Emerging Asia Cup: ભારત અને પાકિસ્તાન વચ્ચેની મેચ પહેલા જાણો આ 5 મોટી બાબત
જ્યારે પણ ભારત અને પાકિસ્તાનની ટીમો આમને-સામને હોય છે, ત્યારે સમગ્ર વિશ્વની નજર આ મેચ પર હોય છે અને હવે ફરી એકવાર આ એક રસપ્રદ મેચ બનવા જઈ રહી છે. બુધવારે બંને દેશની યુવા ટીમો વચ્ચે ઇમર્જિંગ એશિયા કપમાં ટક્કર થશે.
ભારત અને પાકિસ્તાન (India vs Pakistan) વચ્ચેની મેચની આખી દુનિયા રાહ જોઈ રહી છે. આ એવી મેચ છે જે સૌથી વધુ જોવામાં આવે છે. ફરી એકવાર આ બંને ટીમો આમને-સામને થવા જઈ રહી છે. અત્યારે એશિયામાં ઇમર્જિંગ એશિયા કપ (Emerging Asia Cup) રમાઈ રહ્યો છે, જેમાં બુધવારે ભારત-A પાકિસ્તાન-A સામે ટકરાશે. આ મેચમાં બંને ટીમો પોતાનું સર્વસ્વ આપશે. ભારત અને પાકિસ્તાન બંને કોઈ પણ સંજોગોમાં આ મેચ ગુમાવવા માંગતા નથી.
2019ની હારનો બદલો લેશે ભારત!
ટીમ ઈન્ડિયા આ મેચમાં 2019માં મળેલી હારનો બદલો લેવા ઈચ્છશે. વર્ષ 2019માં રમાયેલા ઇમર્જિંગ એશિયા કપની સેમિફાઇનલમાં ભારત-A અને પાકિસ્તાન-A આમને-સામને હતા, જેમાં ભારતને હારનો સામનો કરવો પડ્યો હતો. ટીમ ઈન્ડિયા આ વખતે તે હારનો બદલો લેવા માંગશે.
Captain Yash Dhull achieves a jaw-dropping feat, scoring a brilliant 108* in just 84 balls, overpowering the bowlers of UAE ‘A’, and leading his team to a victorious chase.#ACCMensEmergingTeamsAsiaCup #ACC pic.twitter.com/Uorg9rkuEI
— AsianCricketCouncil (@ACCMedia1) July 14, 2023
બંને ટીમો એક પણ મેચ હારી નથી
ઇમર્જિંગ એશિયા કપ-2023ની વાત કરીએ તો, ભારત અને પાકિસ્તાન બંને આ ટુર્નામેન્ટમાં અત્યાર સુધી એક પણ મેચ હારી નથી. જ્યારે ભારતે UAE અને નેપાળને હરાવ્યું છે, તો પાકિસ્તાન-A એ પણ આ બંને ટીમોને હરાવી છે.
કેપ્ટન યશ ધુલના સૌથી વધુ રન
અત્યાર સુધી રમાયેલી બે મેચ બાદ ભારત તરફથી કેપ્ટન યશ ધુલે સૌથી વધુ રન બનાવ્યા છે. બીજી તરફ પાકિસ્તાન તરફથી કામરાન ગુલામે ટીમ માટે અત્યાર સુધીમાં સૌથી વધુ 94 રન બનાવ્યા છે.
Qasim Akram’s exceptional bowling display blew the opposition away as he claimed an astonishing 6-wicket haul in his quota of 10 overs, leading Pakistan ‘A’ to a resounding victory. #ACCMensEmergingTeamsAsiaCup #ACC pic.twitter.com/wYRzrrjr7T
— AsianCricketCouncil (@ACCMedia1) July 17, 2023
કાસિમ અકરમની છ વિકેટ
બીજી તરફ ભારત તરફથી આ ટૂર્નામેન્ટમાં હર્ષિત રાણાએ સૌથી વધુ વિકેટ લીધી છે. તેણે બે મેચમાં ચાર વિકેટ લીધી છે. કાસિમ અકરમે આ ટૂર્નામેન્ટમાં પાકિસ્તાન તરફથી અત્યાર સુધી સૌથી વધુ છ વિકેટ લીધી છે.
બંને ટીમોએ ટુર્નામેન્ટ 1-1 વખત જીતી
ઇમર્જિંગ એશિયા કપ વર્ષ 2013માં શરૂ થયો હતો અને પહેલી ટુર્નામેન્ટમાં ભારતીય ટીમ વિજેતા બની હતી. જ્યારે પાકિસ્તાને 2019માં આ ટુર્નામેન્ટ જીતી હતી. એટલે કે બંને ટીમો આ ટુર્નામેન્ટ 1-1 વખત જીતી છે.
આ પણ વાંચો : ચીફ સિલેક્ટર અજીત અગરકર વર્લ્ડ કપ માટેના રોડમેપ પર ચર્ચા કરવા વેસ્ટ ઈન્ડિઝ જશે
The big match in the Emerging Asia Cup on Wednesday.
India A Vs Pakistan A. pic.twitter.com/iLq3KnTnik
— Mufaddal Vohra (@mufaddal_vohra) July 17, 2023
લાઈવ મેચ અહીં જોઈ શકાશે
ક્રિકેટ ચાહકો સ્ટાર સ્પોર્ટ્સ નેટવર્ક પર ભારત-A અને પાકિસ્તાન-Aની આ મેચ જોઈ શકશે, સાથે જ ફેનકોડ એપ પર ઓનલાઈન લાઈવ સ્ટ્રીમિંગ જોઈ શકશે.
