Breaking News: ટીમ ઈન્ડિયાને મોટો ફટકો, ICCએ કેપ્ટન હરમનપ્રીત કૌરને કરી સસ્પેન્ડ
બાંગ્લાદેશ પ્રવાસ પર ભારતીય મહિલા ક્રિકેટ ટીમની કેપ્ટન હરમનપ્રીત કૌરને અંતિમ મેચમાં અમ્પાયરના નિર્ણયનો વિરોધ કરવા બદલ અને ગુસ્સામાં કરેલ હરકત બદલ ICC દ્વારા સસ્પેન્ડ કરવામાં આવી છે.
ભારતીય મહિલા ક્રિકેટ ટીમની કેપ્ટન હરમનપ્રીત કૌર (Harmanpreet Kaur) ને ICC દ્વારા આગામી બે આંતરરાષ્ટ્રીય મેચો માટે સસ્પેન્ડ કરી દેવામાં આવી છે. ICCએ મંગળવારે એક નિવેદન જારી કરીને આ અંગે માહિતી આપી હતી. ભારતીય મહિલા ટીમ હાલમાં જ બાંગ્લાદેશના પ્રવાસે હતી, જ્યાં છેલ્લી અને ત્રીજી વનડેમાં હરમનપ્રીતે અમ્પાયરના નિર્ણય સામે નારાજગી વ્યક્ત કરતા સ્ટમ્પ પર ફટકો માર્યો હતો. આ પછી જ્યારે ટ્રોફી સાથે ફોટો પડાવવામાં આવ્યો ત્યારે તેણે ટોણો માર્યો અને કહ્યું કે અમ્પાયરોને પણ બોલાવો. ICCએ કહ્યું છે કે હરમનપ્રીતે નિયમોનું ઉલ્લંઘન કર્યું છે.
હરમનપ્રીત ICC આચાર સંહિતા કલમ 2.8 માટે દોષિત
ICCએ પોતાના નિવેદનમાં કહ્યું છે કે હરમનપ્રીત પર લેવલ-2 નિયમનો ભંગ કરવા બદલ 50 ટકા દંડ ફટકારવામાં આવ્યો છે. આ સિવાય તેના તરફથી ત્રણ ડીમેરિટ પોઈન્ટ પણ આવ્યા છે. હરમનપ્રીતને ICC આચાર સંહિતાની કલમ 2.8 માટે દોષિત ઠેરવવામાં આવી છે જેમાં અમ્પાયરના નિર્ણય સાથે અસંમતિ દર્શાવવાનો સમાવેશ થાય છે.
Harmanpreet Kaur has been reprimanded for a breach of the ICC Code of Conduct during the third #BANvIND ODI 😯https://t.co/3AYoTq1hV3
— ICC (@ICC) July 25, 2023
મેચ ફીના કુલ 75 ટકા દંડ ફટકારવામાં આવ્યો
મેચ બાદ જ્યારે બંને ટીમો ટ્રોફી સાથે ફોટો પડાવવા માટે આવી ત્યારે હરમનપ્રીતે ટોણો માર્યો કે તેણે અમ્પાયરોને બોલાવવાનું કહ્યું હતું. આના કારણે તેઓને પણ નુકસાન થયું છે. આ માટે હરમનપ્રીતને મેચ ફીના 25 ટકા દંડ ફટકારવામાં આવ્યો છે. આ દંડ લેવલ-1ના ગુનાને કારણે લગાવવામાં આવ્યો છે, જેમાં આંતરરાષ્ટ્રીય મેચમાં બનેલી ઘટનાની જાહેરમાં ટીકા કરવાનો સમાવેશ થાય છે.
હરમનપ્રીતે ભૂલ સ્વીકારી લીધી
ICCના નિવેદન અનુસાર, હરમનપ્રીતે પોતાની ભૂલ સ્વીકારી લીધી હતી અને સાથે જ તેણે મળેલી સજા પણ સ્વીકારી લીધી છે. તેથી, આ મામલે કોઈ સત્તાવાર સુનાવણીની જરૂર ન હતી અને તેમના પર તાત્કાલિક અસરથી સજા લાદવામાં આવી હતી.
Why are you only here? The umpires tied the match for you. Call them up! We better have a photo with them as well – Harmanpreet Kaur
Bangladesh Captain took her players back to the dressing room after this incident 😳#HarmanpreetKaur #INDvsBAN pic.twitter.com/dyKGwPrnfG
— OneCricket (@OneCricketApp) July 23, 2023
આ પણ વાંચો : યશસ્વી જયસ્વાલે કર્યો કમાલ, પ્રથમ ટેસ્ટ શ્રેણીમાં જોરદાર બેટિંગ કરી બનાવ્યા સૌથી વધુ રન
ટીમ ઈન્ડિયાએ અમ્પાયરિંગ પર સવાલ ઉઠાવ્યા
ભારત અને બાંગ્લાદેશ વચ્ચે રમાયેલી ત્રણ મેચની વનડે સિરીઝ 1-1 થી બરાબર રહી હતી. બાંગ્લાદેશને મજબૂત ટીમ માનવામાં આવતી નથી, આવી સ્થિતિમાં શ્રેણીની બરાબરીથી ભારતીય ટીમની રમત પર સવાલો ઉભા થયા છે. ટીમ ઈન્ડિયાએ આ સિરીઝમાં અમ્પાયરિંગ પર સવાલ ઉઠાવ્યા હતા. ત્રીજી મેચ બાદ સ્મૃતિ મંધાનાએ પણ ન્યુટ્રલ અમ્પાયરિંગની વાત કરી હતી.
