PAK vs ENG: પાકિસ્તાન અને ઈંગ્લેન્ડ વચ્ચેની ફાઈનલમાં વરસાદનુ સંકટ, મેલબોર્નમાં વાદળો ઘેરાયા

T20 વર્લ્ડ કપ 2022 નો ફાઈનલનો દિવસ. પરંતુ, ઈંગ્લેન્ડ અને પાકિસ્તાન પહેલા હવામાને જ પોતાની જીતનું દ્રશ્ય સર્જ્યું છે. મેલબોર્નના આકાશમાં વાદળો ઘેરાઈ રહ્યા છે. નોન-સ્ટોપ વરસાદની શક્યતાઓ છે. અને, આ સમાચાર ક્રિકેટ ચાહકો માટે સારા નથી. ઈંગ્લેન્ડ અને પાકિસ્તાનની ક્રિકેટ ટીમો પણ આનાથી ચિંતિત હશે. પરંતુ, કરે તો શુ કરે, હવામાન કોઈના હાથની વાત તો હોતી નથી. આમ આવી સ્થિતીમાં હવે બંને ટીમોના ચાહકોની પ્રાર્થના સિવાય કોઈ વિકલ્પ નથી હોતો. અને એટલે જ ચાહકો પણ વરસાદના વિઘ્નને ટાળવા પ્રાર્થનાઓ કરે છે.

પાકિસ્તાન અને ઈંગ્લેન્ડ વચ્ચેની ફાઈનલ મેચ ભારતીય સમય અનુસાર બપોરે 1:30 વાગ્યે અને સ્થાનિક સમય અનુસાર સાંજે 6:30 વાગ્યે શરૂ થશે. પરંતુ, હવામાન વિભાગના જણાવ્યા અનુસાર, મેલબોર્નમાં સ્થાનિક સમય મુજબ 5:30 થી નોન-સ્ટોપ વરસાદની 80-90 ટકા સંભાવના છે. મતલબ કે મેચ આજના બદલે રિઝર્વ ડેમાં જઈ શકે છે.

મેલબોર્નમાં વરસાદ જ નહીં વાવાઝોડાની પણ શક્યતા

ઓસ્ટ્રેલિયાના હવામાન વિભાગે જણાવ્યું હતું કે, આકાશ વાદળછાયું રહેશે. વરસાદની સંભાવના લગભગ 100 ટકા છે. મેલબોર્નમાં વાવાઝોડું આવી શકે છે અને જોરદાર પવન ફૂંકાઈ શકે છે. તે સ્પષ્ટ છે કે T20 વર્લ્ડ કપ ફાઇનલનો ઉત્સાહ ઊંચો ચાલી રહ્યો છે. જો આમ થશે તો મેચ રિઝર્વ ડે એટલે કે સોમવારે રમાશે.

Melbourne weather right now. #T20WorldCupFinal pic.twitter.com/1Wc3Q0ZG4u

— Ihtisham Ul Haq (@iihtishamm) November 12, 2022

રિઝર્વ ડે પર પણ વરસાદની શક્યતા

મોટો પ્રશ્ન એ છે કે શું સોમવારે પણ સંપૂર્ણ મેચ મેલબોર્નમાં યોજાય તેવી શક્યતા છે? હવામાન વિભાગ પાસેથી મળેલી માહિતી મુજબ આવું બિલકુલ થતું હોય તેવું લાગતું નથી. રિપોર્ટ અનુસાર, સોમવારે એટલે કે રિઝર્વ ડેના દિવસે પણ મેલબોર્નમાં ભારે વરસાદની સંભાવના છે. સોમવારે શહેરમાં વરસાદની 95 ટકા શક્યતા છે.

જો વરસાદ સમસ્યા કરશે તો બંને ટીમો સંયુક્ત વિજેતા બનશે

એટલે કે રવિવારે વરસાદ, સોમવારે પણ વરસાદ. હવે આવી સ્થિતિમાં પાકિસ્તાન અને ઈંગ્લેન્ડ બંનેની આશાઓ પર પાણી ફરી વળતું જણાય છે. કારણ કે વરસાદને કારણે બંને દિવસે એક પણ મેચ ન હતી, તો તે સ્થિતિમાં તેણે સંયુક્ત વિજેતા બનીને પોતાને સંતોષ કરવો પડશે. T20 વર્લ્ડ કપ 2022ની ટ્રોફી ઈંગ્લેન્ડ અને પાકિસ્તાન બંને વચ્ચે વહેંચવામાં આવશે.