Asia Cup 2023: રોહિત શર્માની પાછળ પડ્યો કેમેરામેન, ટીમ ઈન્ડિયાનો કેપ્ટન થયો ગુસ્સે, જુઓ Video
એશિયા કપમાં ભારતની પહેલી મેચમાં ટીમ ઈન્ડિયાના કેપ્ટન રોહિત શર્માએ આ મેચમાં ટોસ જીતીને પહેલા બેટિંગ કરવાનો નિર્ણય કર્યો હતો. પરંતુ મેચ શરૂ થયાના થોડા સમય બાદ વરસાદ પડ્યો અને પછી મેચ રોકવી પડી. આ દરમિયાન રોહિત કેમેરામેનથી નારાજ જોવા મળ્યો હતો અને તેને ખાસ સૂચના આપતો જોવા મળ્યો હતો. જેનો વીડિયો સોશિયલ મીડિયામાં વાયરલ થયો છે.
ભારત અને પાકિસ્તાન વચ્ચેની મેચની દરેક વ્યક્તિ રાહ જોઈ રહ્યા છે. આખી દુનિયાની નજર આ મેચ પર ટકેલી છે. એશિયા કપ 2023 (Asia Cup 2023)માં શનિવારે આ બંને ટીમો આમને-સામને હતી. આ મેચમાં વરસાદ વિલન બન્યો હતો અને પલ્લેકેલેમાં રમાઈ રહેલી આ મેચની શરૂઆત પહેલા વરસાદ (Rain) પડ્યો હતો. આ પછી, જ્યારે પ્રથમ દાવની પાંચમી ઓવર ફેંકવામાં આવી રહી હતી, ત્યારે પણ વરસાદ પડ્યો હતો અને બ્રેક દરમિયાન રોહિત શર્મા (Rohit Sharma) કેમેરાથી બચતો જોવા મળ્યો હતો.
વરસાદના કારણે મેચ રોકવામાં આવી
ટીમ ઈન્ડિયાના કેપ્ટન રોહિત શર્માએ આ મેચમાં ટોસ જીતીને પહેલા બેટિંગ કરવાનો નિર્ણય કર્યો હતો. રોહિત શુભમન ગિલ સાથે ઈનિંગ્સની શરૂઆત કરવા આવ્યો હતો. ટીમ ઈન્ડિયાએ સારી શરૂઆત કરી. ઈનિંગની પાંચમી ઓવર ચાલી રહી હતી અને માત્ર બે બોલ ફેંકાયા હતા, ત્યારે વરસાદ પડ્યો અને મેચ અટકાવી દેવામાં આવી.
Rohit Sharma is asking camera man to stop filming him.
Credit – (Hotstar)#INDvsPAK #RohitSharma pic.twitter.com/tCTqi71NDZ
— 12th Khiladi (@12th_khiladi) September 2, 2023
રોહિતે કેમેરા બંધ કરવા ક્હ્યું
વરસાદના કારણે મેચ બંધ થઈ ત્યારે રોહિત શર્મા ડગઆઉટમાં બેસીને પોતાના સાથી ખેલાડીઓ સાથે વાત કરી રહ્યો હતો. વરસાદ બંધ થઈ ગયો હતો અને રોહિત-ગિલ હેલ્મેટ પહેરી ચૂક્યા હતા. આ દરમિયાન કેમેરામેનની નજર રોહિત પર પડી હતી. તે કેમેરા સાથે તેની પાસે ઉભો હતો અને તેનું શૂટિંગ કરી રહ્યો હતો. પરંતુ રોહિતને આ પસંદ ન હતું. તેણે કેમેરામેનને કેમેરા હટાવવા કહ્યું. રોહિતનો આ વીડિયો હાલમાં વાયરલ થઈ રહ્યો છે જેમાં તે કેમેરામેનને કેમેરા હટાવવા માટે કહી રહ્યો છે.
આ પણ વાંચો : World Cup 2023: વર્લ્ડ કપ માટે આજે થઈ શકે છે ટીમ ઈન્ડિયાની જાહેરાત, રોહિત શર્મા-દ્રવિડ-અગરકરની સૌથી મોટી કસોટી
ભારતનો ટોપ ઓર્ડર ફ્લોપ સાબિત થયો
આ મેચમાં એવી અપેક્ષા રાખવામાં આવી રહી હતી કે ભારતીય ટીમના બેટ્સમેનો પાકિસ્તાનના તોફાની ફાસ્ટ બોલિંગ આક્રમણનો સામનો કરશે. પરંતુ શાહીન શાહ આફ્રિદીએ ભારતીય બેટિંગને હલાવી દીધી હતી. તેણે પહેલા રોહિતને પોતાનો શિકાર બનાવ્યો. રોહિત પાંચમી ઓવરના છેલ્લા બોલ પર શાહીનના હાથે બોલ્ડ થયો હતો. આ પછી શાહિને કોહલીને પણ બોલ્ડ કર્યો હતો. હરિસ રઉફે શ્રેયસ અય્યરને પોતાનો શિકાર બનાવ્યો.રોહિતે 11 રન બનાવ્યા. કોહલી માત્ર ચાર રન બનાવી શક્યો હતો. અય્યરે 14 રન બનાવ્યા હતા.