Breaking News : ભારત અને પાકિસ્તાન વચ્ચે આજે જોરદાર ટકકર, જાણો ક્યારે અને ક્યાં લાઈવ જોઈ શકશો

જ્યારે પણ ભારતીય અને પાકિસ્તાની ટીમો ક્રિકેટના મેદાન પર સામસામે આવે છે, ત્યારે ચાહકોનો ઉત્સાહ સ્પષ્ટપણે જોવા મળે છે. હવે, બંને ટીમો ફરી એકવાર હોંગકોંગ સિક્સીસ ટુર્નામેન્ટની 22મી સીઝનમાં ટકરાવવા માટે તૈયાર છે. આ હાઇ-વોલ્ટેજ ગ્રુપ સી મેચ ટુર્નામેન્ટના પહેલા જ દિવસે રમાશે, જેમાં ડિફેન્ડિંગ ચેમ્પિયન પાકિસ્તાન પોતાના ટાઇટલનો બચાવ કરવાનો પ્રયાસ કરશે, જ્યારે ભારતીય ટીમ પણ જીત સાથે ટૂર્નામેન્ટની શાનદાર શરૂઆત કરવાનો લક્ષ્ય રાખશે.

ટુર્નામેન્ટમાં કુલ 12 ટીમો

આ ટુર્નામેન્ટ 30 ઓક્ટોબરથી 1 નવેમ્બર સુધી હોંગકોંગના મુંગ કોક સ્થિત મિશન રોડ ગ્રાઉન્ડ પર રમાઈ રહી છે. આ ટુર્નામેન્ટમાં કુલ 12 ટીમો ભાગ લઈ રહી છે, જેને ત્રણ-ત્રણ ટીમોના ચાર ગ્રુપમાં વહેંચવામાં આવી છે. ભારત અને પાકિસ્તાનને યુએઈ સાથે ગ્રુપ સીમાં રાખવામાં આવ્યા છે. આ ટુર્નામેન્ટ એક અનોખા ફોર્મેટમાં રમાય છે, જેમાં દરેક ટીમ છ ખેલાડીઓને મેદાનમાં ઉતારે છે અને એક ઇનિંગ ફક્ત છ ઓવરની હોય છે. ઓવરની સંખ્યા ઓછી થવાથી અને આક્રમક રમતને કારણે ચોગ્ગા અને છગ્ગાનો વરસાદ થાય છે, જેનો ચાહકો આનંદ માણે છે. શરુઆતની મેચો પછી નોકઆઉટ મેચો રમાશે, આ રોમાંચક ટુર્નામેન્ટની ફાઇનલ 1 નવેમ્બરે રમાશે.

The action is set to go global!

Catch all the Hong Kong Sixes excitement on our official broadcast networks!

#TurnItUpToSix #HongKongSixes #M品牌活動#大型體育活動事務委員會#政府資助計劃 #MMarkEvents #MajorSportsEventsCommittee https://t.co/NJXD0Iri9R

— Cricket Hong Kong, China (@CricketHK) October 29, 2026

ભારત અને પાકિસ્તાન વચ્ચેની આ મેચ શુક્રવારે (30 ઓક્ટોબર) ભારતીય સમય મુજબ સવારે 11:45 વાગ્યે શરૂ થશે. આ વખતે, 25 વર્ષીય મોહમ્મદ અબ્બાસ આફ્રિદી પાકિસ્તાન ટીમનું નેતૃત્વ કરી રહ્યા છે. ઉલ્લેખનીય છે કે, ગયા વર્ષે, 2025 માં, અબ્બાસ આફ્રિદીની કેપ્ટનશીપમાં, પાકિસ્તાને પણ ટાઇટલ જીત્યું હતું. દરમિયાન, કૃણાલ પંડ્યા ટીમ ઇન્ડિયાનું નેતૃત્વ કરી રહ્યા છે.

લાઈવ સ્ટ્રીમિંગ

હવે આપણે વાત કરીએ લાઈવ ટેલીકાસ્ટ અને લાઈવ સ્ટ્રીમિંગની તો ભારત અને પાકિસ્તાન વચ્ચે રમાનારી આ હોંગકોંગ સિક્સેસ મેચનું લાઈવ પ્રસારણ સોની સ્પોર્ટ્સ નેટવર્ક પર કરવામાં આવશે. આ મેચ ચાહકો સોની સ્પોર્ટ્સ 1 પર જોઈ શકે છે. લાઈવ સ્ટ્રીમિંગની વાત કરીએ તો તમે મોબાઈલ એપ કે લેપટોપ પર ફેનકોડ એપ અથવા તેની વેબસાઈટ પર લાઈવ જોઈ શકો છો.

જો ભારતીય ટીમની વાત કરીએ તો. ક્રુણાલ પંડ્યા, રાહુલ ત્રિપાઠી, શશાંક સિંહ,નીતિશ રાણા,કુલવંત ખેજરોલિયા,રાહુલ તેવટિયા , ટી નટરાજન

Breaking News : જૂનાગઢના પાર્થ ભુતે રણજી ટ્રોફીમાં ઇતિહાસ રચ્યો, 17 રન આપીને 8 વિકેટ લીધી અહી ક્લિક કરો