IPL 2022: કેન વિલિયસમે હાર સાથે સહવી પડી સજા, હૈદરાબાદની ટીમને રાજસ્થાન રોયલ્સ સામે આ ભૂલ પડી ભારે

રાજસ્થાન રોયલ્સ ટીમ સામે સનરાઈઝર્સ હૈદરાબાદે (SRH) મોટા માર્જિન થી હાર સહવી પડી હતી, ત્યાં ઉપરથી ટીમના કેપ્ટન વિલિયમસ (Kane Williamson) ને વધુ એક ફટકો સહવો પડ્યો છે.

Kane Williamson એ ટોસ જીતીને રનચેઝની રણનીતિ અપનાવી હતી

TV9 Gujarati | Edited By: Avnish Goswami | Updated on: Mar 30, 2022 | 9:22 AM

મંગળવારે IPL 2022 માં સનરાઈઝર્સ હૈદરાબાદ (Sunrisers Hyderaba) ની ટક્કર રાજસ્થાન રોયલ્સ (Rajasthan Royals) સામે થઈ હતી. આ મેચને હૈદરાબાદે મોટા અંતરથી હારવીને શરમ સહવી પડી હતી. વાત જોકે આટલેથી પૂર્ણ થઈ નહોતી, કારણ કે હૈદરાબાદની ટીમને મેચના અંત સાથે જ વધુ એક મોટો ફટકો પણ સહન કરવાનો હતો. કેપ્ટન કેન વિલિયમસન (Kane Williamson) ને મેચના અંતે 12 લાખ રુપિયાનો દંડ ફટકારાયો હતો. આ પ્રકારના દંડ આ પહેલા મુંબઈ ઈન્ડિયન્સ ટીમના કેપ્ટન રોહિત શર્માને પણ ફટકારાયો હતો. હવે વારો વિલિયમસનનો આવ્યો હતો. જેણે પણ હાર સાથે આ બેવડો માર રોહિતની માફક સહન કરવો પડ્યો છે.

IPL દ્વારા જારી કરવામાં આવેલા નિવેદનમાં કહેવામાં આવ્યું છે કે સનરાઈઝર્સ હૈદરાબાદના કેપ્ટન કેન વિલિયમસન માટે ધીમી ઓવર રેટનો આ પહેલો મામલો છે, તેથી 12 લાખ રૂપિયાનો દંડ ફટકારવામાં આવ્યો છે. તમને જણાવી દઈએ કે, જો ભૂલનું પુનરાવર્તન થાય તો બમણા દંડ અને પ્રતિબંધ જેવી જોગવાઈઓ છે.

રાજસ્થાને 210 રનનો સ્કોર નોંધાવ્યો હતો

IPL 2022 ની પિચ પર, રાજસ્થાન રોયલ્સ અને સનરાઇઝર્સ હૈદરાબાદની ટીમ તેમની પ્રથમ મેચ રમવા માટે સામસામે આવી હતી. મેચમાં રાજસ્થાન રોયલ્સે પ્રથમ બેટિંગ કરી હતી. કેપ્ટન સંજુ સેમસને તોફાની ઇનિંગ રમતા 27 બોલમાં 55 રન બનાવ્યા હતા. તેના સિવાય દેવદત્ત પડિકલે 29 બોલમાં 41 રન અને શિમરોન હેટમાયરે 13 બોલમાં 32 રન ફટકાર્યા હતા. પરિણામ એ આવ્યું કે રાજસ્થાન રોયલ્સે 20 ઓવરમાં 6 વિકેટે 210 રન બનાવ્યા.

સનરાઇઝર્સ હૈદરાબાદે 61 રને હાર સહન કરી

હવે સનરાઇઝર્સ હૈદરાબાદને 211 રનનો ટાર્ગેટ હતો. આઈપીએલના ઈતિહાસમાં આ પહેલા ક્યારેય સનરાઈઝર્સે 200 પ્લસના ટાર્ગેટનો પીછો કર્યો ન હતો કે 200 પ્લસના ટાર્ગેટનો બચાવ કરતી વખતે રાજસ્થાન ક્યારેય હાર્યું ન હતું. આ મેચમાં પણ કોઈ ચમત્કાર થયો નથી. રાજસ્થાન ફરી એકવાર 200 પ્લસના લક્ષ્યને બચાવવામાં સફળ રહ્યું. તેણે સનરાઇઝર્સને માત્ર 149 રન સુધી રોકી દીધી અને મેચ 61 રને જીતી લીધી હતી.

રાજસ્થાન રોયલ્સ તરફથી યુઝવેન્દ્ર ચહલ સૌથી સફળ બોલર રહ્યો હતો, જેણે 4 ઓવરમાં 22 રન આપીને 3 વિકેટ લીધી હતી. આ દરમિયાન તેણે ટી20 ક્રિકેટમાં પોતાની 250 વિકેટ પણ પૂરી કરી હતી. ચહલ સિવાય ટ્રેન્ટ બોલ્ટ અને પ્રખ્યાત કૃષ્ણાએ 2-2 વિકેટ પોતાના નામે કરી હતી.