IND vs SL 1st T20: શ્રીલંકા સામે સિરીઝની પ્રથમ મેચમાં ભારતની પ્રથમ બેટીંગ, દીપક હુડાનુ ડેબ્યૂ, જુઓ Playing xi

વેસ્ટ ઈન્ડિઝ પર ક્લીન સ્વીપ કર્યા બાદ ભારત (Indian Cricket Team) હવે શ્રીલંકા સામે મેદાનમાં ઉતરી રહ્યું છે. ટીમ ઈન્ડિયા અને શ્રીલંકા (India Vs Sri Lanka) વચ્ચેની ત્રણ મેચની T20 શ્રેણીની શરૂઆત લખનૌના ભારત રત્ન અટલ બિહારી વાજપેયી સ્ટેડિયમમાં પ્રથમ મેચ સાથે થઈ હતી. શ્રીલંકાના કેપ્ટન દાસુન શનાકાએ ટોસ જીતીને પ્રથમ બોલિંગ કરવાનો નિર્ણય લીધો છે. ઓલરાઉન્ડર દીપક હુડ્ડા (Deepak Hooda) આ મેચમાં ટીમ ઈન્ડિયા માટે ટી-20 ડેબ્યૂ કરી રહ્યો છે. હુડ્ડાએ થોડા દિવસ પહેલા જ વેસ્ટ ઈન્ડિઝ સામે વનડેમાં ડેબ્યુ કર્યું હતું. હુડ્ડાએ થોડા દિવસ પહેલા જ વેસ્ટ ઈન્ડિઝ સામે વનડે માં ડેબ્યુ કર્યું હતું. આ સાથે વિકેટકીપર-બેટ્સમેન સંજુ સેમસન પણ લાંબા સમય બાદ પ્લેઈંગ ઈલેવનમાં પરત ફર્યો છે.

ટીમ ઈન્ડિયાએ આજની મેચ માટે પોતાની છેલ્લી પ્લેઈંગ ઈલેવનમાં મોટા ફેરફાર કર્યા છે. 20 ફેબ્રુઆરીએ વેસ્ટ ઈન્ડિઝ સામે રમાયેલી છેલ્લી T20માં રમાયેલી ટીમમાં 6 ફેરફાર કરવામાં આવ્યા છે. આમાં સૌથી ખાસ છે દીપક હુડ્ડાનું ડેબ્યુ અને સંજુ સેમસનનું વાપસી. સેમસને છેલ્લે જુલાઈ 2021માં શ્રીલંકા સામે ટીમ ઈન્ડિયા માટે T20 મેચ રમી હતી. આ બંને સિવાય ફાસ્ટ બોલર જસપ્રિત બુમરાહ પણ લાંબા વિરામ બાદ પરત ફર્યો છે, જ્યારે રવિન્દ્ર જાડેજા પણ ઈજામાંથી સંપૂર્ણ સ્વસ્થ થઈ ગયો છે, તે ફરીથી ટીમ ઈન્ડિયાનો ભાગ બન્યો છે.

ભારતની પ્લેઈંગ ઈલેવન

દીપક હુડ્ડાએ ડેબ્યૂ કર્યું

જમણા હાથનો આક્રમક બેટ્સમેન દીપક હુડ્ડા ટી20માં ડેબ્યૂ કરી રહ્યો છે. હુડ્ડાએ 6 ફેબ્રુઆરીએ વેસ્ટ ઈન્ડિઝ સામે ODI શ્રેણીની પ્રથમ મેચમાં આંતરરાષ્ટ્રીય ક્રિકેટમાં પ્રવેશ કર્યો હતો. તે ટી-20 માં પણ 3 અઠવાડિયાની અંદર વાદળી જર્સી પહેરવા માટે તૈયાર છે. હુડ્ડાએ ગયા વર્ષે સૈયદ મુશ્તાક અલી ટ્રોફી T20 ટૂર્નામેન્ટમાં 76ની એવરેજ અને 168ના સ્ટ્રાઈક રેટથી 6 ઇનિંગ્સમાં 294 રન બનાવ્યા હતા, જે ટૂર્નામેન્ટમાં બીજા ક્રમના સૌથી વધુ રન હતા.

ઋતુરાજ ગાયકવાડને કાંડામાં ઈજા

ટોસ સમયે ભારતીય કેપ્ટન રોહિત શર્માએ જણાવ્યું હતું કે ઓપનર ઋતુરાજ ગાયકવાડ આજની મેચમાં રમવાનો હતો, પરંતુ તેને તેના જમણા હાથના કાંડામાં થોડી અસ્વસ્થતા અનુભવાઈ હતી, જેના કારણે તે બેટિંગ કરવા માટે સહજ અનુભવી રહ્યો ન હતો અને તેણે બહાર બેસવું પડ્યું છે.

IND vs SL: પ્લેઇંગ XI

ભારત: રોહિત શર્મા (કેપ્ટન), ઈશાન કિશન (વિકેટકીપર), શ્રેયસ ઐયર, સંજુ સેમસન, દીપક હુડા, વેંકટેશ ઐયર, રવિન્દ્ર જાડેજા, યુઝવેન્દ્ર ચહલ, હર્ષલ પટેલ, ભુવનેશ્વર કુમાર અને જસપ્રિત બુમરાહ.

શ્રીલંકા: દાસુન શનાકા (કેપ્ટન), પથુમ નિસાંકા, કામિલ મિશારા, ચરિત અસલંકા, જનિત લિયાનગે, દિનેશ ચાંદીમલ (વિકેટકીપર), ચામિકા કરુણારત્ને, દુષ્મંથા ચમીરા, જેફરી વાંડરસે, પ્રવીણ જયાવિક્રમા, લાહિરુ કુમારા

આ પણ વાંચોઃ IND VS SL, 1st T20I: લખનૌમાં આ ભારતીય બેટ્સમેનનુ બેટ ‘હિટ’ રહે છે, અહીં તોફાની T20 શતક નોંધાવી ચુક્યો છે