DC vs KKR, Qualifier 2, IPL 2021: આજે ફાઇનલમાં પહોંચવાનો જંગ, ઋષભ પંત મારશે બાજી કે, ઇયોન મોર્ગન કાપશે ટિકિટ, જાણો

આજે શારજાહ (Sharjah) માં જંગ મોટો છે. IPL 2021 ની સિઝનમાં ફાઈનલ પહેલાની આજે અંતિમ લડાઈ છે. એક બાજુ દિલ્હી કેપિટલ્સ (Delhi Capitals) છે, બીજી બાજુ કોલકાતા નાઈટ રાઈડર્સ (Kolkata Knight Riders) છે. તો એક બાજુ ઋષભ પંત (Rishabh Pant) છે, બીજી બાજુ ઈયોન મોર્ગન (Eoin Morgan). જ્યારે એક ટીમની રમતે સિઝનની શરૂઆતથી કંસિસ્ટંન્સી દર્શાવી છે, જ્યારે બીજી એ યુએઈમાં ગિયર બદલ્યો છે.

એક તે છે જેના માટે ક્વોલિફાયર વન માં CSK સામે હાર બાદ આજે ફાઇનલમાં પહોંચવાની બીજી તક છે. તો બીજી ટીમ છે જેણે ટુર્નામેન્ટમાંથી રોયલ ચેલેન્જર્સ બેંગ્લોરને હટાવીને ક્વોલિફાયર 2 (Qualifier 2) રમવાનો પરવાનો મેળવ્યો છે. ક્વોલિફાયર ટુ એટલે કે IPL 2021 ની ફાઇનલમાં પહોંચવાનો અંતિમ રસ્તો. જે કસોટીના કારણે આજે દિલ્હી (Delhi) અને કોલકાતા (Kolkata) ની ટીમો ચિંતિત છે.

ક્વોલિફાયર 2 ના બહાને IPL 2021 માં આ બંને ટીમો આજે ત્રીજી વખત ટકરાશે. અગાઉના બે મુકાબલામાં, મેચ બરાબરી પર રહી હતી. એટલે કે, જો એક મેચ દિલ્હી કેપિટલ્સના નામે હતી, તો એક મેચ કોલકાતા નાઇટ રાઇડર્સના પક્ષમાં રહી હતી. બંને ટીમો વચ્ચેની અંતિમ 5 મેચમાં સ્પર્ધા પણ કાંટાની ટક્કર વાળી રહી છે.

પરંતુ બાજી દિલ્હીની બેગમાં 3-2 થી પડી છે. બીજી બાજુ, ઓવરઓલ મેચોમાં કેકેઆરનો ઉપલો હાથ ભારે દેખાય છે. બંને ટીમો આજે 30 મી વખત IPL ની પિચ પર ટકરાશે. કોલકાતાએ આ પહેલા 29 મેચમાંથી 15 મેચ જીતી છે. જ્યારે 13 મેચમાં દિલ્હીના નામે રહી છે.

શારજાહમાં દિલ્હી કરતા કોલકાતા ભારે રહ્યુ છે

ક્વોલિફાયર 2 મેચમાં એડવાન્ટેજ કોલકાતાની પાસે દિલ્હી કરતા વધુ દેખાય છે. આ મેચ શારજાહમાં છે, જ્યાં KKR એ એલિમિનેટર મેચમાં રોયલ ચેલેન્જર્સ બેંગ્લોર સામે 4 વિકેટે જીત મેળવી હતી. દિલ્હી કેપિટલ્સ સામે રમાયેલી છેલ્લી મેચ પણ 3 વિકેટે જીતી હતી. આશ્ચર્યજનક બાબત એ છે કે આ બંને મેચમાં, સુનીલ નરેન મેચનો હીરો બન્યો હતો, એટલે કે કોલકાતા માટે પ્લેયર ઓફ ધ મેચ. આ સિવાય કોલકાતાના બોલરોને આ બંને મેચમાં એક પણ સિક્સર ફટકારી નથી.

દિલ્હી અને કોલકાતા સાથે જોડાયેલી ખબર

જ્યાં સુધી બંને ટીમોના સંયોજનની વાત છે, તેમાં ફેરફારની શક્યતા ઓછી છે. જો ઓલરાઉન્ડર આન્દ્રે રસેલ હેમસ્ટ્રિંગની ઈજામાંથી સ્વસ્થ થયા બાદ ફિટ થઈ જાય તો તે કોલકાતાની પ્લેઈંગ ઈલેવનમાં જગ્યા બનાવી શકે છે. બીજી બાજુ, માર્કસ સ્ટોઈનિસ જો ફિટ હોય તો દિલ્હી કેપિટલ્સની પ્લેઈંગ ઈલેવનમાં ટોમ કરનની જગ્યા લઈ શકે છે. જો ક્વોલિફાયર 2 માટે કોલકાતાની ટીમમાં કોઈ ફેરફાર કરવામાં આવતો નથી, તો તેના ટોપ 8 માં 5 ખેલાડીઓ ડાબા હાથના રહેશે. આ અર્થમાં અશ્વિન દિલ્હીની ટીમ માટે મોટું હથિયાર બની શકે છે.

આ પણ વાંચોઃ  Sports: હિમા દાસ કોરોના પોઝિટિવ જણાઇ, તાલીમ માટે પટિયાલા પહોંચતા જ થયો ખુલાસો

આ પણ વાંચોઃ  T20 World Cup: ટીમ ઇન્ડિયાને એક પણ પૈસો લીધા વગર માહી આપશે માર્ગદર્શન, જય શાહે આપી માહિતી