SA20 League: પ્રથમ મેચમાં જ મચી ગઈ ધમાલ, Dewald Brevis એ વરસાવી દીધા છગ્ગા-Video
SA20 League MI Cape Town vs Paarl Royals: લીગની શરુઆતની પ્રથમ જ મેચમાં શાનદાર ઈનીંગ જોવા મળી હતી. MI Cape Town ના બ્રેવિસે તોફાની રમત રમીને 5 છગ્ગા જમાવ્યા હતા.
19 વર્ષીય ડેવાલ્ડ બ્રેવિસ એટલે કે બેબી એબીએ કેપટાઉનમાં ધમાલ મચાવી દીધી છે. SA20 લીગની શરુઆતની પ્રથમ મેચમાં બેબી એબીની ધમાલે દર્શકો અને ક્રિકેટ રસિયાઓને મોજ કરાવી દીધી હતી. આ સાથે જ તેણે લીગમાં પોતાની ચમક બનાવી લીધી છે. જબરદસ્ત શોટ લગાવીને બ્રેવિસે દર્શકોને પુરુ મનોરંજન કરાવી દીધુ હતુ. સિઝીનની પ્રથમ મેચમાં જ તેની ટીમ એમઆઈ કેપટાઉને જીત મેળવી હતી. તેના બેટના શોટનૂ ગૂંજ માત્ર દક્ષિણ આફ્રિકામાં જ નહીં પરંતુ દુનિયાભરમાં સંભળાઈ હતી.
વિશ્વભરના ક્રિકેટ ચાહકોએ બ્રેવિસના વિડીયોને ખૂબ પસંદ કર્યા છે. પ્રથમ મેચમાં લગાવેલા શાનદાર વિશાળ શોટના એબી બેબીના વિડીયો સોશિયલ મીડીયા પર ખૂબ વાયરલ થવા લાગ્યા છે. જેને ક્રિકેટ ચાહકો પસંદ કરી રહ્યા છે.
બ્રેવિસે લગાવ્યા 5 છગ્ગા
પાર્લ રોયલ્સે પ્રથમ બેટિંગ કરતા 7 વિકેટના નુક્સાન પર 142 રન નોંધાવ્યા હતા. જેમાં જોસ બટલરે 42 બોલમાં 51 રન નોંધાવ્યા હતા. કેપટાઉન ટાન ટીમને રોયલ્સ તરફથી 143 રનનુ ટાર્ગેટ મળ્યુ હતુ. જે ટાર્ગેટનો પિછો કરતા યુવા સ્ટારે શાનદાર ઈનીંગ રમી હતી. તેણે જોત જોતામાં જ મેદાનનો માહોલ બદલી દીધો હતો. આ પહેલા જે માહોલ સરેરાશ લાગી રહ્યો હતો, એ માહોલ એકા એક જ ઉત્સાહિત અને ઉત્સવની જેમ ખુશીઓ ભર્યો બદલાઈ ગયો હતો.
પાર્લ રોયલ્સ સામે ન્યુલેન્ડમાં રમાયેલી પ્રથમ મેચમાં બ્રેવિસે એક બાદ એક 5 છગ્ગા જમાવી દીધી હતા. તેણે મેદાનની ચારે તરફ શોટ લગાવ્યા હતા. જેમાં કેટલાક વિશાળ શોટમાં બોલ સ્ટેડિયમના છાપરા પર જઈને પડ્યા હતા.
The Newlands crowd was thoroughly entertained by Dewald Brevis 👏#MICTvPR #Betway #SA20 | @Betway_India pic.twitter.com/f546OVExOW
— SA20_League (@SA20_League) January 10, 2023
સોશિયલ મીડિયા પર બ્રેવિસના વિડીયો ખૂબ વાયરલ થવા લાગ્યા છે. હજુ એક સિક્સરનો વિડીયો જુઓ.
It’s not déjà vu, that’s just @BrevisDewald doing his thing. 🔥#Betway #SA20 @Betway_India #MICTvPR pic.twitter.com/9CLMusOoD6
— SA20_League (@SA20_League) January 10, 2023
અડધી સદી નોંધાવી
મુંબઈ ઈન્ડિયન્સ કેપટાઉન ટીમ વતી ડેવાલ્ડ બ્રેવિસે ઓપનીંગમાં આવીને તોફાની અડધી સદી નોંધાવી હતી. તેણે 41 બોલમાં 70 રનની ઈનીંગ રમી હતી. આ દરમિયાન તેણે 170 થી વધારેની સ્ટ્રાઈક રેટથી રમત રમી હતી. ઈનીગમાં તેણે 5 છગ્ગા અને 4 ચોગ્ગા જમાવ્યા હતા. તેની તોફાની રમતના પગલે કેપટાઉને 16મી ઓવરમાં જ લક્ષ્ય પાર કરી લીધુ હતુ. તેની સાથે આવેલ ઓપનર રિયાને 33 બોલમાં 42 રન નોંધાવ્યા હતા. જ્યારે સેમ કરને અંતમાં 2 છગ્ગા સાથે 20 રનની અણનમ ઈનીંગ રમી હતી.
Latest News Updates
