IND vs SL: મોહાલીનું મેદાન ભારત-શ્રીલંકા માટે મિશન બન્યુ છે, જીત મેળવવા આ પ્રકારની Playing XI પસંદ કરી

IND vs SL: મોહાલીનું મેદાન ભારત-શ્રીલંકા માટે મિશન બન્યુ છે, જીત મેળવવા આ પ્રકારની Playing XI પસંદ કરી
India vs Sri Lanka Playing XI

મોહાલી (Mohali Test) માં રમાઇ રહેલી સિરીઝની પ્રથમ ટેસ્ટ મેચનો ટોસ થઈ ચૂક્યો છે. સિક્કા વડે નસીબ અજમાવ્યા બાદ બંને ટીમોએ પોતાની પ્લેઈંગ ઈલેવન કાર્ડ પણ ખોલી દીધા છે.

TV9 GUJARATI

| Edited By: Avnish Goswami

Mar 04, 2022 | 9:38 AM

ભારત અને શ્રીલંકા (India vs Sri Lanka) વચ્ચે મોહાલી ટેસ્ટ શરૂ થવાની છે. મેચની ટોસ થઈ ગયો છે. સિક્કા વડે નસીબ અજમાવ્યા બાદ બંને ટીમોએ પોતાની પ્લેઈંગ ઈલેવનના કાર્ડ પણ ખોલી દીધા છે. ભારતે પોતાની ટીમમાં 5 બોલરો પસંદ કર્યા છે, જેમાં 3 સ્પિનરોનો સમાવેશ થાય છે. રોહિત શર્મા (Rohit Sharma) માટે કેપ્ટન તરીકે આ પ્રથમ ટેસ્ટ મેચ હશે. આ સાથે જ શ્રીલંકન ટીમની આ 300મી ટેસ્ટ મેચ છે. વિરાટ કોહલી (Virat Kohli) ની પણ આ 100મી ટેસ્ટ છે. ટોસ જીત્યા બાદ કેપ્ટન રોહિતે તેને વિરાટ માટે ખાસ કસોટી ગણાવી હતી અને કહ્યું હતું કે બહુ ઓછા ખેલાડીઓ 100 ટેસ્ટ રમી શકે છે.

મોહાલી ટેસ્ટમાં ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો. એટલે કે શ્રીલંકાની ટીમ પહેલા બોલિંગ કરશે. ભારત આ મેચમાં 3 સ્પિનરો અને 2 ફાસ્ટ બોલરો સાથે ઉતર્યું છે.

ભારતની પ્લેઈંગ ઈલેવન

મોહાલી ટેસ્ટમાં ભારત 5 બોલર અને 6 બેટ્સમેનોના સંયોજન સાથે મેદાનમાં ઉતર્યું છે.

ઈન્ડિયા પ્લેઈંગ ઈલેવન: રોહિત શર્મા, મયંક અગ્રવાલ, વિરાટ કોહલી, હનુમા વિહારી, શ્રેયસ ઐયર, ઋષભ પંત, રવિન્દ્ર જાડેજા, અશ્વિન, જયંત યાદવ, મોહમ્મદ શમી, જસપ્રિત બુમરાહ

શ્રીલંકાની પ્લેઈંગ ઈલેવન

શ્રીલંકાની પ્લેઈંગ ઈલેવન: દિમુથ કરુણારત્ને, લાહિરુ થિરિમાને, પથુમ નિસાંકા, ચરિત અસલંકા, એન્જેલો મેથ્યુસ, ધનંજય ડી સિલ્વા, નિરોશન ડિકવેલા, સુરંગા લકમલ, વિશ્વા ફર્નાન્ડો, લસિથ એમ્બુલ્ડેનિયા, લાહિરુ કુમારા

ભારત-શ્રીલંકા ટેસ્ટ રેકોર્ડ

શ્રીલંકાએ આજ સુધી ભારતમાં એક પણ ટેસ્ટ મેચ જીતી નથી. આ સમયગાળા દરમિયાન રમાયેલી 20 ટેસ્ટમાં તેને 11માં હારનો સામનો કરવો પડ્યો છે. જ્યારે 9 ટેસ્ટ ડ્રો રહી છે. એકંદરે તેનો રેકોર્ડ પણ ખરાબ છે. બંને દેશો કુલ 44 વખત મળ્યા છે, જેમાં ભારત 20 વખત અને શ્રીલંકા માત્ર 7 વખત જીત્યું છે. આ સાથે જ 17 મેચ ડ્રો રહી છે. મોહાલીમાં ભારતે અત્યાર સુધી રમાયેલી 13 ટેસ્ટમાંથી 7માં જીત મેળવી છે.

જો ભારત અને શ્રીલંકા વચ્ચેની છેલ્લી 10 ટેસ્ટના આંકડા જોઈએ તો ભારત તેમાં 7-1 થી આગળ છે. એટલે કે જો ભારત 7 મેચ જીતે તો શ્રીલંકા માત્ર 1 ટેસ્ટ જ જીતી શકે. તે જ સમયે, બંને ટીમો વચ્ચે 2 ટેસ્ટ ડ્રો રહી છે. રોહિત શર્મા મોહાલી તરફથી ટેસ્ટ કેપ્ટનશિપમાં ડેબ્યૂ કરી રહ્યો છે.

આ પણ વાંચોઃ Women’s World Cup 2022: ભારત પ્રથમ વખત વર્લ્ડ ચેમ્પિયન બનશે? જાણો કઈ ટીમ છે મજબૂત

Follow us on

Most Read Stories

Click on your DTH Provider to Add TV9 Gujarati