આઈપીએલ 2024માં 2 ટીમો એવી છે. જે પોતાની એક મેચ પણ હારી નથી. તો 3 ટીમ એવી પણ છે જેમણે અત્યારસુધી ખાતું પણ ખોલ્યું નથી. આઈપીએલમાં 9 મેચ બાદદ પોઈન્ટ ટેબલ ખુબ રસપ્રદ થઈ રહ્યું છે. ટીમો વચ્ચે એક બીજાથી આગળ નીકળવાની રેસ જોવા મળી રહી છે. તો ચાલો આજે આપણે પોઈન્ટ ટેબલ જોઈએ.
ઈન્ડિયન પ્રીમિયર લીગમાં આપણે પોઈન્ટ ટેબલ જોઈએ તો ઋતુરાજ ગાયકવાડની કેપ્ટનશીપવાળી સીએસકે નંબર વન પર છે. ટીમ 2 મેચ રમી છે અને બંન્ને મેચમાં જીત મેળવી છે. ત્યારબાદ બીજા નંબર રાજસ્થાન રોયલ્સની ટીમ છે, સંજુ સેમસનની કેપ્ટનશીપ વાળી આ ટીમે અત્યારસુધી 2 મેચ રમી છે. બંન્ને પોતાને નામ કરી છે. સીએસ કે અને આરઆરના અંક તો બરાબર છે પરંતુ નેટ રન રેટમાં ફર્ક છે. સીએસકેનો નેટ રન રેટ 1.979નો છે. તો આરઆરનો નેટ રન રેટ0.800નો છે.
સનરાઈઝર્સ હૈદરાબાદ, કોલકત્તા નાઈટરાઈડર્સ, પંજાબ કિંગ્સ, આરસીબી અને ગુજરાતની ટીમના 2-2 અંક છે. નેટ રન રેટના આધાર પર રેકિંગનો નિર્ણય થયો છે. આ તમામ ટીમ 2 અંકમાં સૌથી આગળ કેકેઆર છે કારણ કે, તેમણે એક જ મેચમાં 2 અંક મેળવ્યા છે. બાકી ટીમોએ 2-2 મેચમાં 2 અંક મેળવ્યા છે. આજે આરસીબી અને કેકેઆર વચ્ચે મેચમાં જે પણ ટીમ જીતશે તે સીધી નંબર 3 પણ જશે કારણ કે, તેના 4 અંક થઈ જશે.
દિલ્હી કેપિટલ્સ, મુંબઈ ઈન્ડિયન્સ અને લખનૌ આ 3 ટીમ એવી છે, જેમનું હજુ સુધી ખાતું ખોલ્યું નથી, દિલ્હી અને મુંબઈએ 2-2 અને લખનૌ એક મેચ રમી છે. પરંતુ હજુ સુધી પોતાની પહેલી જીત માટે રાહ જોઈ રહી છે.
આ પણ વાંચો : IPL 2024 : 9 મેચ જે ટીમના ઘરઆંગણે રમાય તે ટીમ જીતી છે, તમે જ જોઈ લો આંકડાઓનું લિસ્ટ