Ranji Trophy: પશ્વિમ બંગાળના રમત ગમત પ્રધાને ક્વાર્ટર ફાઈનલમાં જમાવી અડધી સદી, ઝારખંડ સામે 577 રનનો ટીમનો વિશાળ સ્કોર
બેંગલુરુમાં રમાઈ રહેલી રણજી ટ્રોફી (Ranji Trophy) ની પ્રથમ ક્વાર્ટર ફાઈનલ મેચમાં ઝારખંડ સામે બંગાળે (Bengal Cricket Team) પાંચ વિકેટ ગુમાવીને ઝારખંડ સામે વિશાળ સ્કોર ખડકી દીધો છે. આમ ટીમે પોતાની સ્થિતી મજબૂત કરી લીધી છે.
રણજી ટ્રોફીની ક્વાર્ટર ફાઈનલ (Ranji Trophy Quarter-Final) નો તબક્કો હાલમાં ચારી રહ્યો છે. ચાર ક્વાર્ટર ફાઈનલ મેચ બેંગલુરુ અને અલુરમાં રમાઈ રહી છે. આ દરમિયાન બંગાળે સેમી ફાઈનલમાં પહોંચવાનો રસ્તો સરળ બનાવ્યો છે. પ્રથમ ક્વાર્ટર ફાઈનલ મેચ બંગાળ અને ઝારખંડ (Bengal vs Jharkhand) વચ્ચે બેંગલુરુમા રમાઈ રહી છે. બંગાળની ટીમે શાનદાર રમત વડે વિશાળ સ્કોર ઝારખંડ સામે ખડકી દીધો છે. આ વિશાળ સ્કોર ખડકવામાં બંગાળના રમત ગમત પ્રધાનની ભૂમિકા પણ મહત્વની રહી છે. કારણ કે આ પ્રધાન ક્રિકેટર પણ છે અને ભારતીય ક્રિકેટમાં જાણીતુ નામ પણ ધરાવે છે. આ નામ છે. મનોજ તિવારી (Manoj Tiwary). ભારતીય ક્રિકેટ ટીમનો હિસ્સો પણ રહ્યા છે અને ટીમ ઈન્ડિયાના પ્રબળ દાવેદાર પણ રહ્યા હતા. પરંતુ આંતરરાષ્ટ્રીય કરીયર વધારે સફળ થઈ શક્યુ નહોતુ. જોકે હાલમાં તે ઘરેલુ ક્રિકેટ રમી રહ્યા છે. સાથે જ રાજકારણમાં પણ ઝંપલાવ્યુ હતુ અને સીધા જ પ્રધાન પદની ખુરશી સુધી પણ પહોંચવામાં સફળ રહ્યા હતા.
બીજા દિવસની રમતના અંત સુધીમાં પ્રધાન મનોજ તિવારીએ અડધી સદી નોંધાવી હતી. તે પોતાની ત્રીજા દીવસની રમત વ્યક્તિગત 54 રનના સ્કોર થી આગળ વધારશે. મનોજ તિવારી અને અભિષેક પોરેલે મનોજ તિવારી અને અભિષેક પોરેલની અડધી સદીની મદદથી અનુસ્તુપ મજુમદાર અને સુદીપ કુમાર ઘરમી વચ્ચે બીજી વિકેટની ભાગીદારીમાં 234 રન બનાવ્યા હતા. બંગાળે રણજી ટ્રોફી ક્વાર્ટર ફાઈનલના બીજા દિવસે ઝારખંડ સામે પાંચ વિકેટે 577 રન બનાવ્યા હતા.
બંગાળના બેટ્સમેનોએ શાનદાર પ્રદર્શન કર્યું હતું
પ્રથમ દિવસે એક વિકેટે 301 રનના સ્કોરથી આગળ રમતા બંગાળના બેટ્સમેનોએ ઝારખંડના બોલરો પર દબાણ કરવાનું ચાલુ રાખ્યું હતું. મજમુદારે પહેલા જ સેશનમાં પોતાની સદી પૂરી કરી હતી. બીજા દિવસે શાહબાઝ નદીમે મજુમદારને પેવેલિયન મોકલીને બંગાળને પહેલો ઝટકો આપ્યો હતો. મજુમદારે 194 બોલનો સામનો કર્યો અને 15 ચોગ્ગાની મદદથી 117 રન બનાવ્યા. પહેલા દિવસે ઈજાના કારણે મેદાન છોડી ગયેલો અભિષેક રમન ક્રિઝ પર આવ્યો હતો પરંતુ 61 રન બનાવીને પાછો ફર્યો હતો. આ પછી બેવડી સદી તરફ આગળ વધતો દેખાતો ઘરામી પણ 14 રનથી પાછળ પડી ગયો હતો. તે રાહુલ શુક્લાના હાથે કુમાર કુશાગ્રના હાથે વિકેટ પાછળ કેચ આઉટ થયો હતો. ઘરમીએ 380 બોલમાં 21 ચોગ્ગા અને એક છગ્ગાની મદદથી 186 રન બનાવ્યા હતા.
પ્રધાને દેખાડ્યો દમ
સુશાંત મિશ્રાએ અભિષેક પોરેલને પોતાનો બીજો શિકાર બનાવ્યો, જેણે વિકેટની પાછળ એક કેચ લીધો અને છોડી દીધો. પોરેલે 111 બોલમાં 68 રન બનાવ્યા હતા. જેમાં 11 ચોગ્ગા સામેલ હતા. પાર્ટનરની વિદાય બાદ જો કે, મનોજે તેની ઇનિંગ ચાલુ રાખી અને ઝારખંડના બોલરોની જોરદાર ખબર લીધી, બીજા દિવસની રમતના અંતે મનોજ તિવારી 146 બોલમાં 54 અને શાહબાઝ અહેમદ સાત રન બનાવીને રમી રહ્યા હતા. મનોજે અત્યાર સુધી પોતાની ઇનિંગમાં ત્રણ ચોગ્ગા અને એક છગ્ગો ફટકાર્યો છે.
Latest News Updates
