Breaking News: 15 વર્ષના વૈભવ સૂર્યવંશીએ માત્ર 25 બોલમાં ફટકારી સદી, છતાં ના તોડી શક્યો શ્રેયસ અય્યરનો રેકોર્ડ
વૈભવ સૂર્યવંશીએ તાજેતરમાં કેવિન પીટરસનની યુટ્યુબ ચેનલ, ધ સ્વિચનો એક નવો એપિસોડ શૂટ કર્યો છે. આ એપિસોડ 25 મેના રોજ ચેનલ પર અપલોડ કરવામાં આવ્યો હતો, જેમાં વૈભવે માત્ર 25 બોલમાં 50 રનમાં સદી ફટકારી હતી. છતાં તે શ્રેયસ અય્યરનો રેકોર્ડ ના તોડી શક્યો.
મેદાન ગમે તે હોય. પરિસ્થિતિ ગમે તેવી હોય. જો નિર્ભય વૈભવ સૂર્યવંશી 22-યાર્ડ સર્કલમાં ઉભો હોય, તો બેટનો તોફાન આવવાનો જ છે. કેવિન પીટરસનની યુટ્યુબ ચેનલ ‘ધ સ્વિચ’ ના આગામી એપિસોડમાં પણ આવું જ જોવા મળ્યું.
વૈભવ સૂર્યવંશીની 25 બોલમાં સદી
કેવિન પીટરસને 25 મેના રોજ પોતાની યુટ્યુબ ચેનલ પર વૈભવ સૂર્યવંશી સાથેનો એપિસોડ અપલોડ કર્યો, અને તરત જ તેને હજારો લાઈક્સ મળ્યા. પોતાના એપિસોડમાં, કેવિન પીટરસને 50 બોલમાં સદી ફટકારવાનો પડકાર આપ્યો, પરંતુ વૈભવ સૂર્યવંશીએ તે પડકાર ફક્ત 25 બોલમાં પૂર્ણ કર્યો.
શ્રેયસ અય્યરનો રેકોર્ડ ના તોડી શક્યો
વૈભવ સૂર્યવંશીએ માત્ર 25 બોલમાં જ પોતાની સદી પૂરી કરી હતી. જોકે, તે કેવિન પીટરસનના શોમાં સૌથી ઝડપી સદીનો શ્રેયસ અય્યરનો રેકોર્ડ તોડી શક્યો નહીં. કેવિન પીટરસનના શોમાં શ્રેયસ અય્યરે માત્ર 22 બોલમાં સદી ફટકારી હતી. આનો અર્થ એ થયો કે વૈભવ સૂર્યવંશી શ્રેયસ અય્યરનો રેકોર્ડ ત્રણ બોલથી તોડવામાં ચૂકી ગયો. જોકે, જ્યારે કેવિન પીટરસને તેને શોમાં પૂછ્યું, ત્યારે તેણે કહ્યું હતું કે તે અય્યરનો રેકોર્ડ તોડશે, પરંતુ એવું બન્યું નહીં.
પીટરસનના શોમાં સૌથી ઝડપી સદીઓ
પીટરસનના શોમાં સૌથી ઝડપી સદી ફટકારનારાઓની યાદીમાં વૈભવ બીજા ક્રમે છે. તેના પછી વેસ્ટ ઈન્ડિઝનો નિકોલસ પૂરન આવે છે, જેણે 28 બોલમાં સદી પૂરી કરી હતી. એબી ડી વિલિયર્સે 30 બોલમાં સદી પૂરી કરી હતી, જ્યારે યશસ્વી જયસ્વાલે 47 બોલમાં સદી પૂરી કરી હતી.
પહેલા બેટિંગ કે રનચેઝ- વૈભવને શું પસંદ છે?
વૈભવ સૂર્યવંશીની ઇનિંગ દરમિયાન કેવિન પીટરસને તેને કેટલાક પ્રશ્નો પૂછ્યા, જેના જવાબ તેમણે આપ્યા. પીટરસને વૈભવને પૂછ્યું કે તેને શું ગમે છે – પહેલા બેટિંગ કરવી કે રનનો પીછો કરવો? વૈભવે બંને જવાબ આપ્યા.
90 રન પર હોય ત્યારે શું વિચારે છે વૈભવ?
પીટરસને પછી પૂછ્યું કે જ્યારે તે 90 રન પર રમી રહ્યો હોય ત્યારે તેના મગજમાં શું ચાલે છે? વૈભવે જવાબ આપ્યો કે તે ફક્ત તેની તેની નેચરલ ગેમ રમવા પર ધ્યાન કેન્દ્રિત કરે છે. પીટરસને સૂર્યવંશીને પૂછ્યું કે તેણે તેની સૌથી મોટી ઇનિંગ ક્યારે રમી હતી? વૈભવે કહ્યું કે તે એક ઘરેલુ મેચ દરમિયાન હતું જ્યાં તેણે 50 ઓવર બેટિંગ કરી હતી અને એકલા 353 રન બનાવ્યા હતા.
Breaking News: IPLમાં ચોથી વખત ક્વોલિફાયર-1 રમશે રોયલ ચેલેન્જર્સ બેંગલુરુ, જાણો કેવો છે ટીમનો રેકોર્ડ
