IND vs SL: રવિન્દ્ર જાડેજાએ દેખાડી ચતુરાઇ, સળંગ ત્રણ બોલમાં 2 છગ્ગા અને 1 ચોગ્ગો ફટકારનાર દનુષ્કાને ચોથા બોલે શિકાર કરી લીધો

દનુષ્કા ગુણાતિલકા (Danushka Gunathilaka) ને તેણે એવા સમયે પેવેલિયન મોકલ્યો હતો કે જ્યારે તે આક્રમક બનવા લાગ્યો હતો.

Ravindra Jadeja એ વિશાળ બનવા તરફ જઇ રહેલી શ્રીલંકન ઓપનરોની ભાગીદારી તોડી હતી.

TV9 Gujarati | Edited By: Avnish Goswami | Updated on: Feb 26, 2022 | 10:07 PM

ભારત અને શ્રીલંકા (India Vs Sri Lanka) વચ્ચે ટી20 સિરીઝ રમાઇ રહી છે, જેની બીજી મેચ ધર્મશાળામાં રમાઇ છે. ભારતીય ટીમે લખનૌમાં રમાયેલી પ્રથમ ટી20 મેચને સરળતાથી જીતી લીધી હતી. બીજી મેચમાં પણ શ્રીલંકન કેપ્ટન દાશુન શનાકાએ તોફાની રમત રમીને ભારતીય ટીમની નિંયત્રણમાં રાખવાની આશા પુરી થવા દીધી નહોતી. તો વળી ભારતીય બોલરો એક એક વિકેટ મેળવી હતી, પરંતુ રવિન્દ્ર જાડેજા (Ravindra Jadeja) એ મેળવેલી એક વિકેટ તેના અને ટીમ માટે ખાસ હતી. કારણ કે, દનુષ્કા ગુણાતિલકા (Danushka Gunathilaka) ને તેણે એવા સમયે પેવેલિયન મોકલ્યો હતો કે જ્યારે તે આક્રમક બનવા લાગ્યો હતો. સાથે જ હરીફ ટીમની ઓપનીંગ જોડી મુશ્કેલ બનતી જઇ રહી હતી, તે તોડવામાં સફળતા મળી હતી.

પ્રથમ બેટીંગ કરવા માટે ટોસ હારીને શ્રીલંકન ટીમ મેદાને ઉતરી હતી. આમ ભારતીય ટીમ બોલીંગ કરી રહી હતી. નવમી ઓવર લઇને રવિન્દ્ર જાડેજા આવ્યો હતો. ત્યારે જ દનુષ્કાએ ઓવરના પ્રથમ બોલ પર જ છગ્ગો જમાવી દીધો હતો. ત્યાર બાદ બીજો બોલ લઇને આવેલા જાડેજા પર ચોગ્ગો લગાવી દીધો હતો. આમ બે બોલમાં દશ રન મેળવી લીધા હતા. ત્યાં ત્રીજો બોલ લઇને આવતા જ ફરી એકવાર દનુષ્કાએ બેટ ઘૂમાવતા છક્કો ઝડી દીધો હતો. આમ ત્રણ બોલમાં 16 રન લૂંટી લીધા હતા. જેને લઇ ભારતીય છાવણીમાં નિરાશા છવાઇ ગઇ હતી. પરંતુ તેના આગળના બોલ પર જાડેજાએ ચતુરાઇ વાપરી હતી અને બે છગ્ગા અને એક ચોગ્ગો જમાવનાર શ્રીલંક ઓપનરના શિકારની સફળ જાળ બિછાવી દીધી હતી.

ચોથા બોલ પર પર ફરી એકવાર આક્રમક મુડમા રહેલ દનુષ્કાએ બેટને ગુમાવીને ફરી બોલને બાઉન્ડરીની બહાર મોકલવા માટે પ્રયાસ કર્યો હતો. તેણે હવામા બોલને ફટકાર્યો હતો, પરંતુ દનુષ્કા પણ પહેલા થી જ અનુમાન જાણે લગાવી ચુક્યો હતો કે, જાડેજાની ચતુરાઇ બોલને બાઉન્ડરીના બદલે ફિલ્ડરના હાથમાં ઉતારી શકે છે. બન્યુ પણ એમ દોડતા આવીને વેંક્ટેશ અય્યરે લોન્ગ ઓન નજીકમાં કેચ ને ઝડપી લીધો હતો. આમ ભારતને પ્રથમ વિકેટ સાથે જાડેજાએ પ્રથમ ત્રણ બોલનો બદલો પણ લઇ લીધો હતો.

Web Stories View more

અદાણી લાંચ કેસમાં માત્ર કાકા-ભત્રીજા જ નહીં, આ 7 લોકો પણ ફસાયા

'કાચા બદામ ગર્લ' અંજલિ અરોરા માટે દિવાળી હતી પીડાદાયક, ખુદ જણાવી ઘટના

IPL Mega Auction : આ ટીમ રૂપિયા ખર્ચવામાં નંબર-1

IPL 2025 Auction : જાણો ક્યાં મફતમાં ઓક્શન લાઈવ જોઈ શકાશે

કાજોલે આ કારણથી શાહરૂખ ખાનની ફિલ્મ કરી હતી રિજેક્ટ, બાદમાં એશ્વર્યાને મળ્યો રોલ

સૌથી સસ્તી Tata Car ની કાર કેટલાની આવે ? જાણો તેની કિંમત

દનુષ્કાની આવી રહી ઇનીંગ

આમ તો શ્રીલંકન ઓપનરોએ 67 રનની પાર્ટનરશીપ કરી હતી. જેમાં દનુષ્કાનુ યોગદાન 38 રનનુ રહ્યુ હતુ. જે તેણે 29 બોલમાં બનાવ્યા હતા. જેમાંના 16 રન તો તેમે રવિન્દ્ર જાડેજાની ઓવરના પ્રથમ ત્રણ બોલમાં જ મેળવી લીધા હતા. આમ દનુષ્કાએ આક્રમકતા અપનાવી અને ભારતીય ટીમ માટે મુશ્કેલીઓ વધારવાની શરુઆત કરે એવા સમયે જ તેની ઇનીંગને જાડેજાએ સમેટી લેવામાં સફળતા મેળવી હતી.