IPL 2022: પંજાબ કિંગ્સના કેપ્ટન મયંક અગ્રવાલનો હુંકાર, ચેમ્પિયન બનતા કોઇ નહી રોકી શકે જો ટીમના ખેલાડીઓ આ કામ કરી દેખાડશે
પંજાબ કિંગ્સે આ વર્ષે ભૂતપૂર્વ કેપ્ટન કેએલ રાહુલ (KL Rahul) ની જગ્યાએ મયંક અગ્રવાલ (Mayank Agarwal) ને પોતાનો કેપ્ટન બનાવ્યો છે. મયંક IPLમાં પ્રથમ વખત કોઈ ટીમની કેપ્ટનશીપ કરશે.
ઇન્ડિયન પ્રીમિયર લીગ 2022 સીઝન (IPL 2022) માં, કેટલાક ટીમોમાં નવા કેપ્ટનોએ કમાન સંભાળી છે. પંજાબ કિંગ્સ (Punjab Kings) પણ આમાંથી એક છે, જ્યાં ભારતીય ટીમના સ્ટાર ઓપનર મયંક અગ્રવાલ (Mayank Agarwal) ને ટીમનો કેપ્ટન બનાવવામાં આવ્યો છે. મયંક ગત સિઝન સુધી ટીમનો ઉપ-કેપ્ટન હતો અને કેએલ રાહુલની વિદાય બાદ તેને આ જવાબદારી મળી છે. ફેબ્રુઆરીમાં આયોજિત મેગા ઓક્શનમાં માત્ર નવા કેપ્ટન જ નહીં પરંતુ ફ્રેન્ચાઇઝીએ શાનદાર નવી તૈયારી કરી છે. દેખીતી રીતે જ ટીમને તેના પર ઘણો વિશ્વાસ છે અને કેપ્ટન મયંક પણ તેનાથી અલગ નથી. નવા કેપ્ટનનું માનવું છે કે પંજાબ કિંગ્સ પાસે પહેલીવાર IPL ટાઇટલ જીતવા માટે મજબૂત અને સક્ષમ ટીમ છે.
છેલ્લી 14 સિઝનમાં ઘણી વખત મહાન ખેલાડીઓની હાજરી હોવા છતાં પંજાબ કિંગ્સની ટીમ એક વખત પણ ટાઈટલ જીતવામાં સફળ રહી નથી. આ ટીમ પણ માત્ર એક જ વાર ફાઇનલમાં પહોંચી છે, જ્યારે છેલ્લા કેટલાક વર્ષોમાં તે પ્લેઓફમાં પણ પહોંચી શકી નથી. આવી સ્થિતિમાં નવા કેપ્ટન, નવા ખેલાડીઓ અને નવી આશાઓ સાથે પંજાબ કિંગ્સ વધુ શક્તિશાળી રીતે ટૂર્નામેન્ટમાં ઉતરવા જઈ રહી છે.
દબાણમાં સારું રમો, ટાઇટલ જીતવામાં સક્ષમ
મયંક અગ્રવાલ IPLમાં પ્રથમ વખત કોઈ ટીમનું સુકાન સંભાળશે અને તેની પાસે પહેલી જ સિઝનમાં ખરેખર સારી ટીમ છે. આ સાથે મયંક પણ ઉત્સાહિત અને આત્મવિશ્વાસથી ભરેલો દેખાય છે. સમાચાર એજન્સી પીટીઆઈએ મયંકને ટાંકીને જણાવ્યું હતું કે, અમારી પાસે ટાઈટલ જીતવા લાયક ટીમ છે. હવે ખેલાડીઓએ દબાણમાં પોતાની ક્ષમતા બતાવવી પડશે. એક ટીમ તરીકે અમે હરાજીમાં સારો દેખાવ કર્યો હતો. અમને ખબર હતી કે ટૂર્નામેન્ટ મુંબઈમાં રમાશે, તેથી તેના આધારે ટીમની પસંદગી કરવામાં આવી. અમે ખુશ છીએ કે અમારી પાસે સંતુલિત ટીમ છે.
ટીમમાં ઘણા લીડર છે, કામ આસાન છે
મયંક ભલે પ્રથમ વખત કેપ્ટનશીપ કરી રહ્યો હોય, પરંતુ તેની પાસે ઓપનર તરીકે ઘણો અનુભવ છે. તેણે છેલ્લી સતત બે સિઝનમાં 400થી વધુ રન બનાવ્યા છે. આવી સ્થિતિમાં, વધેલી ભૂમિકા વિશે જાગૃત રહેવાની સાથે, તે માને છે કે બેટ્સમેન તરીકે તેના માટે કંઈ બદલાયું નથી. મયંકે આ વિશે કહ્યું, જ્યારે હું બેટિંગ કરું છું ત્યારે હું માત્ર બેટ્સમેન છું. અમારી પાસે ઘણા લીડરો અને અનુભવી ખેલાડીઓ છે, જેના કારણે મારું કામ સરળ બન્યું છે. હું બેટ્સમેન તરીકે મારું સર્વશ્રેષ્ઠ પ્રદર્શન કરવા માંગુ છું. બેટિંગ ઓર્ડર વિશે અત્યારે કંઈ કહી શકું નહીં પરંતુ શિખર ધવન ટીમ સાથે જોડાવાને લઈને હું ખૂબ જ ઉત્સાહિત છું.
હરાજીમાં પંજાબનું જબરદસ્ત પ્રદર્શન
પંજાબ કિંગ્સે ગયા મહિને યોજાયેલી હરાજીમાં શિખર ધવનના રૂપમાં એક મહાન અને અનુભવી ઓપનરને ખરીદ્યો હતો. દરમિયાન લિયામ લિવિંગસ્ટન, જોની બેરસ્ટો, શાહરૂખ ખાન, ઓડિન સ્મિથ જેવા કેટલાક ખૂબ જ વિસ્ફોટક બેટ્સમેનોને ખરીદ્યા. ટીમમાં દક્ષિણ આફ્રિકાના અનુભવી ઝડપી બોલર કાગિસો રબાડાને પણ સામેલ કરવામાં આવ્યો છે, જ્યારે યુવા ભારતીય લેગ-સ્પિનર રાહુલ ચહર પણ પંજાબ તરફથી રમશે.
આ પણ વાંચોઃ Dhoni પ્રત્યેના અણગમાને લઇ ગૌતમ ગંભીરે કહ્યુ, હું હંમેશા ધોની સાથે છુ, અફવાભરી વાતો બકવાસ!
આ પણ વાંચોઃ Asia Cup 2022 નુ શ્રીલંકામાં ઓગષ્ટ અને સપ્ટેમ્બરમાં કરાશે આયોજન, T20 વિશ્વકપ પહેલા ટકરાશે ભારત-પાકિસ્તાન
Latest News Updates
