સુનિલ ગાવસ્કરનું નિવેદનઃ કહ્યું આ ખેલાડી બની શકે છે સૌથી મોટો ગેમ ચેન્જર

પૂર્વ ક્રિકેટર સુનીલ ગાવસ્કર (Sunil Gavaskar) એ ટીમ ઈન્ડિયા (Team India) ના વાઇસ કેપ્ટન હાર્દિક પંડ્યા (Hardik Pandya) ના વખાણ કર્યા છે. હાર્દિક પંડ્યા લાંબા સમય બાદ ટીમ ઈન્ડિયામાં પરત ફર્યો છે અને હવે તે સંપૂર્ણ રીતે ફિટ દેખાઈ રહ્યો છે. આ કારણે સુનીલ ગાવસ્કરનું કહેવું છે કે હાર્દિક પંડ્યા ટીમ ઈન્ડિયા માટે ગેમ ચેન્જર સાબિત થઈ શકે છે.

ભારતીય ક્રિકેટ ટીમના પુર્વ સુકાની અને દિગ્ગજ ખેલાડી સુનીલ ગાવસ્કરે હાર્દિક પંડ્યા (Hardik Pandya) ને લઇને કહ્યું કે, તે એક ગેમ ચેન્જર છે. તે માત્ર વર્લ્ડ કપમાં જ નહીં પરંતુ દરેક મેચમાં જોવા મળશે. સુનીલ ગાવસ્કરે કહ્યું કે, હું હાર્દિક પંડ્યાને નવા બોલ સાથે પણ જોવા માંગુ છું. તેની બોલિંગમાં પણ ઘણો સુધારો જોવા મળ્યો છે. બેટ્સમેન તરીકે હાર્દિક પંડ્યાની ભૂમિકા અંગે સુનીલ ગાવસ્કરે કહ્યું કે, તે નંબર-5 માટે એકદમ ફિટ છે. જે અંતમાં આવીને રમત બદલી શકે છે.

તમને જણાવી દઈએ કે, T20 વર્લ્ડ કપ 2021 બાદ હાર્દિક પંડ્યા ટીમ ઈન્ડિયાની બહાર થઈ ગયો હતો. તેણે IPL 2022 માં પુનરાગમન કર્યું અને તેની કેપ્ટનશીપ હેઠળ ગુજરાત ટાઇટન્સને વિજેતા બનાવ્યું.

Sunil Gavaskar said, “Hardik Pandya is going to be the game changer for India with both bat and bowl”. (On Star).

— Mufaddal Vohra (@mufaddal_vohra) June 12, 2022

ત્યાર બાદ હાર્દિક પંડ્યા ટીમ ઈન્ડિયામાં પાછો ફર્યો. દિલ્હીમાં રમાયેલી પ્રથમ T20 મેચમાં પણ હાર્દિક પંડ્યાએ તોફાની બેટિંગ કરી હતી અને માત્ર 16 બોલમાં 31 રન બનાવ્યા હતા. ટીમ ઈન્ડિયામાં હાર્દિક પંડ્યાની વાપસીથી મિડલ ઓર્ડર મજબૂત થયો છે. તો સાથે જ ફિનિશરની શોધ પણ પુરી થઇ ગઇ છે એવું લાગી રહ્યું છે.

Sunil Gavaskar believes all-rounder Hardik Pandya will be the game-changer for India.#Cricket #CricTracker #HardikPandya #SunilGavaskar #IndianCricket pic.twitter.com/bL6PX8soVt

— CricTracker (@Cricketracker) June 12, 2022

કારણ કે હાર્દિક પંડ્યા (Hardik Pandya) હવે બોલિંગ પણ કરવા સક્ષમ છે. આવી સ્થિતિમાં ટીમ ઈન્ડિયા (Team India) પાસે વધારાના બોલરનો વિકલ્પ પણ છે. આ જ કારણ છે કે હાર્દિક પંડ્યાની ટીમ ઈન્ડિયામાં વાપસીથી તમામ નિષ્ણાતો ખુશ છે.