CWG 2022: મીરાબાઈ ચાનુ એ TV9 સાથે કરી Exclusive વાતચીત, કહ્યું ફરી એકવાર દેશને ગૌરવ અપાવશે

ગયા વર્ષે જુલાઈ મહિનો હતો અને મીરાબાઈ ચાનુ (Mirabai Chanu) એ ઓલિમ્પિકમાં ઈતિહાસ રચ્યો હતો. તેણે દેશ માટે સિલ્વર મેડલ જીત્યો હતો. હવે લગભગ એક વર્ષ બાદ તે કોમનવેલ્થ ગેમ્સ (Commonwealth Games 2022) માં પણ ઈતિહાસ રચવાની તૈયારી કરી રહી છે. બર્મિંગહામમાં ગોલ્ડ જીતવાની ટ્રેનિંગ પૂરી થઈ ગઈ છે અને હવે તમારે માત્ર મેડલને પોતાનો બનાવવાનો છે. આ ચેમ્પિયન વેઈટલિફ્ટરની કોમનવેલ્થ ગેમ્સની તૈયારીઓ કેવી ચાલી રહી છે? આ અંગે તેણે TV9 સાથે ખાસ વાતચીત કરી હતી.

કેવી તૈયારી ચાલી રહી છે? આ વખતે તે તો તમારી ફેવરીટ 49 કિલોગ્રામ કેટેગરીમાં તમે દાવેદારી નોંધાવી છે.

મીરાબાઈ ચાનુઃ તૈયારી ખૂબ જ સારી રીતે ચાલી રહી છે. આખી ટીમ ખૂબ જ મહેનત કરી રહી છે. અમે એક મહિના પહેલા જ ટ્રેનિંગ માટે આવ્યા હતા. દરેક વ્યક્તિએ આનો લાભ લેવો જોઈએ. મારે આ વખતે 49 કિલો વજનનો દાવો કરવાનો છે. અગાઉ હું 55 કિગ્રા કેટેગરીની તૈયારી કરી હતી. ફેડરેશન પણ એવું જ ઈચ્છતું હતું. એ પ્રમાણે મેં મારી તૈયારીઓ કરી લીધી હતી. પરંતુ પછી મને 49 કિગ્રા વર્ગ માટે પૂછવામાં આવ્યું. હું તરત જ સંમત થઇ ગઇ. મને ખાતરી છે કે હું દેશને વધુ એક મેડલ અપાવીશ.

મીરા, ગયા વર્ષે આ સમયે તેં ઓલિમ્પિક મેડલ જીતીને ઈતિહાસ રચ્યો હતો. શું તે બધી યાદો આ વર્ષે 24 જુલાઈએ યાદ આવી.?

મીરાબાઈ ચાનુઃ એક વર્ષ ક્યારે વીતી ગયું એ જરા પણ ખબર પડી નહી. ઓલિમ્પિક પછી તરત જ હું પટિયાલા ગઇ હતી. કારણ કે કોમનવેલ્થ ગેમ્સ અને એશિયન ગેમ્સ બંનેની તૈયારી કરવાની હતી. હવે પછી એશિયન ગેમ્સનો સમય છે. પરંતુ છેલ્લા એક વર્ષમાં બીજું કંઈ કરવાનો સમય ન હતો. ત્યાર બાદ હું ટ્રેનિંગ અને ફિટનેસ માટે અમેરિકા પણ ગઇ હતી. જ્યારે મેં 24મી જુલાઈના રોજ કેલેન્ડર જોયું તો એવું લાગ્યું કે ઓલિમ્પિક મેડલ જીત્યાને એક વર્ષ પુરુ થઇ ગયું છે. પછી મેં જુનો વિડીયો જોયો. તે સમય દરમિયાન તમે કેટલી મહેનત કરી? જુના વિડીયો જોઈને બધી યાદો તાજી થઈ ગઈ. ખુશી પણ હતી અને હું લાગણીશીલ પણ હતી. કારણ કે એ જીત પછી લોકોએ મને ખૂબ પ્રેમ અને સન્માન આપ્યું. યાદોને ‘ઉલટાવી’ ત્યારે મારી આંખો ભરાઈ આવી.

ટુર્નામેન્ટ તમારી મેચ સાથે શરૂ થશે. શું તમે પહેલા જ દિવસે દેશને ખુશખબર આપવા તૈયાર છો? ગોલ્ડ મેડલ આવી રહ્યો છે ને?

મીરાબાઈ ચાનુઃ હકિકતમાં આ વખતે પ્રથમ પુરુષોની 55 કિગ્રા વર્ગની સ્પર્ધા છે. આ મેચ સવારે રમાશે. મારી મેચ બપોરે થશે. અમે બધા દેશ માટે મેડલ જીતવાનો પ્રયાસ કરીએ છીએ. ઓલિમ્પિક પછી આ મારી પ્રથમ મુખ્ય ટુર્નામેન્ટ છે. હું પણ ખૂબ જ ઉત્સાહિત છું. ગોલ્ડ મેડલની વાત કરીએ તો હું એટલું જ કહીશ કે મારા ચાહકો અને રમતપ્રેમીઓ મારા માટે પ્રાર્થના કરે, મને પ્રોત્સાહિત કરે. હું મારા શ્રેષ્ઠ પ્રયાસ કરીશ.

મેડલ જીતતા પહેલા PM મોદીએ પીવી સિંધુને શું ખાવાનું પુછતા આઇસ્ક્રીમ ખાવાની વાત કહી હતી, તેમ તમે મેડલ જીત્યા બાદ શું ખાવાનું પસંદ કરશો.? તમારો જવાબ શું હશે? મીરાબાઈ ચાનુઃ દરેક વ્યક્તિ મારી પસંદગી જાણે છે. હું જીત બાદ પિઝા ખાઈશ. ઓલિમ્પિક મેડલ જીત્યા પછી પણ મેં ખૂબ પિઝા ખાધા હતા. હકિકતમાં જ્યારે પણ હું કોઈ ઇવેન્ટ જીતું છું ત્યારે હું પિઝા ખાઉં છું. ત્યાર બાદ ટ્રેનિંગ શરૂ થાય છે. પછી આ બધી વસ્તુઓ છોડી દેવી પડે છે. હવે જો હું કોમનવેલ્થ ગેમ્સમાં મેડલ જીતીશ તો પીઝા ખાઈશ.