IND vs AFG, T20 World Cup, LIVE Streaming: આજે ટીમ ઇન્ડિયા અને અફઘાનિસ્તાન વચ્ચે ટક્કર, ક્યારે, ક્યાં અને કેવી રીતે નિહાળી શકાશે મેચ, જાણો
ટીમ ઈન્ડિયા (Team India) ને T20 વર્લ્ડ કપ (T20 World Cup 2021) ની પ્રથમ બે મેચમાં હારનો સામનો કરવો પડ્યો હતો. તેને પ્રથમ મેચમાં પાકિસ્તાન અને બીજી મેચમાં ન્યૂઝીલેન્ડ સામે પરાજય મળ્યો હતો.
ટીમ ઈન્ડિયા (India Cricket Team) બુધવારે T20 વર્લ્ડ કપ (ICC T20 World Cup 2021) માં પોતાની ત્રીજી મેચ રમશે. પ્રથમ બે મેચ હાર્યા બાદ હવે ટીમ ઈન્ડિયાનો મુકાબલો અફઘાનિસ્તાન (India vs Afghanistan) સાથે થશે. ટીમ ઈન્ડિયા તેની શરૂઆતની બંને મેચ હારી ગઈ છે. પ્રથમ મેચમાં પાકિસ્તાને (Pakistan) ભારતને 10 વિકેટે હરાવ્યું હતું જ્યારે બીજી મેચમાં ન્યૂઝીલેન્ડને આઠ વિકેટે હરાવ્યું હતું.
બંને મેચમાં ભારતીય બેટ્સમેનો અને બોલરો સંપૂર્ણપણે ફ્લોપ રહ્યા હતા. ભારતીય બોલરો પ્રથમ બે મેચમાં માત્ર 2 વિકેટ જ લેવામાં સફળ રહ્યા છે. ટોપ ઓર્ડરમાં રોહિત શર્મા અને કેએલ રાહુલનું બેટ હજુ પણ શાંત રહ્યુ છે. અફઘાનિસ્તાને ત્રણ મેચ રમી છે અને બેમાં જીત મેળવી છે, જ્યારે એક મેચ પાકિસ્તાન સામે હારી છે.
હવે ભારતને ટુર્નામેન્ટમાં ટકી રહેવા માટે અફઘાનિસ્તાન સામે તેના અનુભવની જરૂર છે. અફઘાનિસ્તાનના ઓપનર હઝરતુલ્લાહ ઝાઝાઈ અને મોહમ્મદ શહઝાદ તેમના બોલનો સામનો કરી શકશે નહીં. જો કોહલી ફરી એકવાર અશ્વિનની અવગણના કરશે તો બાહ્ય અને આંતરિક અવાજો ઉઠવા લાગશે કે આ નિર્ણયનું કારણ ક્રિકેટ સાથે જોડાયેલું છે કે નહીં.
અફઘાનિસ્તાન સામે રાશીદ અને ગુલબદ્દીન નાયબ વચ્ચેની ઓવરો નિર્ણાયક રહેશે, જેને ધ્યાનથી રમવી પડશે. આ એવી મેચ છે જેમાં ભારતને જીતનો કોઈ શ્રેય નહીં મળે અને જો તે હારશે તો તેની ટીકા વધુ જોરથી થશે અને સુકાની કોહલી તેનાથી અજાણ નથી.
T20 વર્લ્ડ કપ 2021માં ભારત અને અફઘાનિસ્તાનની ટીમો ક્યારે સામસામે થશે?
ભારત અને અફઘાનિસ્તાનની ટીમો 3 નવેમ્બર (બુધવાર)ના રોજ સામસામે ટકરાશે.
ભારત અને અફઘાનિસ્તાન વચ્ચે T20 વર્લ્ડ કપ 2021ની મેચ ક્યાં રમાશે?
ભારત અને અફઘાનિસ્તાન વચ્ચે T20 વર્લ્ડ કપ 2021ની મેચ અબુ ધાબીના શેખ જાયદ સ્ટેડિયમમાં રમાશે.
ભારત અને અફઘાનિસ્તાન વચ્ચે T20 વર્લ્ડ કપ 2021ની મેચ ક્યારે શરૂ થશે?
ભારત અને અફઘાનિસ્તાન વચ્ચે T20 વર્લ્ડ કપ 2021ની મેચ ભારતીય સમય અનુસાર સાંજે 7.30 વાગ્યે શરૂ થશે. ટોસ સાંજે 7 વાગ્યે થશે.
ભારત વિરુદ્ધ અફઘાનિસ્તાન મેચનું લાઈવ ટેલિકાસ્ટ ક્યાં જોઈ શકાશે?
ભારત અને અફઘાનિસ્તાન વચ્ચેની આ મેચ સ્ટાર સ્પોર્ટ્સ નેટવર્કની ચેનલો પર વિવિધ ભાષાઓમાં જોઈ શકાશે.
ભારત વિરુદ્ધ અફઘાનિસ્તાનનું લાઈવ સ્ટ્રીમિંગ ઓનલાઈન ક્યાં જોઈ શકું?
લાઇવ સ્ટ્રીમિંગ સબ્સ્ક્રિપ્શન સાથે ડિઝની+હોટસ્ટાર પર મેચ ઓનલાઈન જોઈ શકાય છે. આ સિવાય tv9gujarati.com પર પણ મેચના લાઈવ અપડેટ્સ વાંચી શકાશે.
આ પણ વાંચોઃ T20 World Cup 2021: વિરાટ કોહલીની જડતા ભાંગીને પસંદ કરાશે પ્લેયીંગ ઇલેવન, ટીમ ઇન્ડિયામાં થશે આ મોટો બદલાવ!
આ પણ વાંચોઃ Sports: હોકી કેપ્ટન મનપ્રિત સિંહને મળશે ખેલ રત્ન એવોર્ડ, રેકોર્ડ 12 ખેલાડીઓને સર્વોચ્ચ પુરસ્કાર, આ દિવસે રાષ્ટ્રપતિ ભવનમાં યોજાશે સન્માન સમારોહ
