IPL 2024: જસપ્રીત બુમરાહે દિલ્હી સામેની મેચ પહેલા બોલિંગ છોડી બેટિંગ પ્રેક્ટિસ કરી, જુઓ Video

IPL 2024માં તમે જસપ્રીત બુમરાહને એક પછી એક વિકેટ લેતા જોઈ રહ્યા છો. હવે જ્યારે પણ તેને તક મળે છે ત્યારે તમે તેને થોડી બેટિંગ કરતા પણ જોઈ શકો છો. બોલિંગમાં હાથ ખોલનાર બુમરાહ હવે બેટિંગમાં પોતાની તાકાત બતાવવાની તૈયારી કરી રહ્યો છે. આ અહેસાસ ત્યારે થયો જ્યારે તેની બેટિંગ પ્રેક્ટિસનો એક વીડિયો સોશિયલ મીડિયા પર વાયરલ થયો. બુમરાહની બેટિંગ પ્રેક્ટિસનો વીડિયો મુંબઈ ઈન્ડિયન્સ દ્વારા શેર કરવામાં આવ્યો છે, જેના કેપ્શનમાં લખ્યું છે – આજે તમારો જસ્સી ભાઈ બેટિંગ કરશે.

IPL 2024માં સૌથી વધુ વિકેટ લેનાર બોલર

મુંબઈ ઈન્ડિયન્સનો જસપ્રીત બુમરાહ IPL 2024માં સૌથી વધુ વિકેટ લેનાર બોલર છે. તેના નામે અત્યાર સુધી 13 વિકેટ છે. મતલબ કે તે પર્પલ કેપની રેસમાં સૌથી આગળ છે. જો કે, આ રેસમાં તેને યુઝવેન્દ્ર ચહલ સખત ટક્કર આપી રહ્યો છે. બુમરાહે આ IPLમાં અત્યાર સુધી અનેક બેટ્સમેનોને તેની ઘાતક બોલિંગથી પરેશાન કર્યા છે. તેનો યોર્કર ઘણો ખતરનાક હોય છે અને અનેક મહાન બેટ્સમેન પણ તેની સામે તકો શકતા નથી.

દિલ્હી સામે મેચ પહેલા બેટિંગ પ્રેક્ટિસ કરી

પરંતુ, દિલ્હી કેપિટલ્સ સામેની આગામી મેચ પહેલા જસપ્રીત બુમરાહનું વલણ અને શૈલી અલગ જોવા મળી છે. તે નેટ્સમાં બોલ છોડીને બેટ પકડતો જોવા મળે છે. મતલબ કે લોકોને બોલર બુમરાહને નહીં પણ બેટ્સમેન બુમરાહ જોવા મળ્યો છે. વાસ્તવમાં, મુંબઈ માટે વધુ સારી સ્થિતિ હશે જો બુમરાહ બેટિંગ માટે નહીં આવે. પરંતુ, તેમ છતાં, જો આવી સ્થિતિ ઉભી થાય તો બુમરાહ તેના માટે તૈયાર છે.

મુંબઈ ઈન્ડિયન્સે પ્લેઓફ માટે પ્રયત્નો કરવા પડશે

IPL 2024માં અત્યાર સુધી રમાયેલી 8 મેચો બાદ મુંબઈ ઈન્ડિયન્સના 6 પોઈન્ટ છે કારણ કે આ ટીમ માત્ર 3 મેચ જીતી શકી છે. મુંબઈની ટીમ પોઈન્ટ ટેબલમાં આઠમાં નંબર પર છે અને બેટિંગ આ ટીમની ખરાબ હાલત પાછળનું સૌથી મોટું કારણ છે. કેપ્ટન હાર્દિક પંડ્યા કે અન્ય મિડલ ઓર્ડર ખેલાડીઓ મેદાન પર અપેક્ષા મુજબ પ્રદર્શન કરતા જોવા મળ્યા નથી. જોકે હજુ મોડું થયું નથી. ગ્રુપ સ્ટેજમાં હજુ 6 મેચ બાકી છે અને મુંબઈને અહીંથી આગળ વધવા માટે લગભગ તમામ મેચ જીતવી પડશે.

આ પણ વાંચો : IPL 2024: પહેલા કિસ કરી, પછી ભણાવ્યો એક્ટિંગનો પાઠ, એડ શૂટ દરમિયાન હાર્દિક પંડ્યાનો પુત્ર સાથેનો વીડિયો વાયરલ