IPL 2023 નુ શેડ્યૂલ થયુ જાહેર, પ્રથમ મેચમાં ગુજરાત ટાઈટન્સ અને ચેન્નાઈ સુપર કિંગ્સ વચ્ચે થશે ટક્કર

IPL 2023નું શેડ્યૂલ જાહેર કરવામાં આવ્યું છે. ટુર્નામેન્ટ 31 માર્ચથી શરૂ થશે. ફાઈનલ 28 મેના રોજ રમાશે. પ્રથમ મેચ વર્તમાન ચેમ્પિયન ગુજરાત ટાઇટન્સ અને ચેન્નાઇ સુપર કિંગ્સ વચ્ચે રમાશે. આઈપીએલ ટૂર્નામેન્ટની ઓપનિંગ મેચ અમદાવાદના નરેન્દ્ર મોદી સ્ટેડિયમમાં રમાનારી છે. હાર્દિક પંડ્યાની આગેવાની ધરાવતી ગુજરાત ટાઈટન્સ ટીમ ગત સિઝનમાં ડેબ્યૂ કર્યુ હતુ. ટીમની પ્રથમ સિઝનમાં જ ટાઈટલ પોતાના નામે કર્યુ હતુ.

રોહિત શર્માની આગેવાની ધરાવતી મુંબઈ ઈન્ડિયન્સ ટીમની મેચ 2 એપ્રિલે રમાનારી છે. બંગ્લુરુમાં રમાનારી આ મેચમાં રોહિત શર્માની ટીમ રોયલ ચેલેન્જર્સ બેંગ્લોરની સામે ટકરાશે. મુંબઈ ઈન્ડિયન્સ ટીમ આઈપીએલમાં સૌથી વધારે વખત ટાઈટલ પોતાને નામે કરી ચુકી છે.

12 સ્થળો પર રમાશે મેચ

અમદાવાદ, મોહાલી, લખનૌ સહિત કુલ 12 શહેરોમાં IPL 2023નું આયોજન કરવામાં આવશે. મેચ હૈદરાબાદ, બેંગ્લોર, ચેન્નાઈ, દિલ્હી, કોલકાતા, જયપુર, મુંબઈ, ગુવાહાટી અને ધર્મશાળામાં પણ રમાશે. ટુર્નામેન્ટની પ્રથમ અને અંતિમ મેચ અમદાવાદમાં રમાશે. 10 ટીમોને 2 ગ્રુપમાં વહેંચવામાં આવી છે. ગ્રુપ Aમાં મુંબઈ, રાજસ્થાન, કોલકાતા, દિલ્હી, લખનઉની ટીમો છે જ્યારે ગ્રુપ Bમાં ચેન્નાઈ, પંજાબ, સનરાઈઝર્સ, બેંગ્લોર અને ગુજરાતનો સમાવેશ થાય છે.