T20 WC Breaking : પાકિસ્તાન 17 વર્ષથી જેની સામે નથી જીત્યું T20 વર્લ્ડ કપમાં એકપણ મેચ, તેની સામે સુપર 8 માં મુકાબલો

T20 વર્લ્ડ કપ 2026 ના સુપર 8 રાઉન્ડમાં પાકિસ્તાન એક મોટો પડકારનો સામનો કરી રહ્યું છે. સુપર 8 તબક્કામાં પાકિસ્તાનનો પહેલો મુકાબલો વરસાદથી ધોવાઈ ગયો હતો. તેથી, સેમિફાઇનલમાં સ્થાન મેળવવા માટે તેણે બાકીની મેચો જીતવી પડશે. જોકે, પાકિસ્તાન એક મોટા પડકારનો સામનો કરી રહ્યું છે. સુપર 8 રાઉન્ડમાં તેનો સામનો એવી ટીમ સાથે છે જેને તેણે T20 વર્લ્ડ કપમાં ક્યારેય હરાવ્યું નથી.

મેચ જીતવા માટે ઇતિહાસ બદલવો પડશે

પાકિસ્તાનનો મુકાબલો કેન્ડીના પલ્લેકેલે ઇન્ટરનેશનલ સ્ટેડિયમમાં ઇંગ્લેન્ડ સામે છે. આ મેચ પાકિસ્તાન માટે મહત્વપૂર્ણ છે કારણ કે પાકિસ્તાને T20 વર્લ્ડ કપમાં ક્યારેય ઇંગ્લેન્ડને હરાવ્યું નથી. પાકિસ્તાને 2009માં ઇંગ્લેન્ડ સામે પોતાની પહેલી T20 વર્લ્ડ કપ મેચ રમી હતી. જોકે, આ 17 વર્ષોમાં પાકિસ્તાને ઇંગ્લેન્ડ સામે જીતનો સ્વાદ ચાખ્યો નથી. જો પાકિસ્તાન આજે 24 ફેબ્રુઆરીએ આ મેચ જીતી જાય છે, તો તે T20 વર્લ્ડ કપના ઇતિહાસમાં ઇંગ્લેન્ડ સામેનો તેમનો પહેલો વિજય હશે.

More #T20WorldCup intrigue as Pakistan meet England in Kandy

Tournament broadcast details https://t.co/NPykWM7qqY pic.twitter.com/yhHKPvY8Y8

— ICC (@ICC) February 24, 2026

T20 વર્લ્ડ કપમાં પાકિસ્તાન બધી મેચ હાર્યું

બંને ટીમો અત્યાર સુધીમાં T20 વર્લ્ડ કપમાં ત્રણ મેચ રમી ચૂકી છે. દરેક વખતે પાકિસ્તાન હારી ગયું છે. 2009 માં બંને ટીમો ગ્રુપ સ્ટેજમાં ટકરાઈ હતી, જ્યાં ઈંગ્લેન્ડે તેમને 48 રનથી હરાવ્યું હતું. ત્યારબાદ 2010 માં બંને ટીમો સુપર 8 રાઉન્ડમાં એકબીજા સામે ટકરાઈ હતી. આ વખતે પણ પાકિસ્તાન 6 વિકેટથી મેચ હારી ગયું હતું. તેમનો છેલ્લો મુકાબલો 2022 T20 વર્લ્ડ કપ ફાઇનલમાં હતો, જ્યાં ઈંગ્લેન્ડે પાકિસ્તાનને 5 વિકેટથી હરાવીને ટાઇટલ જીત્યું હતું.

ઇંગ્લેન્ડનો હાથ ઉપર

ઓલઓવર T20I રેન્કિંગમાં પણ ઇંગ્લેન્ડનું પ્રભુત્વ રહ્યું છે. બંને ટીમોએ સામ-સામે 31 મેચ રમી છે, જેમાં ઇંગ્લેન્ડે 21 જ્યારે પાકિસ્તાને નવ મેચ જીતી છે અને એક મેચ ડ્રો રહી છે. આ મેચ પાકિસ્તાન માટે માત્ર પોઈન્ટ મેળવવાની તક નથી, પરંતુ માનસિક અને ઐતિહાસિક બોજ ઉતારવાની પણ તક છે. જોકે, ઇંગ્લેન્ડ પણ મજબૂત ફોર્મમાં છે અને સુપર 8 માં એક મેચ જીતી ચૂક્યું છે. તેથી, આ મેચ ખૂબ જ રોમાંચક બનવાની છે.

T20 WC Breaking : કપિલ દેવથી ગૌતમ ગંભીર … આ પાંચ વર્લ્ડ કપ વિજેતા ખેલાડીઓ બન્યા ટીમ ઈન્ડિયાના કોચ