ભારતીય મહિલા (Indian Women Team) ટીમ રવિવારે વર્લ્ડ કપમાં (ICC Women’s World Cup 2022) પોતાના અભિયાનની શરૂઆત કરશે. ભારતની પહેલી મેચ પાકિસ્તાન સામે છે. ગત વર્ષનો વિજેતા કોઈપણ સંજોગોમાં આ વખતે જીતવા માટે ઉતરશે. મિતાલી રાજ (Mithali Raj) ભારતને આ ખિતાબ અપાવીને પોતાની શાનદાર કારકિર્દીનો અંત લાવવા માંગે છે. કોવિડ-19 મહામારીને કારણે એક વર્ષ બાદ આયોજિત આ ટુર્નામેન્ટ બાયો બબલમાં 6 સ્થળોએ રમાશે. ભારત 2005 અને 2017 માં રનર અપ ટીમ રહી હતી.
ભારત હજુ વર્લ્ડ કપ જીતી શક્યું નથી અને ગત વર્લ્ડ કપમાં રનર અપ રહેનાર ભારતીય ટીમ આ વખતે એક ડગલું આગળ વધવા માંગે છે. મિતાલી રાજ અને ઝુલન ગોસ્વામીનો આ છેલ્લો વર્લ્ડ કપ હશે. જેને તેઓ યાદગાર બનાવવા માંગશે. ન્યુઝીલેન્ડ સામેની પ્રથમ ચાર વન-ડે હાર્યા બાદ પાંચમી મેચમાં ભારતનું શાનદાર પુનરાગમન થવાથી ટીમનું મનોબળ વધ્યું હશે.
મિતાલી રાજ અને ઝુલન ગોસ્વામીની ભૂમિકા નિર્ણાયક હશે. પરંતુ ફોર્મમાં રહેલી રિચા ઘોષ, ઓપનર સ્મૃતિ મંધાના અને અનુભવી હરમનપ્રીત કૌરનું સારું પ્રદર્શન ભારત માટે ઘણું મહત્વનું રહેશે. ઓપનર સ્મૃતિ મંધાનાના 67 બોલમાં 66 રનની મદદથી ભારતે મંગળવારે ICC મહિલા વર્લ્ડ કપ પહેલા છેલ્લી પ્રેક્ટિસ મેચમાં વેસ્ટ ઈન્ડિઝને 81 રનથી હરાવ્યું હતું.
ભારત અને પાકિસ્તાનની ટીમ 6 માર્ચ (રવિવાર) ના રોજ સામ સામે ટકરાશે
ભારત અને પાકિસ્તાન વચ્ચે મહિલા વર્લ્ડ કપ 2022 ની મેચ ન્યુઝીલેન્ડના ઓવલ મેંગુઈમાં રમાશે.
આ મેચ ભારતીય સમય પ્રમાણે વહેલી સવારે 6:30 વાગે શરૂ થશે. ટોસ સવારે 6 વાગે થશે.
ભારત અને પાકિસ્તાન વચ્ચેની મેચ સ્ટાર સ્પોર્ટ્સ નેટવર્કની ચેનલમાં અલગ-અલગ ભાષામાં જોઇ શકાશે.
મેચની ઓનલાઇન સ્ટ્રીમિંગ સબ્સક્રિપ્શનની સાથે Disney+ Hotstar માં જોઇ શકાશે. તો તેની સાથે લાઇવ અપડેટ tv9gujarati.com પર પણ જોઈ શકાશે.
આ પણ વાંચો : IND vs SL: રવિન્દ્ર જાડેજાને કેમ ના મળ્યો બેવડી સદી ફટકારવાનો મોકો? જાતે જ કર્યો ખુલાસો
આ પણ વાંચો : IND vs PAK, Women’s World Cup 2022: વર્લ્ડ કપમાં પાકિસ્તાન સામે વિજયી શરૂઆત કરવા માટે ભારત તૈયાર