Breaking News : IPLમાં કોઈએ ખરીદ્યો નહી, હવે હેટ્રિક સાથે W,W,W,W,W,W વિકેટ લીધી, અને વિશ્વ રેકોર્ડ તુટતા માંડ માંડ બચ્યો

મધ્યપ્રદેશ પ્રીમિયર લીગમાં 22 જૂનના રોજ રોયલ નિમાર ઈગર્લ્સ અને ભોપાલ લેપર્ડસ વચ્ચે રમાયેલી મેચ ઈન્દોરના હોલ્કર સ્ટેડિયમમાં રમાયેલી આ મેચમાં રોયલ નિમાર ઈગલ્સે 8 વિકેટથી જીતી હતી. તેની આ જીતમાં 28 વર્ષના ડાબોડી સ્પિનર ​​કુમાર કાર્તિકેયે તે જીતમાં મુખ્ય ભૂમિકા ભજવી હતી. તેણે મેચમાં છ વિકેટ લીધી હતી, જેમાં હેટ્રિકનો પણ સમાવેશ થાય છે. જ્યારે તે વિશ્વ રેકોર્ડની બરાબરી કરવામાં કે તોડવામાં નિષ્ફળ રહ્યો હતો, ત્યારે તે એક જ T20 મેચમાં આટલી બધી વિકેટ લેનાર બીજો ભારતીય બોલર બન્યો. MPL 2026માં કારકિર્દીનું શ્રેષ્ઠ પ્રદર્શન કરનાર કુમાર કાર્તિકેયે IPL 2026ના ઓક્શનમાં વેચાયો ન હતો. તેને કોઈએ ખરીદ્યો ન હતો.

IPL 2026માં કોઈએ ખરીદ્યો નહી

આઈપીએલ 2026ના મેગા ઓક્શનમાં કુમાર કાર્તિકેયે પોતાની બેસ પ્રાઈઝ 30 લાખ રુપિયા રાખી હતી. પરંતુ તેમ છતાં કોઈ ફ્રેન્ચાઈઝીએ તેને આ રકમ આપવા માટે તૈયાર થયું ન હતુ. ત્યારબાદ સીએસકે તેમણે પોતાનો નેટ બોલર બનાવ્યો હતો. હવે મધ્યપ્રદેશ પ્રીમિયર લીગ 2026ની મેચમાં ભોપાલ લેપર્ડસ ટીમ વિરુદ્ધ તેમણે પોતાની તાકાત દેખાડી હતી. તેમજ આઈપીએલની ફ્રેન્ચાઈઝીને જડબાતોડ જવાબ આપ્યો છે.

T20 મેચમાં 6 વિકેટ લેનાર બીજો ભારતીય

કુમાર કાર્તિકેયે 3 ઓવરમાં 24 રન આપી 6 વિકેટ લીધી હતી. આ દરમિયાન તેમણે પવન નિરવાની,પ્રાંઝુલ અને અનુરાગ માલવીયાને 3 બોલ પર આઉટ કરી હેટ્રિક લીધી હતી. ટી20ની એક ઈનિગ્સમાં આટલી વિકેટ લેનાર દીપક ચહર બાદ બીજો ભારતીય ખેલાડી છે. તફાવત માત્ર એટલો છે કે, દીપક ચહરને આ સફળતા ઈન્ટરનેશનલ ટી20માં મળી હતી અને કાર્તિકેયને ઘરેલું ટી20 લીગની મેચમાં મળી હતી. દીપક ચાહરે બાંગ્લાદેશ વિરુદ્ધ 2019માં રમાયેલી ટી20 ઈન્ટરેનશનલમાં 3.2 ઓવરમાં 7 રન આપી 6 વિકેટ લીધી હતી. જે કોઈ પણ ભારતીયનું બેસ્ટ પ્રદર્શન છે.

જો કાર્તિકેયે વધુ એક વિકેટ લીધી હોત, તો તે પુરુષોની T20 ક્રિકેટમાં વિશ્વ રેકોર્ડની બરાબરી કરી શક્યો હોત. T20 ઇનિંગ્સમાં સૌથી વધુ વિકેટ લેવાનો રેકોર્ડ મલેશિયાના સ્યાઝાદુલ ઇદ્રુસના નામે છે, જેમણે ચીન સામે 4 ઓવરમાં 8 રન આપીને 7 વિકેટ લીધી હતી.

ક્રિકેટ એ વિશ્વની સૌથી લોકપ્રિય રમતોમાંની એક છે. આ રમત ત્રણ ફોર્મેટમાં રમાય છે, જેમાંથી સૌથી લાંબુ ફોર્મેટ ટેસ્ટ ક્રિકેટ છે. અહી ક્લિક કરો