Breaking News: સૌરવ ગાંગુલીની બાયોપિકનો ફર્સ્ટ લુક જોઈ ભડક્યા ચાહકો, AI સાથે કરી સરખામણી

ભારતીય ક્રિકેટના દિગ્ગજ કેપ્ટન સૌરવ ગાંગુલીના જીવન પર આધારિત ફિલ્મ ‘દાદા: ધ સૌરવ ગાંગુલી સ્ટોરી’ નો ફર્સ્ટ લુક ગાંગુલીના 54 મા જન્મદિવસના અવસરે જાહેર કરવામાં આવ્યો હતો. ફિલ્મમાં રાજકુમાર રાવ સૌરવ ગાંગુલીની ભૂમિકા ભજવી રહ્યો છે. જોકે, આ પોસ્ટરને લઈને સોશિયલ મીડિયા પર ખરાબ પ્રતિસાદ જોવા મળ્યો છે.

દાદા: ધ સૌરવ ગાંગુલી સ્ટોરી’નો ફર્સ્ટ લુક જાહેર

ફર્સ્ટ લુકમાં 2002 ની નેટવેસ્ટ સિરીઝ ફાઈનલ બાદ લોર્ડ્સની બાલ્કનીમાં ગાંગુલીએ જર્સી લહેરાવી હતી તે ઐતિહાસિક ક્ષણને ફરીથી રજૂ કરવામાં આવી છે. ઈંગ્લેન્ડ સામે ભારતની યાદગાર જીત બાદ ગાંગુલીની આ ઉજવણી આજે પણ ભારતીય ક્રિકેટના સૌથી પ્રતીકાત્મક દૃશ્યોમાં ગણાય છે.

ગાંગુલીના બાયોપિકનું પોસ્ટર જોઈ ભડક્યા ફેન્સ

જોકે, પોસ્ટર જાહેર થતાં જ અનેક સોશિયલ મીડિયા યુઝર્સે તેની ટીકા શરૂ કરી હતી. કેટલાકે પોસ્ટરને ખૂબ સામાન્ય ગણાવ્યું હતું, જ્યારે કેટલાકે કહ્યું કે AI પણ આથી વધુ સારો ફર્સ્ટ લુક તૈયાર કરી શક્યું હોત. ઘણા ચાહકોનું માનવું છે કે ગાંગુલી જેવા મહાન ક્રિકેટરના જીવન પર બનતી ફિલ્મ માટે વધુ સારું પોસ્ટર હોવું જોઈએ હતું.

The Best Gift Ever! Can’t wait to see you play my cover drive! #RajkummarRao#Dada #DadaTheSouravGangulyStory #DadaFirstLook pic.twitter.com/TqHsWn2Eg8

— Sourav Ganguly (@SGanguly99) July 8, 2026

રાજકુમાર રાવનો લુક સોશિયલ મીડિયા પર ટ્રોલ

એક યુઝરે લખ્યું કે, “પોસ્ટર બનાવતા પહેલાં ઓછામાં ઓછું AI ટૂલનું પેઈડ વર્ઝન તો વાપરવું જોઈતું હતું.” જ્યારે અન્ય એક ચાહકે લખ્યું કે, “દાદાના ચાહક તરીકે આ અત્યાર સુધીનો સૌથી નિરાશાજનક બાયોપિક ફર્સ્ટ લુક છે.” કેટલાક યુઝર્સે તો મજાકમાં પૂછ્યું કે, “શું આ કોઈ બાળકે ફોટોશોપ શીખ્યા પછી બનાવ્યું છે?”

14 મે, 2027 ના રોજ થશે ફિલ્મ રિલીઝ

વિક્રમાદિત્ય મોટવાનીના દિગ્દર્શનમાં બની રહેલી આ ફિલ્મનું નિર્માણ લવ રંજન અને અંકુર ગર્ગ કરી રહ્યા છે. T-સિરીઝ દ્વારા પ્રસ્તુત આ ફિલ્મ 14 મે, 2027 ના રોજ ઈદના વીકએન્ડ દરમિયાન સિનેમાઘરોમાં રિલીઝ થશે. હવે ચાહકોની નજર ફિલ્મના ટીઝર અને ટ્રેલર પર રહેશે. જોવાનું એ રહ્યું કે ટીઝર-ટ્રેલર ફેન્સની અપેક્ષાઓ પર ખરું ઉતરે છે કે નહીં.

39 વર્ષના જોકોવિચનો ઐતિહાસિક વિજય, 5 કલાક 15 મિનિટની મેરેથોન મેચ જીતી, વિમ્બલ્ડનમાં રચ્યો ઈતિહાસ