IPL 2022: RCB ની સામે મોટી મુશ્કેલી! કયા ખેલાડીને રાખવો અને કોને છોડવો, કેપ્ટનશિપને લઇને પણ અનિશ્વિતતા!

IPL 2022 ની મેગા હરાજી (IPL 2022 Mega Auction) પહેલા તમામ ફ્રેન્ચાઇઝી પોતપોતાની ટીમો માટે આયોજન કરી રહી છે. આ અંતર્ગત સૌ પ્રથમ તો રિટેન્શન (IPL Retention) ની ચર્ચા છે. રોયલ ચેલેન્જર્સ બેંગ્લોર (Royal Challengers Bangalore) ની સામે સૌથી વધુ માથાકૂટ છે. તેણે પોતાના જૂના ખેલાડીઓને પણ જાળવી રાખવા પડશે. સાથે જ નવો કેપ્ટન બનાવવો પડશે કારણ કે વિરાટ કોહલી (Virat Kohli) એ IPL 2021માં આ પદ છોડી દીધું હતું. આવી સ્થિતિમાં ટીમે કેપ્ટનની સાથે સાથે આ રિટેન્શન વિશે પણ વિચારવું પડશે.

અહેવાલ છે કે અત્યાર સુધી RCB તેના કેપ્ટનને લઈને કોઈ નિર્ણય લઈ શક્યું નથી. જો કે, તે વિરાટ કોહલી અને ગ્લેન મેક્સવેલને જાળવી રાખવાની તૈયારી કરી રહ્યો છે. પહેલાથી અસ્તિત્વમાં રહેલી આઠ ટીમો વધુમાં વધુ ચાર ખેલાડીઓને જાળવી શકે છે. રીટેન્શન વિશે માહિતી આપવાનો છેલ્લો દિવસ 30 નવેમ્બર છે.

મીડિયા રિપોર્ટનુસાર IPLની આગામી ત્રણ સિઝન માટે RCB વિરાટ કોહલી અને ગ્લેન મેક્સવેલને જાળવી શકે છે. જો કે હજુ સુધી તેનો કેપ્ટન નક્કી થયો નથી. વિરાટ કોહલી આ પદ પર નહીં હોય કારણ કે તેણે હાલમાં જ આ પદ છોડી દીધુ છે. કોહલીએ IPL 2021ના બીજા હાફ પહેલા જ કહ્યું હતું કે તે આગળ સુકાની નહીં કરે પરંતુ RCB તરફથી રમવાની ઈચ્છા ધરાવે છે. તેણે ટીમ મેનેજમેન્ટને કહ્યું છે કે તે પોતાને RCB સિવાય અન્ય કોઈ ટીમમાં જોતો નથી.

આવી સ્થિતિમાં કોહલીને જાળવી રાખવાની ખાતરી છે. તેને કેટલા પૈસા મળે છે તે જોવું રસપ્રદ રહેશે. IPL 2018 પહેલા, જ્યારે તેને રિટેન કરવામાં આવ્યો ત્યારે કોહલી બાકીના ખેલાડીઓની સરખામણીમાં એક કરોડ રૂપિયા વધારે લેતો હતો. તેને 17 કરોડ રૂપિયા મળતા હતા. આ દરમિયાન અન્ય ટીમોના આઇકોન ખેલાડીઓને 16 કરોડ રૂપિયા મળતા હતા.

માત્ર ભારતીય જ બનશે RCBનો કેપ્ટન!

સુકાની પદની રેસમાં મેક્સવેલનું નામ નથી. તે અગાઉ કિંગ્સ ઈલેવન પંજાબનો કેપ્ટન રહી ચૂક્યો છે, પરંતુ તેની હાલત ખરાબ હતી. આખી સિઝન માટે વિદેશી કેપ્ટન ઉપલબ્ધ રહેવાની સમસ્યા પણ રહેતી હોય છે. આવી સ્થિતિમાં માત્ર એક ભારતીય જ RCBનો નવો કેપ્ટન બની શકે છે. આરસીબીના અન્ય દિગ્ગજ એબી ડી વિલિયર્સે પણ તાજેતરમાં ક્રિકેટના તમામ ફોર્મેટમાંથી નિવૃત્તિની જાહેરાત કરી હતી. આવી સ્થિતિમાં, તે હવે ઉપલબ્ધ રહેશે નહીં. આ રીતે ટીમનો એક મજબૂત ખેલાડી બહાર થયો છે.

ચહલ, સિરાજ અને પડિકલનું શું થશે?

અહેવાલ છે કે RCB માત્ર બે ખેલાડીઓને જ રિટેન કરશે. પરંતુ દેવદત્ત પડિક્કલ, યુઝવેન્દ્ર ચહલ, મોહમ્મદ સિરાજ જેવા ખેલાડીઓના નામ પણ રિટેન્શન માટે ચાલી રહ્યા છે. આ ખેલાડીઓ છેલ્લી કેટલીક સીઝનથી આ ટીમની ઓળખ છે. તેમજ તેમનું પ્રદર્શન પણ શાનદાર રહ્યું છે. એ જોવાનું રહેશે કે શું RCBનું મેનેજમેન્ટ સંપૂર્ણપણે નવી ટીમ બનાવે છે કે પહેલાથી જ અસ્તિત્વમાં રહેલા કેટલાક ખેલાડીઓને રાખીને પોતાની ટીમ તૈયાર કરશે. અત્યાર સુધી આરસીબીએ આઈપીએલનો ખિતાબ જીત્યો નથી. આવી સ્થિતિમાં તેમના પર બિરુદનો દુકાળ ખતમ કરવાની હકીકત પણ ધ્યાનમાં રાખવી પડશે.

આ પણ વાંચોઃ  Hardik Pandya: હાર્દિક પંડ્યાએ ટીમ ઇન્ડિયામાં પોતાની પસંદગી નહી કરવા સામે ચાલીને કહ્યુ! સિલેક્ટર્સને દર્શાવ્યુ કારણ

આ પણ વાંચોઃ IND vs NZ: ચેતેશ્વર પુજારા અને રહાણેના બેટ થી નિરાશા, વિદેશ અને ઘર આંગણે નિરાશાજનક રમત, બંને માટે સર્જાઇ શકે છે મુશ્કેલી!