IND vs WI: શ્રેયસ અય્યર માટે વેસ્ટ ઈન્ડિઝમાં જોવા મળી ગજબ દિવાનગી, એક મુલાકાત માટે વરસાદમાં યુવતી ઉભી રહી, બાદમાં મળી સ્પેશિયલ ગીફ્ટ
ભારતીય ટીમ (Indian Cricket Team) શુક્રવારથી વેસ્ટ ઈન્ડિઝ સામે વનડે સીરીઝની શરૂઆત કરવા જઈ રહી છે. તે આ પ્રવાસમાં ત્રણ વનડે અને પાંચ ટી 20 રમશે.
વેસ્ટ ઈન્ડિઝને જીતવા પહોંચેલી ટીમ ઈન્ડિયાએ વનડે શ્રેણી માટે પ્રેક્ટિસ શરૂ કરી દીધી છે. જો કે વરસાદના કારણે ટીમના ખેલાડીઓ મેદાન પર જઈ શક્યા ન હતા અને અંદર જ પરસેવો પાડ્યો હતો. અહીં પણ ભારત (Indian Cricket Team) ને પ્રશંસકોનો ઘણો સહયોગ મળવાનો છે. ટીમ ઈન્ડિયા વિશ્વના કોઈપણ ખૂણે વાદળી જર્સી પહેરીને અને હાથમાં ત્રિરંગો લઈને ઉત્સાહ કરતી જોવા મળે છે. ટીમ ઈન્ડિયાના ફેન્સના ક્રેઝની કોઈ સીમા નથી. આવું જ કંઈક ત્રિનિદાદમાં થયું જ્યાં એક ચાહકે શ્રેયસ અય્યર (Shreyas Iyer) ને મળવા માટે લાંબા સમય સુધી રાહ જોઈ.
ફેન્સે શ્રેયસ અય્યરને મળવા માટે લાંબી રાહ જોઈ
મીડિયા રિપોર્ટ્સ મુજબ સમાચાર મુજબ ટીમ ઈન્ડિયા વરસાદ વચ્ચે બ્રાયન લારા સ્ટેડિયમમાં ઈન્ડોર પ્રેક્ટિસ કરી રહી હતી. તે જ સમયે, શ્રેયસ અય્યરની મોટી ફેન બહાર વરસાદમાં તેની રાહ જોઈ રહી હતી. તેની બે કલાકની લાંબી રાહ જોયા બાદ શ્રેયસ ઐયરને મળવાનો મોકો મળ્યો. તેણે બેટ પર પોતાનો ઓટોગ્રાફ લીધો. અય્યરને મળેલ આ ફેન રોહિત શર્મા અને કેએલ રાહુલને પણ મળવા માંગતી હતી પરંતુ તે વેસ્ટ ઈન્ડિઝના પ્રવાસ પર આવ્યા નથી. પોતાના ફેવરિટ ક્રિકેટરને મળવાથી ફેન્સની ખુશીનો કોઈ પાર રહ્યો નથી.
ટીમ ઈન્ડિયાએ વરસાદ વચ્ચે ઈન્ડોર પ્રેક્ટિસ કરી હતી
ODI શ્રેણીમાં ટીમના કેપ્ટન શિખર ધવનના નેતૃત્વમાં ભારતીય બોલરો અને બેટ્સમેનોએ ઘરની અંદર જોરદાર પ્રેક્ટિસ કરી હતી. બીસીસીઆઈએ પ્રેક્ટિસનો વીડિયો શેર કર્યો છે જેમાં ખેલાડીઓ પ્રેક્ટિસ કરતા જોવા મળ્યા હતા, જ્યારે યુવા બેટ્સમેન શુભમન ગીલે સેશનની અપડેટ આપી હતી. તેણે કહ્યું, અમે ઈંગ્લેન્ડથી આવ્યા છીએ, આ કારણે અમે આઉટડોર એક્સરસાઇઝ કરવા માંગતા હતા પરંતુ વરસાદ શરૂ થયો. આવી સ્થિતિમાં, પ્રેક્ટિસ ન કરવા કરતાં ઇન્ડોર પ્રેક્ટિસ કરવી વધુ સારી હતી.’
ગિલે આગળ પણ કહ્યું, પ્રેક્ટિસ સારી હતી અને અમે અન્ડરઆર્મ બોલ રમવા જેવી કેટલીક બાબતો પર કામ કર્યું. અમે આ ત્રણ વનડેને લઈને ખૂબ જ ઉત્સાહિત છીએ અને આશા રાખીએ છીએ કે તે સારી શ્રેણી હશે. ધવન અને કેટલાક બેટ્સમેનોએ નેટ્સમાં પ્રેક્ટિસ કરી હતી જ્યારે અર્શદીપ સિંહે બોલિંગ કરી હતી.
