IPL 2024 માં રોયલ ચેલેન્જર્સ બેંગ્લોર હવે થોડા સમય પછી કોલકાતા નાઈટ રાઈડર્સનો સામનો કરતી જોવા મળશે. ભલે આ મેચ RCB vs KKR છે. પરંતુ, આમાં તમામની નજર વિરાટ વિરુદ્ધ ગંભીર પર રહેશે. IPLના ઈતિહાસમાં વિરાટ અને ગંભીર વચ્ચેની લડાઈનો પણ પોતાનો ઈતિહાસ છે. અને આ જ કારણ છે કે જ્યારે IPL 2024માં બંને ટીમો પહેલીવાર ટકરાવા જઈ રહી છે ત્યારે વિરાટ અને ગંભીરની ચર્ચા પણ જોર પકડી રહી છે. પરંતુ વાઈરલ થયેલા ગૌતમ ગંભીરના એક વીડિયોએ આ મેચના ઉત્સાહમાં વધુ આગ લગાવી છે.
KKRના મેન્ટોર ગૌતમ ગંભીરનો આ વીડિયો જુનો છે પરંતુ તે જે કંઈ પણ કહી રહ્યો છે તેના પરથી તેની વિરાટ કોહલી અને RCB સાથેની દુશ્મનાવટને સમજી શકાય છે. ગંભીરે આ વીડિયોમાં RCBની રમતનું પોસ્ટમોર્ટમ કર્યું છે. સરળ ભાષામાં તેણે વીડિયોમાં RCBને સ્ટાર ખેલાડીઓની ફોજ ગણાવી છે. પરંતુ તેમ છતાં તે માને છે કે મોટા નામના ખેલાડીઓથી સજ્જ આ ટીમ કેકેઆર સામે ખરાબ રમી છે.
ગૌતમ ગંભીરે વધુ એક વાત કહી. તેને કહ્યું તે તે મેદાન પર ઉતરીને વિરાટ કોહલી અને RCBને હરાવવાનું પસંદ કરશે. તેને હંમેશા આવું કરવું પસંદ છે. વાયરલ વીડિયોના આ સ્ટેટમેન્ટથી મેચનો ઉત્સાહ સાતમા આસમાને પહોંચી ગયો છે.
આ વિશે જ્યારે KKRથી IPL 2024માં થવા જઆ રહેલી ટક્કર પહેલા RCB ખેલાડી દિનેશ કાર્તિકને પૂછવામાં આવ્યું કે, તે આ મેચમાં શું જુએ છે, તો તેણે સૌથી પહેલા વિરાટ વિરુદ્ધ ગંભીર કહ્યું.
It’s a blockbuster Friday night! Get ready for #RCBvKKR at Namma Chinnaswamy stadium. ️ DK, Siraj, Mayank and Coach Griff preview the game, on @bigbasket_com presents Game Day!
Download the Big Basket App now. #PlayBold #ನಮ್ಮRCB #IPL2024 #RCBvKKR pic.twitter.com/sFKkUc8UMq
— Royal Challengers Bengaluru (@RCBTweets) March 29, 2024
RCB vs KKR મેચ માત્ર વિરાટ અને ગંભીરના કારણે જ નહીં પરંતુ કેટલીક અન્ય બાબતોમાં પણ ખાસ બનવાની છે. તેમાંથી પહેલું એ છે કે RCBને હરાવવાની પોતાની ઈચ્છા પૂરી કરવા માટે ગૌતમ ગંભીરને IPL 2024માં ઘરઆંગણે સતત જીતવાના વલણને તોડવું પડશે કારણ કે બંને ટીમો વચ્ચેની મેચ ચિન્નાસ્વામી સ્ટેડિયમમાં યોજાશે. જો આપણે ચિન્નાસ્વામી પર RCB વિરુદ્ધ KKRના રેકોર્ડ પર નજર કરીએ તો તે પણ એવું જ કરતા જોવા મળે છે. ચિન્નાસ્વામી ખાતે RCB સામે રમાયેલી છેલ્લી પાંચ મેચમાં KKRએ જીત મેળવી છે.
આ પણ વાંચો: IPL 2024: કોણ છે આ મિસ્ટ્રી ગર્લ? રોહિત-બુમરાહ અને પંડ્યા સિવાય અન્ય ખેલાડીઓ સાથેનો ફોટો થયો વાયરલ