જેટલી મેચ, તેટલી સદી… આ ખેલાડી છે કે ‘સેન્ચુરી મશીન’, કોઈ તેની નજીક પણ નથી
મહારાજા T20 ટ્રોફી 2025માં હુબલી ટાઈગર્સ તરફથી રમતા એક યુવા બેટ્સમેને જોરદાર બેટિંગ કરી છે. હુબલી ટાઈગર્સે આ સિઝનમાં અત્યાર સુધીમાં બે મેચ રમી છે અને આ ડેશિંગ બેટ્સમેને આ બંને મેચોમાં સદી ફટકારી છે. સતત બે મેચમાં બે સદી ફટકારી તે આ સિઝનનો સેન્ચુરી મશીન બની ગયો છે. જાણો કોણ છે આ ખેલાડી.
મહારાજા T20 ટ્રોફી 2025 ટુર્નામેન્ટમાં હુબલી ટાઈગર્સ તરફથી રમતા, આ યુવા ઓપનિંગ બેટ્સમેને સતત બે સદી ફટકારી છે. તેણે આ સિઝનમાં વિસ્ફોટક બેટિંગ કરી છે અને વિરોધી ટીમના બોલરોને કઠિન સમય આપ્યો છે. આ બેટ્સમેનનું નામ મોહમ્મદ તાહા છે. મોહમ્મદ તાહાએ આ સિઝનની પોતાની પહેલી મેચ શિવમોગા લાયન્સ સામે રમી હતી જેમાં તેણે 101 રનની મેચવિનિંગ ઈનિંગ રમી હતી. આ પછી, તેણે પોતાની બીજી મેચમાં પણ સદી ફટકારી હતી.
મોહમ્મદ તાહાનું શાનદાર ફોર્મ
મોહમ્મદ તાહાએ બેંગલુરુ બ્લાસ્ટર્સ સામે પોતાની બીજી મેચ રમી જેમાં હુબલી ટાઈગર્સે બે વિકેટથી જીત મેળવી. આ મેચમાં પણ ઓપનિંગ બેટ્સમેનએ પોતાનું શાનદાર ફોર્મ ચાલુ રાખ્યું અને 101 રન બનાવ્યા. તેણે 54 બોલમાં 9 ચોગ્ગા અને 7 છગ્ગા ફટકાર્યા. અત્યાર સુધી, આ ડેશિંગ બેટ્સમેન બે મેચમાં 101ની સરેરાશથી 202 રન બનાવી ચૂક્યો છે. તે આ સિઝનમાં અત્યાર સુધી સૌથી વધુ રન બનાવનાર બોલર છે.
Centuries on consecutive days for Mohammed Taha!
Hubli Tigers’ opener smashed two unbelievable centuries, and both came in winning efforts in the Maharaja T20 Trophy 2025! #MohammedTaha #MaharajaLeague #HubliTigers #Sportskeeda pic.twitter.com/F76POVklW7
— Sportskeeda (@Sportskeeda) August 13, 2025
હુબલી ટાઈગર્સ પોઈન્ટ ટેબલમાં બીજા સ્થાને
મોહમ્મદ તાહા આ ટુર્નામેન્ટની બાકીની મેચોમાં પણ પોતાનું ફોર્મ ચાલુ રાખવા માંગશે. હુબલી ટાઈગર્સ વિશે વાત કરીએ તો, તેઓએ અત્યાર સુધીમાં બે મેચ રમી છે અને ટીમે બંનેમાં જીત મેળવી છે. ટીમના ચાર પોઈન્ટ છે અને તે પોઈન્ટ ટેબલમાં બીજા સ્થાને છે.
મોહમ્મદ તાહાના આંકડા
મોહમ્મદ તાહાએ 2016માં સૈયદ મુશ્તાક અલી ટ્રોફીમાં કર્ણાટક માટે સર્વિસીસ સામે ડેબ્યૂ કર્યું હતું, પરંતુ તે ફક્ત બે રન બનાવ્યા પછી આઉટ થઈ ગયો હતો. તે છેલ્લે 2017માં કર્ણાટક માટે તમિલનાડુ સામે રમ્યો હતો. તેણે અત્યાર સુધી કુલ 22 T20 મેચ રમી છે, જેમાં આ ધમાકેદાર બેટ્સમેને 24.60ની સરેરાશથી 369 રન બનાવ્યા છે. તેનો શ્રેષ્ઠ સ્કોર 47 રન અણનમ છે. ફર્સ્ટ ક્લાસમાં, તેણે 15 મેચોમાં 31.64ની સરેરાશથી 791 રન બનાવ્યા છે. તેના નામે બે સદી અને ત્રણ અડધી સદી છે. ફર્સ્ટ ક્લાસમાં તાહાનો શ્રેષ્ઠ સ્કોર 226 રન છે. 13 લિસ્ટ A મેચોમાં, તેણે 26.66ની સરેરાશથી 240 રન બનાવ્યા છે. તેનો શ્રેષ્ઠ સ્કોર 47 રન છે.
આ પણ વાંચો: Asia Cup 2025 : શુભમન ગિલની ટીમ ઈન્ડિયામાં નહીં થાય પસંદગી ? શું આ છે કારણ?
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
