ભારતે વેલિંગ્ટનના હેનરી સ્ટેડિયમમાં રમાયેલી બીજી વનડેમાં ન્યુઝીલેન્ડને 4 રનથી હરાવ્યું હતું. પ્રથમ બેટિંગ કરતાં ન્યુઝીલેન્ડની ટીમ ભારતીય બોલરો સામે માત્ર 134 રનમાં ઓલઆઉટ થઈ ગઈ હતી. ભારતને જીતવા માટે 135 રનનો લક્ષ્યાંક મળ્યો હતો. જોકે, સરળ લાગતું લક્ષ્ય ભારત માટે મુશ્કેલ બની ગયું હતું. ટીમે 113 રનના સ્કોર પર જ 7 વિકેટ ગુમાવી દીધી હતી. ત્યારબાદ ભારે વરસાદને કારણે મેચ અટકાવવી પડી હતી અને DLS પદ્ધતિ હેઠળ ભારતને 4 રનથી વિજેતા જાહેર કરવામાં આવ્યું હતું.

મેચ જીત્યા બાદ કેપ્ટન શુભમન ગિલે શું કહ્યું?

મેચ બાદ શુભમન ગિલે કહ્યું હતું કે જીત મેળવવી સૌથી મહત્ત્વની છે, પરંતુ પરિસ્થિતિ સરળ નહોતી. તેણે ભારતીય બોલરોની પ્રશંસા કરતાં કહ્યું કે ન્યુઝીલેન્ડને 130થી 140 રનની અંદર રોકવું શાનદાર પ્રયાસ હતો. જોકે, લક્ષ્યનો પીછો કરતી વખતે ટીમે સતત વિકેટ ગુમાવી હતી.

Thought it’ll be an easy target but..: Shubman Gill on chasing New Zealand’s 135

Shubman Gill said:

“As long as we get the win. It wasn’t easy batting. Getting them out at 134, I thought it’ll be an easy target, but it wasn’t. Happy we got there in the end. The pitch was challenging, but we lost two extra wickets than we’d have liked in the end.

In the last match, Gurnoor bowled really well too. As he gets more experience, he’ll get more consistent. He already has the pace and bounce. Most of the seamers have all the qualities. International cricket is about performing under pressure.”

— Cricket Hub (@Anurag9793) November 7, 2026

ફાસ્ટ બોલર ગુર્નૂર બ્રારના પ્રદર્શનની પ્રશંસા કરી

ગિલે યુવા ફાસ્ટ બોલર ગુર્નૂર બ્રારના પ્રદર્શનની પણ પ્રશંસા કરી હતી. તેણે કહ્યું કે ગુર્નૂર પાસે સારી ગતિ અને બાઉન્સ છે. વધુ મેચ રમવાથી અને અનુભવ મેળવવાથી તેની લાઇન તથા લેન્થમાં સાતત્ય આવશે. ગિલના મતે, દબાણમાં સતત સારું પ્રદર્શન કરવું આંતરરાષ્ટ્રીય ક્રિકેટમાં સૌથી મહત્ત્વનું છે.

શોટ પસંદગી અંગે નારાજગી વ્યક્ત કરી

કેપ્ટને બેટ્સમેનોની શોટ પસંદગી અંગે નારાજગી વ્યક્ત કરતાં કહ્યું કે ટીમે જરૂર કરતાં બે વિકેટ વધુ ગુમાવી હતી. વરસાદની શક્યતા હોવા છતાં છેલ્લાં બે શોટ યોગ્ય નહોતા. ગિલે સ્પષ્ટ કહ્યું કે જો ભારત DLSના કારણે 4 કે 5 રનથી હારી ગયું હોત તો તે અત્યંત નિરાશાજનક હોત. અંતે જીત મળતાં ટીમે રાહત અનુભવી હતી.

Breaking News: 15 વર્ષનો વૈભવ સૂર્યવંશી ફક્ત એક જ મેચમાં કરશે બિહારની કેપ્ટનશીપ, જાણો કારણ