IND vs ZIM: હરારેમાં કમાલની બોલીંગ કરાનાર દીપક ચહરે કહ્યુ-જ્યાંથી છોડ્યુ, ત્યાંથી જ શરુ કર્યુ
દીપક ચહરે (Deepak Chahar) ઝિમ્બાબ્વે સામે 3/27 લીધા જેના માટે તેને પ્લેયર ઓફ મેચ જાહેર કરવામાં આવ્યો, ભારતે 10 વિકેટે પ્રથમ વન ડેમાં જીત મેળવી હતી.
ઝિમ્બાબ્વે સામેની પ્રથમ મેચમાં ભારતનો ઝડપી બોલર દીપક ચહર (Deepak Chahar) મેન ઓફ ધ મેચ રહ્યો હતો. લગભગ છ મહિના પછી ટીમમાં પરત ફરેલા ચહરે આ મેચમાં સાત ઓવર નાખી અને ત્રણ વિકેટ લીધી. દીપક આ વર્ષે IPL પણ રમી શક્યો નથી. જો કે હવે તેની વાપસીથી તેની એશિયા કપ (Asia Cup 2022) અને T20 વર્લ્ડ કપમાં રમવાની આશા પણ વધી ગઈ છે. ભારતીય ટીમ (Indian Cricket team) પ્રથમ વન ડે મેચ આસાનીથી જીતી લીધી હતી. ભારતે 10 વિકેટે મેચ જીતીને વન ડે સિરીઝની શરુઆત 1-0 ની સરસાઈ સાથે કરી છે. દીપકે શાનદાર બોલીંગ વડે ઝિમ્બાબ્વેની ટીમને ઘૂંટણી લાવી દીધુ હતુ.
ચાહરે વાપસી માટે ઘણી મહેનત કરી
દીપક ચહરે મેચ બાદ કહ્યું કે છ મહિના પછી તે જ્યાંથી ગયો હતો ત્યાંથી પાછો ફર્યો. ચહર હજુ પણ T20 વર્લ્ડ કપમાં સ્થાન મેળવવાનો દાવેદાર છે. તેણે કહ્યું, હું કહી શકતો નથી કે હું વર્લ્ડ કપ રમીશ. તે મારા હાથમાં નથી પરંતુ મારી રમતની વાત કરીએ તો મેં તેના માટે ઘણી મહેનત કરી છે. મને લાગે છે કે મેં ત્યાંથી જ શરૂઆત કરી હતી અને આજે પણ મેં પ્રથમ બે ઓવરને બાદ કરતાં સારી બોલિંગ કરી હતી. મેં એકસાથે સાત ઓવર ફેંકી જે દર્શાવે છે કે મારું ફિટનેસ લેવલ સારું છે.
ચાહર પાસે પૂરો પ્લાન હતો
ચહરે કહ્યું, મારી યોજના સરળ હતી, જ્યારે બોલ સ્વિંગ થાય છે, ત્યારે સંપૂર્ણ લેન્થ બોલ કરવાનો પ્રયાસ કરો અને વિકેટો મેળવો. જો બોલ સ્વિંગ થતો નથી, તો મારી પાસે પ્લાન B અથવા C છે. આજે જ્યારે હું બોલિંગ કરી રહ્યો હતો ત્યારે બોલ સાત ઓવર સુધી સ્વિંગ થઈ રહ્યો હતો. તેથી ફુલ લેન્થ બોલ કરો અને સ્વિંગ મિક્સ કરીને બેટ્સમેનોને મૂંઝવણમાં મુકો.
ODI શ્રેણી માટે તૈયારી કરી રહ્યો હતો
T20 નિષ્ણાત તરીકે જાણીતા ચહરે કહ્યું કે નેશનલ ક્રિકેટ એકેડમીમાં તેનું પુનર્વસન પૂર્ણ થવાના આરે હતું, તે જાણતો હતો કે તેને ઝિમ્બાબ્વેમાં ODI શ્રેણીમાં પરત ફરવાની તક મળશે અને તેણે 50 ઓવરના ફોર્મેટ માટે તેના શરીરને તૈયાર કર્યું.
આ ફાસ્ટ બોલરે કહ્યું, હું જાણતો હતો કે હું આ શ્રેણીમાં વાપસી કરીશ જે વનડે શ્રેણી છે, તેથી મેં તે મુજબ બોજ મારા શરીર પર નાખવાનું શરૂ કર્યું. જે દિવસે મેં બોલિંગ શરૂ કરી, મેં છ ઓવર નાંખી અને પછી જ્યારે હું બે-ત્રણ વોર્મ-અપ મેચો રમ્યો ત્યારે મેં આખી 10 ઓવર ફેંકી.