Breaking News: અંડર-19 વર્લ્ડ કપ 2026 માટે ભારતીય ટીમની જાહેરાત, વૈભવ સૂર્યવંશી સહિત આ ખેલાડીઓને મળ્યું સ્થાન

ઝિમ્બાબ્વે અને નામિબિયા દ્વારા સંયુક્ત રીતે યોજાનાર ICC અંડર-19 વર્લ્ડ કપ 15 જાન્યુઆરીથી શરૂ થઈ રહ્યો છે. બીસીસીઆઈએ આ મેગા ટુર્નામેન્ટ માટે ભારતીય અંડર-19 ટીમની જાહેરાત કરી છે, જેમાં આયુષ મ્હાત્રે કેપ્ટન તરીકે જોવા મળશે. ખાસ વાત એ છે કે, વૈભવ સૂર્યવંશીનો પણ ટીમમાં સમાવેશ કરવામાં આવ્યો છે. વિહાન મલ્હોત્રા વાઈસ-કેપ્ટન તરીકે સેવા આપશે.

ICC અંડર-19 વર્લ્ડ કપ માટે ટીમ ઈન્ડિયાની ટીમ

આયુષ મ્હાત્રે (કેપ્ટન), વિહાન મલ્હોત્રા (વાઈસ-કેપ્ટન), વૈભવ સૂર્યવંશી, એરોન જ્યોર્જ, વેદાંત ત્રિવેદી, અભિજ્ઞાન કુંડુ, હરવંશ સિંહ, આરએસ એમ્બ્રીસ, કનિષ્ક ચૌહાણ, ખિલાન પટેલ, મોહમ્મદ અનન, હેનીલ પટેલ, ડી. દીપેશ, કિશન કુમાર સિંહ, ઉદ્ધવ મોહન.

ભારતીય અંડર-19 ટીમને આગામી ICC અંડર-19 વર્લ્ડ કપના ગ્રુપ A માં યુએસએ, બાંગ્લાદેશ અને ન્યુઝીલેન્ડ સાથે મૂકવામાં આવી છે. ટીમ 15 જાન્યુઆરીએ યુએસએ સામે પોતાની પહેલી મેચ રમશે, જ્યારે બીજી મેચમાં ટીમ ઈન્ડિયા 17 જાન્યુઆરીએ બાંગ્લાદેશ સામે ટકરાશે.

ત્યારબાદ ભારતીય અંડર-19 ટીમ 24 જાન્યુઆરીએ ન્યુઝીલેન્ડ સામે ફાઇનલ ગ્રુપ સ્ટેજ મેચ રમશે. ટીમ ઈન્ડિયા તેની બધી ગ્રુપ સ્ટેજ મેચ ઝિમ્બાબ્વેના બુલાવાયો સ્ટેડિયમમાં રમશે.

‘આયુષ મ્હાત્રે’ પર જવાબદારી

આ વખતે અંડર 19 વર્લ્ડ કપમાં ટીમ ઈન્ડિયાની કેપ્ટનશીપની જવાબદારી આયુષ મ્હાત્રે સંભાળશે, જે લાંબા સમયથી ઘણા પ્રવાસો પર અંડર 19 ટીમમાં આ જવાબદારી નિભાવતા જોવા મળ્યા છે.

આયુષના નેતૃત્વમાં, ભારતીય અંડર-19 ટીમે અત્યાર સુધી ખૂબ સારું પ્રદર્શન કર્યું છે, જેમાં તાજેતરમાં એશિયા કપ અંડર-19 માં ટીમ ઈન્ડિયા ફાઇનલમાં પહોંચી હતી પરંતુ ટ્રોફી જીતવામાં સફળ રહી ન હતી.

વૈભવ સૂર્યવંશી પર બધાની નજર

વધુમાં બધાની નજર 14 વર્ષીય વૈભવ સૂર્યવંશી પર રહેશે, જે પોતાની કારકિર્દીમાં પહેલીવાર ICC ટુર્નામેન્ટમાં રમશે. ટીમ ઈન્ડિયા 5 વખત ICC અંડર-19 વર્લ્ડ કપ જીતી ચૂકી છે અને છેલ્લી વખત તેઓ ટુર્નામેન્ટની ફાઇનલમાં પહોંચ્યા હતા, જ્યાં ઓસ્ટ્રેલિયા સામે હારનો સામનો કરવો પડ્યો હતો.

Breaking News: કોચ તરીકે ગૌતમની સ્થિતિ ‘ગંભીર’! BCCI એ આ અનુભવી ખેલાડીને કોચિંગ પદ માટે ઓફર કરી, શું હવે કોઈ નવા-જૂની થશે?