IPL Fixing and Betting: દિલ્હી, જયપુર, જોધપુર અને હૈદરાબાદમાં CBIના દરોડા, 7 આરોપીઓ સામે ફરિયાદ નોંધી

IPL Fixing and Betting: દિલ્હી, જયપુર, જોધપુર અને હૈદરાબાદમાં CBIના દરોડા, 7 આરોપીઓ સામે ફરિયાદ નોંધી
CBI દ્વારા આ મામલે તપાસ હાથ ધરાઈ છે

IPL માં કથિત ફિક્સિંગ અને સટ્ટાબાજીનો આ મામલો 2019 ની સિઝન સાથે સંબંધિત છે અને CBI એ આ મામલે અત્યાર સુધીમાં 2 અલગ-અલગ FIR નોંધી છે.

TV9 GUJARATI

| Edited By: Avnish Goswami

May 15, 2022 | 8:09 AM

ઈન્ડિયન પ્રીમિયર લીગ (IPL)માં ફરી એકવાર મેચ ફિક્સિંગ અને સટ્ટાબાજીનો પડછાયો છવાઈ ગયો છે. હંમેશા બુકીઓના નિશાના પર રહેનાર અને એકવાર આ જઘન્ય અપરાધનો શિકાર બનેલ વિશ્વની સૌથી મોટી T20 લીગમાં આ પ્રકારનો મામલો ફરી સામે આવ્યો છે. ભારતની ટોચની તપાસ એજન્સી, CBI એ IPL માં મેચ ફિક્સિંગ અને સટ્ટાબાજી (IPL Match Fixing-Betting) ના આરોપમાં શનિવારે 14 મેના રોજ કેટલીક ધરપકડ કરી છે. મળતી માહિતી મુજબ આ કેસમાં અત્યાર સુધીમાં 7 આરોપીઓ વિરુદ્ધ કેસ નોંધવામાં આવ્યો છે. તે જ સમયે, મોટા પાયે ફેલાયેલ આ સિન્ડિકેટની શોધમાં એજન્સી દિલ્હી, હૈદરાબાદ સહિત 4 શહેરોમાં 7 સ્થળોએ દરોડા પાડવામાં આવ્યા છે.

ન્યૂઝ એજન્સી પીટીઆઈએ શનિવારે સીબીઆઈ અધિકારીઓને ટાંકીને કહ્યું કે એજન્સીએ આઈપીએલની 2019 સીઝનમાં કથિત ફિક્સિંગ અને સટ્ટાબાજીના સંબંધમાં બે એફઆઈઆર નોંધી છે. તેમાંથી પ્રથમ એફઆઈઆરમાં દિલ્હી અને હૈદરાબાદમાંથી ત્રણ લોકોની ધરપકડ કરવામાં આવી છે, જ્યારે બીજી એફઆઈઆરમાં રાજસ્થાનના 4 આરોપીઓ સામે કેસ નોંધવામાં આવ્યો છે. તે જ સમયે, સીબીઆઈએ આ કેસમાં દિલ્હી, હૈદરાબાદ, જોધપુર અને જયપુરમાં 7 સ્થળોએ દરોડા પાડવાનું શરૂ કર્યું છે.

7 આરોપીઓ સામે કેસ નોંધાયો

સીબીઆઈના જણાવ્યા અનુસાર, આ બે અલગ-અલગ નેટવર્ક પાકિસ્તાનમાંથી જ મળેલા ઈનપુટ્સના આધારે મેચના પરિણામને પ્રભાવિત કરી રહ્યા હતા. તેમાંથી, રાજસ્થાન નેટવર્ક 2010 થી આ પ્રવૃત્તિઓમાં સક્રિય છે, જ્યારે દિલ્હી-હૈદરાબાદ નેટવર્ક 2013 થી આ પ્રવૃત્તિઓ કરી રહ્યું છે. પ્રથમ એફઆઈઆરમાં દિલીપ કુમારની દિલ્હીના રોહિણીમાંથી જ્યારે ગુરરામ વાસુ અને ગુરરામ સતીશની હૈદરાબાદથી ધરપકડ કરવામાં આવી છે. ત્યાં બીજી તરફ એફઆઈઆરમાં રાજસ્થાનના 4 આરોપીઓ સજ્જન સિંહ, પ્રભુ લાલ મીણા, રામ અવતાર અને અમિત કુમાર શર્માના વિરુદ્ધ ગુનો દાખલ કરવામાં આવ્યો છે.

પાકિસ્તાની શખ્શના સંપર્કમાં

FIR માં સીબીઆઈ એ બતાવ્યુ છે કે રાજસ્થાન વાળુ નેટવર્ક કોઈ પાકિસ્તાની સટ્ટેબાજના સંપર્કમાં હતુ. આ ગ્રુપના તમામ સભ્યો એક અજાણ્યા પાકિસ્તાની શખ્શના સંપર્કમાં છે, જે તેમને પાકિસ્તાની નંબર +923222222666 થી કોલ કરતો હતો. આ પાકિસ્તાની શખ્શ ભારતમાં અન્ય લોકોના સંપર્કમાં પણ હતો.

Follow us on

Related Stories

Most Read Stories

Click on your DTH Provider to Add TV9 Gujarati