પીસીબીના અધ્યક્ષ ઝકા અશરફ અમદાવાદ પહોંચ્યા, વર્લ્ડ કપ 2023 ટાઈટલ મેચ જોશે

19 નવેમ્બરે અમદાવાદના નરેન્દ્ર મોદી સ્ટેડિયમમાં વર્લ્ડ કપ 2023ની ફાઇનલ મેચ રમાશે. આ મેચ ભારત અને ઓસ્ટ્રેલિયા વચ્ચે યોજાશે. આ હાઈપ્રોફાઈલ મેચ જોવા માટે સ્ટેડિયમમાં અનેક હસ્તીઓ હાજર રહેશે. જેમાં પાકિસ્તાન ક્રિકેટ મેનેજમેન્ટ કમિટીના અધ્યક્ષ ઝકા અશરફ પણ મેચ જોવા સ્ટેડિયમમાં હાજર હશે.

આઈસીસી એક્ઝિક્યુટિવ બોર્ડની બેઠકમાં પણ ભાગ લેશે

પીસીબી ચીફ ઝકા અશરફ આ મેચ પહેલા શનિવારે અમદાવાદમાં યોજાનારી આઈસીસી (આંતરરાષ્ટ્રીય ક્રિકેટ બોર્ડ) એક્ઝિક્યુટિવ બોર્ડ (ઈબી)ની બેઠકમાં ભાગ લેવા ભારત પહોંચી ગયા છે. ઝકા અશરફ પાકિસ્તાન ક્રિકેટ બોર્ડના ચીફ ઓપરેટિંગ ઓફિસર સલમાન નાસિર સાથે અમદાવાદ આવવા માટે રવાના થયા હતા. ઝકા અશરફ રવિવારે ભારત અને ઓસ્ટ્રેલિયા વચ્ચે વર્લ્ડ કપની ફાઈનલ મેચ પણ જોશે.

Pakistan Cricket Board Chief Zaka Ashraf In India. This Is the Reasonhttps://t.co/bdFrOARSMR

— SIS Mediators (@SISMediators) November 17, 2023

પાકિસ્તાનમાં ચેમ્પિયન્સ ટ્રોફી 2025ની યજમાની અંગે ચર્ચા થશે

આઈસીસી એક્ઝિક્યુટિવ બોર્ડની બેઠકમાં વર્લ્ડ કપના આયોજન, સ્પર્ધામાંથી આવકની વસૂલાત અને દર્શકોની હાજરીની સમીક્ષા કરવામાં આવશે. પીસીબીના સૂત્રોના જણાવ્યા અનુસાર, ન્યૂઝ એજન્સી પીટીઆઈએ કહ્યું હતું કે 50 ઓવરની ક્રિકેટના ભવિષ્ય અને 2025માં પાકિસ્તાનમાં ચેમ્પિયન્સ ટ્રોફીની યજમાની અંગે પણ આઈસીસી એક્ઝિક્યુટિવ બોર્ડની બેઠકમાં ચર્ચા કરવામાં આવશે.

The #CWC23 Finalists are confirmed

India Australia

️ Narendra Modi Stadium, Ahmedabad #TeamIndia | #MenInBlue pic.twitter.com/QNFhLjbJZV

— BCCI (@BCCI) November 16, 2023

ભારત અને પાકિસ્તાનની મેચ જોવા અમદાવાદ આવ્યા હતા

અગાઉ 14 ઓક્ટોબરે ઝાકા ભારત વિરુદ્ધ પાકિસ્તાન મેચ જોવા માટે અમદાવાદ આવ્યા હતા. ભારતે આ મેચ સાત વિકેટે જીતી લીધી હતી. પાકિસ્તાન વર્લ્ડ કપની સેમી ફાઇનલમાં ક્વોલિફાય કરવામાં નિષ્ફળ રહ્યું હતું, જેના પછી બુધવારે બાબર આઝમે કેપ્ટનશિપ છોડી દીધી હતી.

આ પણ વાંચો: ફિફા વર્લ્ડ કપ ક્વોલિફાયર: કુવૈતને 1-0થી હરાવી ભારતે જીત સાથે કરી બીજા રાઉન્ડની શરૂઆત