IND vs ENG : લીડ્સમાં સદી બાદ રિષભ પંતને ‘સ્ટુપિડ’ કહેનાર સુનીલ ગાવસ્કરે કહ્યું – ‘સુપર’
લીડ્સમાં ઈંગ્લેન્ડ સામેની પહેલી ઈનિંગમાં રિષભ પંતે 134 રન બનાવ્યા હતા. આ દરમિયાન જ્યારે પંતે પોતાની સદી પૂર્ણ કરી ત્યારે કોમેન્ટ્રી કરી રહેલા સુનીલ ગાવસ્કરે તેની ખૂબ પ્રશંસા કરી હતી. આ પહેલા ગાવસ્કરે ઓસ્ટ્રેલિયા પ્રવાસ દરમિયાન પણ તેની બેટિંગ પર સવાલ ઉઠાવ્યા હતા.
લીડ્સમાં ઈંગ્લેન્ડ સામે ચાલી રહેલી ટેસ્ટ મેચમાં, ભારતીય વિકેટકીપર બેટ્સમેન રિષભ પંતે ફરી એકવાર શાનદાર સદી ફટકારીને ક્રિકેટ જગતમાં હલચલ મચાવી દીધી. પંતે સદી પૂરી કરતાની સાથે જ કોમેન્ટ્રી બોક્સમાં હાજર ભારતીય ક્રિકેટ દિગ્ગજ સુનીલ ગાવસ્કર પણ તેમની પ્રશંસા કરતા પોતાને રોકી શક્યા નહીં. રિષભ પંતે આ મેચની પહેલી ઈનિંગમાં 146 બોલમાં પોતાની સદી પૂરી કરી, જેમાં 10 ચોગ્ગા અને 4 છગ્ગાનો સમાવેશ થાય છે.
ગાવસ્કરે પંતની પ્રશંસા કરી
આ ઈનિંગમાં રિષભ પંતની બેટિંગ ખૂબ જ શાનદાર હતી. તેણે શરૂઆતમાં પોતાનો સમય લીધો અને પછી મોટા શોટ રમ્યા. લીડ્સમાં પંતે સદી પૂરી કરતાની સાથે જ આખું સ્ટેડિયમ ગુંજી ઉઠ્યું. તે દરમિયાન, કોમેન્ટ્રી બોક્સમાં હાજર ગાવસ્કરે ઉત્સાહપૂર્વક કહ્યું, ‘સુપર, સુપર, સુપર.’ એટલે કે, ‘શાનદાર, શાનદાર, શાનદાર.’ ગાવસ્કરનું આ નિવેદન હવે સોશિયલ મીડિયા પર ખૂબ વાયરલ થઈ રહ્યું છે, કારણ કે ઓસ્ટ્રેલિયા પ્રવાસ પર, ગાવસ્કરે પંતની બેટિંગ પર સવાલ ઉઠાવ્યા હતા અને તેને જોરદાર ઠપકો આપ્યો હતો.
ઓસ્ટ્રેલિયા પ્રવાસ પર ‘સ્ટુપિડ’ કહ્યો હતો
ઓસ્ટ્રેલિયા પ્રવાસ દરમિયાન પંતની બેટિંગ બહુ સારી નહોતી. જ્યારે પંત તે પ્રવાસ પર ખરાબ શોટ રમીને આઉટ થયો, ત્યારે ગાવસ્કરે તેની આકરી ટીકા કરી અને કહ્યું, ‘સ્ટુપિડ, સ્ટુપિડ, સ્ટુપિડ.’ એટલે કે, ‘મૂર્ખ, મૂર્ખ, મૂર્ખ.’ ગાવસ્કરની આ ટિપ્પણી તે સમયે ખૂબ ચર્ચામાં હતી, પરંતુ લીડ્સમાં, પંત ગાવસ્કરનું દિલ જીતવામાં સફળ રહ્યો અને દિગ્ગજ ખેલાડીએ પણ તેની પ્રશંસા કરી.
સોશિયલ મીડિયા પર ચર્ચા
ગાવસ્કર તરફથી આ પ્રશંસા પંત માટે ખૂબ જ સન્માનની વાત છે, કારણ કે તે માત્ર એક મહાન ક્રિકેટર જ નથી પણ ક્રિકેટનો ઊંડો નિષ્ણાત પણ છે. પંતની ઈનિંગ અને ગાવસ્કરની ટિપ્પણીની સોશિયલ મીડિયા પર પણ ખૂબ ચર્ચા થઈ રહી છે. ચાહકો પંતની પ્રશંસા કરી રહ્યા છે અને આ ક્ષણને ભારતીય ક્રિકેટ માટે યાદગાર ક્ષણ ગણાવી રહ્યા છે. તમને જણાવી દઈએ કે, પંતે આ ઈનિંગમાં કુલ 134 રન બનાવ્યા હતા, જેમાં 12 ચોગ્ગા અને 6 છગ્ગાનો સમાવેશ થતો હતો. આ ટેસ્ટમાં તેની સાતમી સદી હતી. જેમાંથી તેણે ઈગ્લેન્ડ સામે 4 સદી ફટકારી છે.
આ પણ વાંચો: IND vs ENG : રિષભ પંતે લીડ્સમાં ‘યોગ દિવસ’ ઉજવ્યો ! સદી બાદ સેલિબ્રેશનના સચિન-સેહવાગ થયા ફેન
