GT vs CSK IPL Match Result: ડેવિડ મિલરની શાનદાર ઇનિંગે ચેન્નાઈની જીત છીનવી લીધી, ગુજરાતે 3 વિકેટે હરાવ્યું

IPL 15 માં ચેન્નાઈ સુપર કિંગ્સ (Chennai Super Kings) નો સામનો ગુજરાત ટાઇટન્સ (Gujarat Titans) સામે થયો હતો. ચેન્નાઈને આ મેચમાં ફરી એકવાર હારનો સામનો કરવો પડ્યો હતો. 170 રનના સ્કોરનો પીછો કરવા ઉતરેલી ગુજરાતની ટીમે 7 વિકેટ ગુમાવીને આ લક્ષ્યાંક હાંસલ કરી લીધો હતો. આ મેચમાં ટીમની જીતના હીરો ડેવિડ મિલર (David Miller) અને રાશિદ ખાન (Rashid Khan) રહ્યા હતા. મિલરે 51 બોલમાં 94 રનની ઇનિંગ રમી હતી. જ્યારે રાશિદ ખાને 40 રન બનાવ્યા હતા. ગુજરાતની આ સિઝનમાં પાંચમી જીત છે અને તે પોઈન્ટ ટેબલમાં ટોપ પર પોતાનું સ્થાન મજબુત કર્યું હતું.

ડેવિડ મિલર અને રાશિદ ખાને જીત અપાવી

170 રનના સ્કોરનો પીછો કરવા ઉતરેલી ગુજરાતની ટીમની શરૂઆત ખૂબ જ ખરાબ રહી હતી. ટીમનો ઓપનર ગિલ ખાતું ખોલાવ્યા વિના જ આઉટ થઈ ગયો હતો. તેના આઉટ થયા બાદ વિજય શંકર પણ શૂન્ય પર આઉટ થયો હતો. તે પછી અભિનવ મનોહર પણ વધારે કરી શક્યો ન હતો અને 12 રન બનાવીને આઉટ થયો હતો.

Web Stories View more

અદાણી લાંચ કેસમાં માત્ર કાકા-ભત્રીજા જ નહીં, આ 7 લોકો પણ ફસાયા

'કાચા બદામ ગર્લ' અંજલિ અરોરા માટે દિવાળી હતી પીડાદાયક, ખુદ જણાવી ઘટના

IPL Mega Auction : આ ટીમ રૂપિયા ખર્ચવામાં નંબર-1

IPL 2025 Auction : જાણો ક્યાં મફતમાં ઓક્શન લાઈવ જોઈ શકાશે

કાજોલે આ કારણથી શાહરૂખ ખાનની ફિલ્મ કરી હતી રિજેક્ટ, બાદમાં એશ્વર્યાને મળ્યો રોલ

સૌથી સસ્તી Tata Car ની કાર કેટલાની આવે ? જાણો તેની કિંમત

તેના આઉટ થયા બાદ મિલરે સાહા સાથે મળીને સ્કોર વધાર્યો હતો. પરંતુ સાહા પણ 11 રન બનાવીને આઉટ થયો હતો. 48 રનમાં 4 વિકેટ ગુમાવ્યા બાદ રાહુલ તેવટિયા અને મિલરે ટીમના સ્કોરને આગળ ધપાવ્યો હતો. બંનેએ 39 રનની ભાગીદારી કરી હતી. આ દરમિયાન મિલર સતત હુમલો કરી રહ્યો હતો. જો કે રાહુલ પણ મોટી ઇનિંગ રમી શક્યો ન હતો અને 6 રન બનાવીને આઉટ થયો હતો. આ દરમિયાન મિલરે પોતાની અડધી સદી પણ પૂરી કરી હતી.

આ પછી મિલર અને રાશિદે અડધી સદીની ભાગીદારી કરીને ગુજરાતને મેચમાં પરત લાવ્યું હતું. રાશિદે માત્ર 21 બોલમાં 40 રન બનાવ્યા હતા. તેના આઉટ થયા પછી, મિલરે ઇનિંગ્સને બરાબર લંબાવી અને એકલા હાથે ટીમને વિજય અપાવ્યો. મિલર 51 બોલમાં 94 રન બનાવીને અણનમ રહ્યો હતો. પોતાની ઇનિંગ દરમિયાન તેણે 8 ફોર અને 6 સિક્સર ફટકારી હતી.

What a knock this by @DavidMillerSA12. Takes his team home as @gujarat_titans win by 3 wickets.

Scorecard – https://t.co/53tJkfVxUY #GTvCSK #TATAIPL pic.twitter.com/FLghysrL4G

— IndianPremierLeague (@IPL) April 17, 2022

રુતુરાજ ગાયકવાડે પોતાનું ફોર્મ પરત મેળવ્યું

આ પહેલા ગુજરાતે ટોસ જીતીને ચેન્નાઈને પ્રથમ બેટિંગ માટે આમંત્રણ આપ્યું હતું. ત્યારબાદ ઓપનર રુતુરાજ ગાયકવાડની અડધી સદી અને અંબાતી રાયડુ સાથેની તેની અડધી સદીની ભાગીદારીથી ચેન્નાઈ સુપર કિંગ્સે ગુજરાત ટાઇટન્સ સામે 5 વિકેટે 169 રન બનાવ્યા હતા. ગાયકવાડે 48 બોલમાં 5 છગ્ગા અને ચોગ્ગાની મદદથી 73 રન બનાવ્યા હતા.

આ સિવાય તેણે રાયડુ (46) સાથે ત્રીજી વિકેટ માટે 92 રનની ભાગીદારી કરી હતી. આ સાથે જ સુકાની રવિન્દ્ર જાડેજાએ અંતે 12 બોલમાં બે છગ્ગા સાથે અણનમ 22 રન ફટકારીને ટીમને પડકારજનક સ્કોર સુધી પહોંચાડી હતી. ગુજરાત માટે ડેબ્યુ કરતા અલઝારી જોસેફે 34 રનમાં બે વિકેટ લીધી હતી જ્યારે અનુભવી મોહમ્મદ શમીએ ચાર ઓવરમાં માત્ર 20 રન આપીને એક વિકેટ લીધી હતી.

આ પણ વાંચો : IPL 2022 : બેબી એબીનો મોટો ખુલાસો, ડી વિલિયર્સ નહીં પણ આ ભારતીય ખેલાડીને પોતાનો રોલ મોડલ માને છે

આ પણ વાંચો : IPL 2022: કોહલીએ એક સમયે ટીમમાંથી કર્યો હતો બહાર, હવે આ બેટ્સમેન તેની જ ટીમ તરફથી બનાવી રહ્યો છે 197ની એવરેજથી રન