IND vs SL: ભારત સામેની પહેલી ટેસ્ટ માટે શ્રીલંકાએ 5 સ્પિનરોને ટીમમાં કર્યા સામેલ, 3 વર્ષ બાદ આ ખેલાડીની વાપસી
શ્રીલંકાની ટીમ તેના કેટલાક મુખ્ય ખેલાડીઓની ઇજાથી પરેશાન છે, જેના કારણે ટીમની જાહેરાતમાં વિલંબ થયો હતો. જોકે મેચના ત્રણ દિવસ પહેલા શ્રીલંકા ક્રિકેટ બોર્ડે ટીમની જાહેરાત કરી હતી. પ્રેક્ટિસ મેચમાં સારું પ્રદર્શન કરનાર બેટ્સમેનનો ટીમમાં સમાવેશ કરવામાં આવ્યો છે. ખાસ વાત એ છે કે શ્રીલંકાએ પાંચ સ્પિનરોનો ટીમમાં સમાવેશ કર્યો છે.
ગાલેમાં ભારત સામેની ટેસ્ટ મેચ શરૂ થવાના ત્રણ દિવસ પહેલા શ્રીલંકન ક્રિકેટ ટીમની જાહેરાત કરવામાં આવી છે. શ્રીલંકન ટીમની જાહેરાત ઘણા દિવસોથી રાહ જોવાઈ રહી હતી, પરંતુ કેટલાક મુખ્ય ખેલાડીઓની ઇજાઓને કારણે, શ્રીલંકા ક્રિકેટે નિર્ણય લેવામાં વિલંબ કર્યો હતો. બોર્ડે હવે 15 ઓગસ્ટથી ગાલે ક્રિકેટ ગ્રાઉન્ડ પર શરૂ થનારી પ્રથમ ટેસ્ટ મેચ માટે ટીમની જાહેરાત કરી છે. નિરોશન ડિકવેલાને ત્રણ વર્ષ પછી ટીમમાં સામેલ કરવામાં આવ્યો છે, અને કુસલ મેન્ડિસની ગેરહાજરીમાં વિકેટકીપિંગની જવાબદારી સંભાળશે.
શ્રીલંકાની ટીમમાં 5 સ્પિનરો
શ્રીલંકા ક્રિકેટે 12 ઓગસ્ટના રોજ ટીમની જાહેરાત કરી હતી, જેમાં પ્રભાત જયસૂર્યા સહિત પાંચ સ્પિનરોની પસંદગી કરવામાં આવી છે, કેપ્ટન ધનંજય ડી સિલ્વા અને વાઇસ-કેપ્ટન કમિન્ડુ મેન્ડિસને ઓલરાઉન્ડર તરીકે પસંદ કરવામાં આવ્યા હતા. શ્રીલંકાના પસંદગીકારોએ ઓપનર નિશાન મદુશંકાનો પણ સમાવેશ કર્યો હતો, જેણે ભારત સામેની પ્રેક્ટિસ મેચમાં સારું પ્રદર્શન કર્યું હતું. મદુશંકાએ શ્રીલંકા ક્રિકેટ ઇલેવન માટે રમતી વખતે બંને ઇનિંગમાં અડધી સદી ફટકારી હતી. સ્પિનરો રમેશ મેન્ડિસ, સોનલ દિનુષા અને કેસરા નુવંથા, જેમણે પ્રેક્ટિસ મેચમાં પણ ભાગ લીધો હતો, તેઓ પણ ટીમનો ભાગ છે.
યુવા અને અનુભવી બેટ્સમેનોનું મિશ્રણ
બેટિંગની વાત કરીએ તો, પથુમ નિસાન્કાની ગેરહાજરીમાં નિશાન મદુષ્કાને ઓપનિંગની જવાબદારી સોંપવામાં આવી શકે છે. જોકે, શ્રીલંકાની બેટિંગનો ભાર ફરી એકવાર અનુભવી બેટ્સમેન દિનેશ ચંદીમલ પર રહેશે, જેણે ભૂતકાળમાં ભારત સામે સારું પ્રદર્શન કર્યું છે. આ સિવાય કમિન્ડુ મેન્ડિસ અને કેપ્ટન ધનંજય ડી સિલ્વા પાસે વધુ રનની અપેક્ષા રાખવામાં આવશે. ત્રણ વર્ષ પછી ટીમમાં વાપસી કરનાર ડિકવેલા ફક્ત સ્ટમ્પ પાછળ જ નહીં પરંતુ તેની આગળ પણ બેટથી કેવું પ્રદર્શન કરે છે તે જોવું પણ રસપ્રદ રહેશે.
Sri Lanka have named a 16-man squad for the 1st Test against India in Galle
Niroshan Dickwella has been recalled, while off-spinner Keshara Nuwantha has earned his maiden callup#SLvIND pic.twitter.com/KIoWXJSrNj
— Cricbuzz (@cricbuzz) August 12, 2026
લાહિરુની ફિટનેસ પર સવાલ
એક મોટો પ્રશ્ન ઝડપી બોલર લાહિરુ કુમારાની ફિટનેસનો પણ છે, જે પ્રેક્ટિસ મેચનો ભાગ હતો. જોકે, તે લાંબી ઈજામાંથી સ્વસ્થ થયા પછી પાછો ફર્યો છે, તેથી તે પાંચ દિવસની ટેસ્ટ મેચ રમવા માટે પૂરતો ફિટ છે કે નહીં તે નિર્ણાયક રહેશે. સ્વાભાવિક છે કે, બોલિંગનો મોટો ભાર સ્પિનરો પર રહેશે, પરંતુ લાહિરુની ફિટનેસ હજુ પણ નિર્ણાયક રહેશે, કારણ કે રિવર્સ સ્વિંગ પરિસ્થિતિઓમાં તેની સ્પિડ ઘાતક બની શકે છે.
ગાલે ટેસ્ટ મેચ માટે શ્રીલંકાની ટીમ
ધનંજયા ડી સિલ્વા (કેપ્ટન), લાહિરુ ઉદારા, નિશાન મદુશંકા, કામિન્દુ મેન્ડિસ (વાઈસ-કેપ્ટન), દિનેશ ચંદીમલ, પસિંદુ સુર્યાબંદરા, સોનલ દિનુષા, નિરોશન ડિકવેલા (વિકેટકીપર), રમેશ મેન્ડિસ, પ્રભાત જયસૂર્યા, કેશરા નુવાન્ત, કેશરા નુવંથા, મિલન રત્નાયકે, અસિથા ફર્નાન્ડો, લાહિરુ કુમારા, વિશ્વા ફર્નાન્ડો, દિલશાન મદુશંકા.
Breaking News: હાર્દિક પંડ્યા ગુજરાત ટાઈટન્સમાં પાછો આવવા માંગતો હતો, શુભમન ગિલ પણ તૈયાર થયો, તો પછી સોદો કેમ તૂટ્યો?
