IPL 2022: રોહિત શર્મા આજે વિરાટ કોહલી જેવો કમાલ કરી શકે છે, દુનિયાના 7 બેટ્સમેનોની હરોળમાં થશે સામેલ!

રોહિત શર્મા (Rohit Sharma) આજે વિરાટ કોહલી (Virat Kohli) સામે તેના જેટલો જ અદ્ભુત પ્રદર્શન કરી શકે છે. બસ આ માટે મુંબઈ ઈન્ડિયન્સના કેપ્ટન અને ઓપનરે ફોર્મમાં પરત ફરવું પડશે.

IPL 2022: રોહિત શર્મા આજે વિરાટ કોહલી જેવો કમાલ કરી શકે છે, દુનિયાના 7 બેટ્સમેનોની હરોળમાં થશે સામેલ!
Rohit Sharma એ ફોર્મ દર્શાવવુ જરુરી છે
TV9 GUJARATI

| Edited By: Avnish Goswami

Apr 09, 2022 | 9:44 AM

IPL 2022 માં આજે ડબલ હેડર દિવસ છે. એટલે કે બે મેચ રમાશે. અને, બીજી મેચ મુંબઈ ઈન્ડિયન્સ અને રોયલ ચેલેન્જર્સ બેંગલોર ( Mumbai Indians vs Royal Challengers Bangalore) વચ્ચે રમાશે. આ મેચમાં આજે રોહિત શર્મા (Rohit Sharma) પચાસ કે સો રન નહીં પરંતુ પુરા 10000 રન બનાવતો જોવા મળી શકે છે. આજે તે વિરાટ કોહલી (Virat Kohli) ની સામે તેના જેવો કમાલ કરી શકે છે. બસ આ બધી બાબતો માટે મુંબઈ ઈન્ડિયન્સના કેપ્ટન અને ઓપનરને ફરીથી ફોર્મમાં આવવાની જરૂર છે. જો તેનું બેટ ચાલે તો આજે તે રનના મામલે ટોચ પર હશે. જ્યાં અત્યાર સુધી માત્ર એક ભારતીય સાથે વિશ્વના માત્ર 6 ખેલાડીઓ પહોંચ્યા છે. એટલે કે રોહિત પાસે બીજો ભારતીય અને વિશ્વનો 7મો ખેલાડી બનવાની દરેક તક હશે.

જો રોહિત શર્મા આજે રોયલ ચેલેન્જર્સ બેંગ્લોર સામે રમતા 10000 રન બનાવી લે છે તો તે મુંબઈ ઈન્ડિયન્સ માટે પણ સારું રહેશે. તેના માટે હારના માર્ગમાંથી વિજયના માર્ગ પર પાછા ફરવું પણ સરળ બનશે. મુંબઈ ઈન્ડિયન્સ આઈપીએલ 2022 માં તેની છેલ્લી ત્રણ મેચ હારી છે, જ્યારે RCB એ અત્યાર સુધી રમાયેલી 3 માંથી 2 મેચ જીતી છે.

માત્ર 51 રન, તો વિરાટ કોહલી જેવી ઉપલબ્ધી હાંસલ થશે

હવે સવાલ એ છે કે રોહિત શર્મા 10000 રન કેવી રીતે બનાવશે? તેનું કનેક્શન શું છે? 10000 રન બનાવવા માટે રોહિત શર્માએ આજે ​​માત્ર એક અડધી સદી ફટકારવાની છે. તેણે આ માટે માત્ર 51 રનનો આંકડો પાર કરવાનો છે. આ સાથે તે રેકોર્ડ પણ બનાવશે અને મુંબઈ ઈન્ડિયન્સને વિજય પણ અપાવી શકે છે.

વિરાટ પછી રોહિત બીજો ભારતીય છે.

રોહિત શર્મા આ 10000 રન માત્ર IPLમાં નહીં પરંતુ સમગ્ર T20 કરિયરમાં બનાવવા જઈ રહ્યો છે. હાલમાં, તેના નામે 373 T20I ની 360 ઇનિંગ્સમાં 6 સદી અને 69 અડધી સદી સાથે 9949 રન નોંધાયેલા છે. એટલે કે T20માં 361મી ઇનિંગ્સ તેના 10000 રનની સાક્ષી બની શકે છે. જો આમ થશે, તો તે વિરાટ કોહલી બાદ આ માઈલસ્ટોન સુધી પહોંચનાર બીજા ભારતીય હશે. વિરાટે અત્યાર સુધી 329 T20 મેચોની 312 ઇનિંગ્સમાં 10331 રન બનાવ્યા છે.

વિશ્વનો 7મો ક્રિકેટર જે T20માં દસ હજારી બનશે!

વિશ્વ ક્રિકેટમાં સૌથી વધુ T20 રન વેસ્ટ ઈન્ડિઝના ક્રિસ ગેલના નામે છે. યુનિવર્સ બોસે 463 T20 મેચમાં 14563 રન બનાવ્યા છે. તેના પછી પાકિસ્તાનના શોએબ મલિકનો નંબર આવે છે, જેણે T20માં 11698 રન બનાવ્યા છે. વેસ્ટ ઈન્ડિઝનો કિરોન પોલાર્ડ 11474 રન બનાવીને યાદીમાં ત્રીજા નંબર પર છે. ઓસ્ટ્રેલિયાનો વ્હાઇટ બોલ કેપ્ટન એરોન ફિન્ચ 5માં નંબર પર છે, જેણે 10499 રન બનાવ્યા છે. 5મો નંબર વિરાટ કોહલીનો છે. જ્યારે છઠ્ઠા સ્થાન પર ડાબોડી ઓસ્ટ્રેલિયન ઓપનર ડેવિડ વોર્નર છે જેણે 10312 રન બનાવ્યા છે.

આ પણ વાંચો : Cheteshwar Pujara ને IPL માં ભલે મોકો ના મળ્યો હવે, 14 એપ્રિલથી ઇંગ્લેન્ડમાં દમ દેખાડશે!

આ પણ વાંચો : IPL 2022: ગુજરાત ટાઈટન્સનો ખેલાડી પંજાબ સામેની દમદાર ભૂમિકાથી છવાયો, માતા વોલીબોલ પ્લેયર અને પિતા એથલેટ, જાણો પુરી કહાની

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-

Follow us on

Related Stories

Most Read Stories

Click on your DTH Provider to Add TV9 Gujarati