Prize Money : T20 World Cup 2026 માંથી બહાર થયેલી 12 ટીમોને પણ મળશે આટલા કરોડ રૂપિયા, જાણો

ICC Men’s T20 World Cup 2026માં ગ્રુપ સ્ટેજ પૂર્ણ થવાની કાગારમાં છે અને સુપર 8 માટે કુલ આઠ ટીમો ક્વોલિફાય થઈ ચૂકી છે. જ્યારે બાકીની 12 ટીમોની સફર ગ્રુપ સ્ટેજ બાદ સમાપ્ત થઈ ગઈ છે. જોકે, ટુર્નામેન્ટમાંથી બહાર થવા છતાં, આ તમામ ટીમોને International Cricket Council તરફથી નોંધપાત્ર ઇનામી રકમ આપવામાં આવશે.

ICC દ્વારા આ ઇનામી રકમ ખાસ કરીને એસોસિયેટ અને નાની ટીમોને નાણાકીય રીતે મજબૂત બનાવવા માટે આપવામાં આવે છે. એટલે કે, પ્રથમ રાઉન્ડમાં બહાર થઈ ગયેલી ટીમો પણ આ ટુર્નામેન્ટમાંથી આર્થિક લાભ લઈને જશે.

પ્રથમ રાઉન્ડમાં બહાર થયેલી ટીમોને કેટલી ઇનામી રકમ મળશે?

T20 વર્લ્ડ કપ 2026ના પ્રથમ રાઉન્ડમાંથી બહાર થયેલી ટીમોમાં યુએસએ, નામિબિયા, નેધરલેન્ડ, ઓસ્ટ્રેલિયા, આયર્લેન્ડ, ઓમાન, ઇટાલી, નેપાળ, સ્કોટલેન્ડ, અફઘાનિસ્તાન, કેનેડા અને યુએઈનો સમાવેશ થાય છે. ICCએ અગાઉ 2024 T20 વર્લ્ડ કપ માટે કુલ US$11.25 મિલિયનની ઇનામી રકમ જાહેર કરી હતી અને આ વખત એટલી જ રકમની અપેક્ષા રાખવામાં આવી રહી છે.

2024માં 9મા થી 12મા ક્રમે રહેલી દરેક ટીમને US$247,500 (આશરે ₹2.25 કરોડ) મળ્યા હતા. આ જ ધોરણે, આ વખતે પણ 9મા થી 12મા ક્રમાંકિત ટીમોને એટલી જ ઇનામી રકમ મળવાની સંભાવના છે.

13મા થી 20મા ક્રમાંકની ટીમોને મળશે ઓછી ઇનામી રકમ

આ ઉપરાંત, 13મા થી 20મા ક્રમાંક પર રહેલી દરેક ટીમને US$225,000 (આશરે ₹2 કરોડ)ની ઇનામી રકમ મળશે. એટલું જ નહીં, ICC દ્વારા દરેક જીતેલી મેચ માટે વધારાનું બોનસ પણ આપવામાં આવે છે.

ટીમોને ગ્રુપ સ્ટેજ અને સુપર 8માં જીતેલી દરેક મેચ માટે US$31,154 (આશરે ₹28 લાખ) મળે છે. મહત્વની વાત એ છે કે ટુર્નામેન્ટમાંથી બહાર થયેલી ટીમોને પણ તેમની જીત માટે આ બોનસ રકમ આપવામાં આવશે.

ઓસ્ટ્રેલિયા જેવી મોટી ટીમ પણ ગ્રુપ સ્ટેજમાંથી બહાર થઈ ગઈ છે, પરંતુ તે પણ આ ઇનામી રકમ માટે પાત્ર છે. કુલ મળીને, બહાર થયેલી 12 ટીમોને લાખો અને કરોડો રૂપિયાનું આર્થિક સહાય મળી રહી છે, જે તેમના ક્રિકેટ વિકાસ માટે મહત્વપૂર્ણ સાબિત થશે.

હવે ટુર્નામેન્ટમાં બાકી રહેલી ટીમો સુપર 8, સેમિફાઇનલ અને ફાઇનલમાં ખિતાબ માટે ટક્કર આપશે, જ્યાં ઇનામી રકમ વધુ મોટી છે.

સ્વિમિંગ પુલમાં ગર્લફ્રેન્ડ સાથે રોમેન્ટિક થયો ક્રિકેટર હાર્દિક પંડયા…જુઓ Photos