IPL 2021: ચેમ્પિયન ચેન્નાઇ જ નહી કોલકાતાને પણ આટલા કરોડનુ ઇનામ મળ્યુ, પ્રદર્શનના બદલામાં ખેલાડીઓને મળ્યા રોકડ ઇનામ

ચેન્નાઇ સુપર કિંગ્સ (CSK) IPL માં ચોથી વાર ચેમ્પિયન બન્યુ છે. ચેમ્પિયન બનતા BCCI એ રોકડ પુરસ્કાર આપીને નવાજ્યુ છે. પરંતુ શાનદાર પ્રદર્શન કરનાર ખેલાડીઓ અને હારનાર કોલકાતા (KKR) ને પણ રોકડ રકમના પુરસ્કાર એનાયત કરાયા છે.

Jay Shah-Sourav Ganguly-MS Dhoni

TV9 Gujarati | Edited By: Avnish Goswami | Updated on: Oct 16, 2021 | 7:00 PM

IPL 2021 ને ચેન્નાઇ સુપર કિંગ્સે (Chennai Super Kings) જીતી લીધી છે. ચેન્નાઇ અને ધોની (Dhoni) ના ફેન્સ હજુ પણ તેની ઉજવણીમાં ડૂબેલા છે. ચેન્નાઇએ કોલકાતા નાઇટ રાઇડર્સ (KKR) ને 27 રન થી હરાવીને ફાઇનલ મેચમા વિજેતા બન્યુ હતુ. ચેન્નાઇ આઇપીએલ ટાઇટલને ચોથી વાર જીતવામાં સફળ રહ્યુ હતુ. આ સાથે જ તેની પર BCCI એ પૈસાનો વરસાદ વરસાવી દીધો છે. ફાઇનલમાં પહોંચીને હારી જનાર કોલકાતાને પણ રોકડ રકમ થી નવાજવમાં આવ્યુ હતુ.

એમએસ ધોનીના હાથમાં ચોથી વાર આઇપીએલની ટ્રોફી જોવા મળી હતી. સિઝનની શરુઆત થી જ ચેન્નાઇની ટીમ દમદાર દેખાવ સાથે નજર આવી રહી હતી. પોઇન્ટ ટેબસમાં સતત ટોપ પર ચેન્નાઇ સુપર કિંગ્સનુ નામ જોવા મળી રહ્યુ હતુ. જે સીલસીલો ફાઇનલ મેચ સુધી જળવાઇ રહ્યો હતો. ચેન્નાઇ સુપર કિંગ્સને આઇપીએલની ટ્રોફી સાથે 20 કરોડ રુપિયાનુ રોકડ ઇનામ મળ્યુ છે. બીસીસીઆઇ એ ચેન્નાઇ ને ઇનામી રકમ થી છલકાવી દીધુ છે. જ્યારે રનર્સ અપ ટીમ કોલકાતાને 12.5 કરોડ રુપિયાનુ ઇનામ અપાયુ હતુ.

જોકે સવાલ એ પણ છે કે, તો રનર્સ અપ અને ખેલાડીઓને બીસીસીઆઇ કેવી રીતે પ્રોત્સાહન આપતુ હશે. ચોક્કસ, બીસીસીઆઇ દ્રારા દરેક વખતે ફાઇનલમાં જીતનાર અને હારનાર બંને ટીમો તેમજ શ્રેષ્ઠ દેખાવ કરનારા ખેલાડીઓને રોકડ પુરસ્કાર થી સન્માનીત કરે છે. આ વર્ષે પણ બીસીસીઆઇએ રોકડ ઇનામોની ધન વર્ષા કરી દીધી છે.

Web Stories View more