Breaking News: RCBની ઐતિહાસિક જીત, લખનૌ સુપર જાયન્ટ્સને પહેલીવાર ઘરઆંગણે હરાવ્યું

IPL 2026 ની 23મી મેચમાં, રોયલ ચેલેન્જર્સ બેંગલુરુએ લખનૌ સુપર જાયન્ટ્સને સરળતાથી હરાવ્યું હતું. એમએ ચિન્નાસ્વામી સ્ટેડિયમ ખાતે રમાયેલી મેચમાં હોમ ટીમ રોયલ ચેલેન્જર્સ બેંગલુરુએ આખી મેચમાં પ્રભુત્વ રાખ્યું. શરૂઆતમાં, તેમના બોલરોએ જોરદાર બોલિંગ કરી લખનૌ સુપર જાયન્ટ્સને 146 રનમાં ઓલઆઉટ કર્યું. ત્યારબાદ, બેટ્સમેનોએ આક્રમક બેટિંગથી જીત આસાન બનાવી. RCB એ પહેલીવાર ઘરઆંગણે લખનૌ સુપર જાયન્ટ્સને હરાવ્યું.

લખનૌ 146 રનમાં ઓલઆઉટ

રજત પાટીદારના નેતૃત્વ હેઠળની RCBએ ટોસ જીતીને પ્રથમ બોલિંગ કરવાનો નિર્ણય લીધો, જે એક સારો નિર્ણય સાબિત થયો. લખનૌ સુપર જાયન્ટ્સની ટીમ 20 ઓવરમાં ફક્ત 146 રનમાં ઓલઆઉટ થઈ ગઈ હતી. લખનૌની શરૂઆત નબળી રહી હતી, જેમાં એડન માર્કરામ માત્ર 12 રનમાં આઉટ થયો હતો. ત્યારબાદ, કેપ્ટન રિષભ પંત પાંચમી ઓવરમાં જોશ હેઝલવુડના બોલથી ઘાયલ થઈ ગયો અને રિટાયર્ડ હર્ટ થયો. તે પાછળથી પાછો ફર્યો પરંતુ માત્ર એક રન બનાવીને આઉટ થયો. આ દરમિયાન, આયુષ બદોની (38) અને મુકુલ ચૌધરી (39) એ ટીમને આ સ્કોર સુધી પહોંચવામાં મદદ કરી.

RCBના બોલરોએ તબાહી મચાવી

બીજી બાજુ, RCB ની બોલિંગ જોરદાર રહી. રસિક દારે સૌથી વધુ ચાર વિકેટ લીધી, ભુવનેશ્વર કુમારે ત્રણ અને કૃણાલ પંડ્યાએ બે વિકેટ લીધી. જોશ હેઝલવુડે પણ એક વિકેટ લઈને આર્થિક રીતે સફળ સાબિત થયો.

RCBની આસાન જીત

રનચેઝ કરતા RCB એ વિરાટ કોહલીને ઈમ્પેક્ટ પ્લેયર તરીકે મેદાનમાં ઉતાર્યો. વિરાટે આક્રમક શરૂઆત કરી, 34 બોલમાં 49 રન બનાવ્યા, જેમાં 6 ચોગ્ગા અને 1 છગ્ગાનો સમાવેશ થાય છે. તેની ઇનિંગે ટીમ માટે રનચેઝ ખૂબ જ સરળ બનાવ્યો. તેણે દેવદત્ત પડિકલ સાથે બીજી વિકેટ માટે મહત્વપૂર્ણ ભાગીદારી નોંધાવી. ત્યારબાદ કેપ્ટન રજત પાટીદારે 13 બોલમાં 27 રનની ધમાકેદાર ઇનિંગ રમી. જીતેશ શર્મા પણ 9 બોલમાં 23 રન બનાવવામાં સફળ રહ્યો. અંતે, ટિમ ડેવિડ અને રોમારિયો શેફર્ડે RCBને જીત અપાવી .

Breaking News: સચિન તેંડુલકરના મિત્ર વિનોદ કાંબલીની તબિયત બગડી, પહેલા યાદશક્તિ નબળી પડી, હવે મોટો ખતરો