CSK vs GT IPL 2023 Final: સદગુરુએ બતાવી પોતાની ફેવરિટ આઈપીએલ ટીમ, મહેન્દ્રસિંહ ધોની માટે કહી મોટી વાત-Video
Sadhguru's Favourite IPL Team: સોમવારે રિઝર્વ ડે પર IPL Final મેચ રમાઈ રહી છે, ચેન્નાઈ સુપર કિંગ્સ અને ગુજરાત ટાઈટન્સ વચ્ચે આ ટક્કર થઈ રહી છે. સદગુરુએ મજાક મજાકમાં એક જૂનો કિસ્સો યાદ કર્યો હતો.
IPL 2023 Final અમદાવાદના નરેન્દ્ર મોદી સ્ટેડિયમમાં રમાઈ રહી છે. ભારત જ નહીં પરંતુ દુનિયા ભરના ચાહકો IPL ટૂર્નામેન્ટની પૂરી મજા ઉઠાવતા હોય છે. વિશ્વની સૌથી પ્રસિદ્ધ અને લોકપ્રિય ક્રિકેટ લીગના ચેમ્પિયન સોમવારે રાત્રે સામે આવશે. રવિવારે રમનારી ફાઈનલ મેચની ટક્કર હવે સોમવારે રિઝર્વ ડે પર થઈ રહી છે. ચેન્નાઈ સુપર કિંગ્સ અને ગુજરાત ટાઈટન્સ વચ્ચે થઈ રહેલી આ ટક્કરને ચાહકો પૂરો રોમાંચ માણી રહ્યા છે. સદગુરુ પણ ક્રિકેટના ચાહકોથી અલગ નથી. તેઓને પણ ક્રિકેટ પ્રત્યે પ્રેમ છે અને હવે ફાઈનલ મેચના દિવસે તેમનો જૂનો વિડીયો ખૂબ વાયરલ થઈ રહ્યો છે. જેમાં તેઓએ પોતાની પસંદગીની ટીમના સંદર્ભમાં વાત કરી છે.
સદગુરુ આ વિડીયોમાં યલો જર્સીની ટીમ ચેન્નાઈ સુપર કિંગ્સની વાત કરી રહ્યા છે, એટલે કે ધોનીની આગેવાની ધરાવતી ટીમની વાત કરી રહ્યા છે. સદગુરુ વેસ્ટ ઈન્ડિઝના પૂર્વ દિગ્ગજ બેટર ક્રિસ ગેઈલ સાથે વાત કરી રહ્યા છે. જેમાં તેઓ આઈપીએલમાં પોતાની પસંદને લઈ વાત કરી હતી. સદગુરુને કેરેબિયન તોફાની ક્રિકેટર ગેઈલે પુછ્યુ હતુ કે, આપની પસંદગીની ટીમ કઈ છે? જેની પર સદગુરુએ કહ્યુ હતુ કે, ચોક્કસ, આ ચેન્નાઈની ટીમ છે. મજાક મજાકમાં ગેઈલ આ જવાબ સામે ખોટુ લગાડતો જોઈ શકાય છે. કારણ કે ગેઈલ RCB નો હિસ્સો હતો.
ચેન્નાઈ સિવાય અન્ય ટીમને આશિર્વાદ નહીં
સદગુરુએ વિસ્ફોટ ક્રિકેટર સાથે વાતચીત કરવા દરમિયાન પોતે ધોનીની આગેવાની ધરાવતા ચેન્નાઈ સુપર કિંગ્સના કેટલા મોટા ફેન છે એ બતાવી દીધુ છે. આ દરમિયાન સદગુરુએ એક ઘટનાને યાદ કરતા ગેઈલને બતાવ્યુ હતુ કે, અંતિમ વાર ફાઈનલ સમયે કોલકાતા નાઈટ રાઈડર્સ તરફથી તેમને કોલ આવ્યો હતો. ત્યારે તેઓએ કોલકાતા ટીમ વાળાઓને કહ્યુ હતુ કે, સદગુરુ, આપે અમારી ટીમને આશિર્વાદ આપવા જોઈએ.
View this post on Instagram
જેનો જવાબ આપવા દરમિયાન સદગુરુને ખ્યાલ આવ્યો કે કોલકાતા ની ટીમ સામે IPL Fianl માં ચેન્નાઈ સુપર કિંગ્સ છે. તો તેઓએ કોલકાતાની ટીમને બતાવ્યુ હતુ કે, જુઓ આ એક ચીજ હું નથી કરી શકતો. સદગુરુના આ જવાબ પર ગેઈલ હસી પડ્યો હતો અને સદગુરુ પણ.
View this post on Instagram
ધોની માટે કહી મોટી વાત
સદગુરુએ વિડીયોના અંતમાં ક્રિસ ગેઈલને ધોનીને લઈને પણ વાત કરી હતી. ધોનીથી જ ફરક પડ્યો હોવાનુ બતાવ્યુ હતુ. વિડીયોના અંતમાં ગેઈલ પણ એ માનવા માટે સહમત રહ્યો હતો કે, ટૂર્નામેન્ટમાં નંબર-1 ટીમ ચેન્નાઈ સુપર કિંગ્સ છે.
View this post on Instagram
આ સિઝનમાં પણ સદગુરુ ચેન્નાઈ સુપર કિંગ્સના સમર્થનમાં જોવા મળ્યા હતા. ચેન્નાઈ ઉપરાંત સદગુરુએ રોયલ ચેલેન્જર્સ બેંગ્લોરેને પણ સમર્થન કર્યુ હતુ.
આ પણ વાંચોઃ IPL 2023 Final: કોણ બનશે ચેમ્પિયન? હાર્દિક પંડ્યા કે ધોની કોનુ પલડુ ભારે, પાકિસ્તાનથી આવી ભવિષ્યવાણી
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
Latest News Updates
