IND vs WI: યશસ્વી જયસ્વાલ અને શુભમન ગિલની વધશે મુશ્કેલી, રાહુલ દ્રવિડે કેમ આપી ‘ચેતવણી’?
ભારતીય ક્રિકેટ ટીમના કોચ રાહુલ દ્રવિડે ટીમ ઈન્ડિયાના યુવા સ્ટાર ખેલાડીઓ યશસ્વી જયસ્વાલ અને શુભમન ગિલને ચેતવણી આપી છે અને આગામી સમયમાં નવા પડકારો માટે તૈયાર રહેવા જણાવ્યું છે.
રાહુલ દ્રવિડ (Rahul Dravid) નું કહેવું છે કે યશસ્વી જયસ્વાલ (Yashasvi Jaiswal) અને શુભમન ગિલ (Shubman Gill) સતત સારું પ્રદર્શન કરી રહ્યા છે. જેથી હવે વિરોધી ટીમની નજર તેમના પર છે અને બંનેની વિરુદ્ધમાં વ્યૂહરચના બનાવવાનું શરૂ કરશે એવામાં બંનેએ તૈયાર રહેવું પડશે.
યશસ્વી-શુભમન ટીમ ઈન્ડિયાના નવા સ્ટાર
યશસ્વી જયસ્વાલે આંતરરાષ્ટ્રીય ક્રિકેટમાં ડ્રીમ ડેબ્યુ કર્યું હતું. તેણે વેસ્ટ ઈન્ડિઝ સામેની છેલ્લી ટેસ્ટ મેચમાં સદી ફટકારી હતી. ડેબ્યૂ ટેસ્ટમાં સદી ફટકારનાર તે 17મો ભારતીય બેટ્સમેન બન્યો છે. તેણે ડોમિનિકા ટેસ્ટમાં રોહિત શર્મા સાથે ઓપનિંગ કર્યું હતું. જેના કારણે શુભમન ગિલ 3 નંબર પર બેટિંગ કરવા ઉતર્યો હતો. જો કે તે 3 નંબર પર ચાલી શકતો ન હતો, પરંતુ ટીમને ગિલ પર પૂરો વિશ્વાસ છે. તે પણ જોરદાર ફોર્મમાં ચાલી રહ્યો છે. તેના બેટમાંથી સતત રન નીકળી રહ્યા છે.
Yashasvi Jaiswal has given his confidence credit to the head coach Rahul Dravid.#RahulDravid #YashasviJaiswal #TestCricket #News #Sports #TestCricket #WIvsIND #INDvsWI #cricketer pic.twitter.com/KhoNh1MoWM
— CricInformer (@CricInformer) July 15, 2023
કોચ રાહુલ દ્રવિડે ચેતવણી આપી
જયસ્વાલ અને ગિલ બંનેને ટીમ ઈન્ડિયાના ભાવિ સુપરસ્ટાર માનવામાં આવી રહ્યા છે, પરંતુ આવનારો સમય આ બંને માટે સરળ નથી. તેમના માટે મુશ્કેલી વધવાની છે. આ વાત ખુદ કોચ રાહુલ દ્રવિડે જણાવી હતી. તેણે બંનેને ચેતવણી પણ આપી. વાસ્તવમાં ટીમ ઈન્ડિયા એક દાયકા બાદ પરિવર્તનના તબક્કામાં છે. દ્રવિડ ટીમનો કોચ છે. ચેતેશ્વર પૂજારાએ એક સમયે ટીમ ઈન્ડિયામાં પોતાનું સ્થાન મજબૂત બનાવ્યું હતું અને હવે ગિલે પૂજારાની જગ્યા લઈ લીધી છે.
સ્થાનિક ક્રિકેટ સિસ્ટમની કરી પ્રશંસા
જયસ્વાલના રૂપમાં પણ ટીમને એક શાનદાર ઓપનર મળ્યો છે. કેપ્ટન રોહિત શર્મા કહે છે કે તે લાંબા સમય સુધી સારું પ્રદર્શન કરી શકશે. ભારતીય કોચ દ્રવિડે પ્રેસ કોન્ફરન્સમાં કહ્યું હતું કે તે સ્થાનિક ક્રિકેટની સિસ્ટમની ગુણવત્તા છે કે યુવા ખેલાડીઓ ત્યાંથી આવી રહ્યા છે અને સીધા ટેસ્ટ ક્રિકેટમાં ટીમમાં સ્થાન મેળવી સારું પ્રદર્શન કરી રહ્યા છે. ટીમના વાતાવરણમાં યુવા ખેલાડીઓ બેલેન્સ અનુભવી રહ્યા છે. કોચે કહ્યું કે જયસ્વાલ અને ગિલ જેવા ખેલાડીઓ માટે આવનારો સમય પડકારોથી ભરેલો છે.
Preps ✅#TeamIndia READY for the 2️⃣nd Test in Trinidad👍#WIvIND pic.twitter.com/tlC8GcCcav
— BCCI (@BCCI) July 20, 2023
આ પણ વાંચો : IND vs IRL: સંજુ સેમસનને લઈ મોટા સમાચાર, આયર્લેન્ડમાં ઈશાન કિશનનું લેશે સ્થાન
જયસ્વાલ અને ગિલ તૈયાર રહો!
દ્રવિડે વધુમાં કહ્યું કે આજના સમયમાં જ્યારે યુવા ખેલાડીઓ સારું પ્રદર્શન કરે છે ત્યારે લોકો તેમને જાણવા લાગે છે. વિરોધી ટીમ તેમના માટે વ્યૂહરચના બનાવવાનું શરૂ કરે છે. ખેલાડીઓએ આ માટે તૈયાર રહેવું પડશે. દ્રવિડે કહ્યું કે તે જોવા માંગે છે કે જ્યારે વિરોધી ટીમો તેમની સામે રણનીતિ લઈને આવશે ત્યારે યશસ્વી જયસ્વાલ કેવો પ્રતિભાવ આપશે.
