IPL 2026: દિલ્હી કેપિટલ્સે કરી મોટી જાહેરાત, 71 સદી ફટકારનાર ખેલાડીને કોચ તરીકે નિયુક્ત કર્યો

બધી ટીમોએ IPL 2026 માટે તેમની તૈયારીઓ તેજ કરી દીધી છે. આ દરમિયાન, દિલ્હી કેપિટલ્સે એક મોટી જાહેરાત કરી છે, જેમાં નવા કોચિંગ સ્ટાફનો ઉમેરો થયો છે. ફ્રેન્ચાઇઝીમાં એક નવો આસિસ્ટન્ટ કોચ જોડાયો છે. આ જવાબદારી 43 વર્ષીય અનુભવી ખેલાડીને સોંપવામાં આવી છે, જે IPLમાં ડેબ્યૂ કરશે. આ અનુભવી ખેલાડીની ક્રિકેટ કારકિર્દી શાનદાર રહી છે અને નિવૃત્તિ પછીથી તે વિવિધ ટીમો સાથે કામ કરી ચૂક્યો છે.

ઇયાન બેલ દિલ્હી કેપિટલ્સનો આસિસ્ટન્ટ કોચ

દિલ્હી કેપિટલ્સે ઇંગ્લેન્ડના ભૂતપૂર્વ બેટ્સમેન ઇયાન બેલને નવા આસિસ્ટન્ટ કોચ તરીકે નિયુક્ત કર્યો છે. દિલ્હી કેપિટલ્સે તેમના સોશિયલ મીડિયા હેન્ડલ પર શેર કરેલી પોસ્ટ દ્વારા આ જાહેરાત કરી હતી. ઇંગ્લેન્ડ માટે 118 ટેસ્ટ, 161 વનડે અને 8 T20આંતરરાષ્ટ્રીય મેચ રમનાર બેલ 2020 માં ક્રિકેટમાંથી નિવૃત્તિ લીધા પછી કોચિંગમાં સક્રિય રીતે સામેલ થયો છે. IPLમાં આ તેની પહેલી કોચિંગ ભૂમિકા હશે, જોકે તેની પાસે નોંધપાત્ર અનુભવ છે.

View this post on Instagram

A post shared by Delhi Capitals (@delhicapitals)

નિવૃત્તિ બાદ કોચ તરીકે સક્રિય

નિવૃત્તિ લીધા પછી ઇયાન બેલે ઇંગ્લેન્ડ લાયન્સ અને અંડર-19 ટીમો સાથે કામ કર્યું છે. 2024 માં તેણે શ્રીલંકાની ટેસ્ટ ટીમના ઇંગ્લેન્ડ પ્રવાસ પર બેટિંગ કોચ તરીકે સેવા આપી હતી. 2023 ODI વર્લ્ડ કપ પહેલા તેણે ન્યુઝીલેન્ડની પુરુષ ટીમ સાથે પણ થોડો સમય કામ કર્યું હતું અને ધ હંડ્રેડમાં બર્મિંગહામ ફોનિક્સ માટે સહાયક કોચ તરીકે સેવા આપી હતી. દિલ્હી કેપિટલ્સમાં, બેલ હવે ક્રિકેટ ડિરેક્ટર વેણુગોપાલ રાવ, મુખ્ય કોચ હેમાંગ બદાણી અને બોલિંગ કોચ મુનાફ પટેલ સાથે કામ કરશે. બેલ ઓસ્ટ્રેલિયન મેથ્યુ મોટનું સ્થાન લેશે, જેણે ગયા સિઝનમાં આ ભૂમિકા નિભાવી હતી.

ઈંગ્લેન્ડના સૌથી સફળ ખેલાડીઓમાંના એક

ઇયાન બેલને ઇંગ્લેન્ડના સૌથી સફળ ખેલાડીઓમાંનો એક છે. તેણે ટેસ્ટમાં 7727 રન, ODIમાં 5416 રન અને T20Iમાં 188 રન બનાવ્યા છે. તેણે ફર્સ્ટ-ક્લાસ ક્રિકેટમાં 57 સદી, લિસ્ટ A ક્રિકેટમાં 13 સદી અને T20 ક્રિકેટમાં એક સદી ફટકારી છે. આનો અર્થ એ થયો કે તેણે પ્રોફેશનલ ક્રિકેટમાં કુલ 71 સદી ફટકારી છે.

T20 World Cup : પહેલા ભારતને ચોંકાવ્યું, હવે પાકિસ્તાનને રડાવ્યું… 37 વર્ષીય અમેરિકી બોલરે ઈતિહાસ રચ્યો