. pic.twitter.com/v6sUkpHzUu
— Nawaz 🇵🇰 (@Rnawaz31888) August 10, 2023
આ પણ વાંચો : Virat Kohli: શું વિરાટ કોહલી એક ઇન્સ્ટાગ્રામ પોસ્ટથી કમાઈ છે 11.45 કરોડ? જાણો શું છે સત્ય
મહિલા ટીમના કોચની છુટ્ટી
પુરૂષ ટીમના કોચિંગ સ્ટાફમાં કોઈ ફેરફાર કરવામાં આવ્યો નથી, પરંતુ મહિલા ટીમના કોચિંગ સ્ટાફમાં ફેરફાર કરવામાં આવ્યા છે. પાકિસ્તાન મહિલા ટીમના મુખ્ય કોચ માર્ક કોલ્સે પોતાના પદ પરથી રાજીનામું આપી દીધું છે. માર્કની નિમણૂક સેઠી દ્વારા કરવામાં આવી હતી અને તેણે અંગત કારણોસર પદ છોડ્યું છે. તે દક્ષિણ આફ્રિકા સામેની શ્રેણી માટે ઉપલબ્ધ રહેશે નહીં. જ્યારે PTIએ તેના અહેવાલમાં કહ્યું છે કે માર્કને તેમનું પદ છોડવા માટે કહેવામાં આવ્યું હતું.